Fréttablaðið - 03.09.2006, Qupperneq 70

30 3. september 2006 SUNNUDAGUR
sport@frettabladid.is
ÍSLENSKA LIÐIÐ
ÁRNI GAUTUR ARASON 8
Stóð pressuna af sér vel í upphafi leiksins en hefði
átt að verja skot Healys í rangstöðumarkinu. Hélt
þó hreinu á endanum og átti því góðan dag.
GRÉTAR RAFN STEINSSON 8
Fékk ekkert að leika lausum hala og sinnti
varnarhlutverkinu frábærlega. Var alltaf á tánum
og skilaði boltanum vel af sér.
ÍVAR INGIMARSSON 9
Átti stórkostlegan leik. Alltaf rétt staðsettur og
gerði sóknarmann Norður-Íra, James Quinn,
ósýnilegan. Besti landsleikur hans frá upphafi.
HERMANN HREIÐARSSON 8
Barði Norður-Írana af sér allan leikinn, sér í lagi
hinn marksækna Healy og reyndi mjög á skap
hans. Steig varla feilspor.
INDRIÐI SIGURÐSSON 8
Komst mjög vel frá sínu og sinnti sínu hlutverki
eins og til var ætlast. Hafði gætur á hinum
reynda Gillespie, sem átti erfitt uppdráttar.
KÁRI ÁRNASON 5
Lék aðeins í hálftíma og náði sér aldrei á strik.
Gerði vel í marki Gunnars Heiðars. Gekk greini-
lega ekki heill til skógar.
JÓHANNES KARL GUÐJÓNSSON 8
Átti afar skynsaman og yfirvegaðan leik en barð-
ist afar vel og vann þar að auki mörg „skítverk“.
Ný hlið á Jóhannesi, sem leit afar vel út.
BRYNJAR BJÖRN GUNNARSSON 9
Átti hreint frábæran leik. Tók þátt í tveimur mörkum
og var gífurlega öflugur á miðjunni, bæði í varnar-
og sóknarhlutverki. Glæsileg frammistaða.
HANNES Þ. SIGURÐSSON 7
Barðist vel í fyrri hálfleik og skilaði sínu ágætlega.
En klárlega ekki hlutverk í liðinu sem er eftir hans
höfði. Slakaði verulega á í síðari hálfleik.
EIÐUR SMÁRI GUÐJOHNSEN 8
Góður dagur hjá Eiði og dæmigerð frammistaða
í landsleik. Virtist stundum áhugalítill og hefði
mátt eltast meira við boltann. Átti nokkra yfir-
burðatakta á vellinum auk þess sem hann skor-
aði gott mark. Vel að markametinu kominn.
GUNNAR HEIÐAR ÞORVALDSSON 7
Var duglegur auk þess sem hann kom Íslandi á
bragðið með mjög vel afgreiddu marki. Átti þó í
vandræðum með að skila boltanum af sér.
VARAMENN
HELGI VALUR DANÍELSSON 6
Kom inn á fyrir Kára á 35. mínútu. Komst lítið
inn í leikinn.
HJÁLMAR JÓNSSON 6
Kom inn á fyrir Hannes á 64. mínútu. Hafði sig
lítið í frammi en gerði engin mistök.
STEFÁN GÍSLASON -
Kom inn á fyrir Brynjar Björn á 75. mínútu.
MEÐ ELÍSABETU
GUNNARSDÓTTUR60
SEKÚNDUR
Besti leikmaður Landsbankadeildar kvenna
er... Allt Valsliðið.
Margrét Lára eða Ásthildur: Tvær frábærar
knattspyrnukonur.
Er eðlilegt að vera með markatöluna 87:8
þegar ein umferð er eftir? Ef maður á það
skilið.
Gætir þú hugsað þér að þjálfa karlalið? Nei.
Á að breyta fyrirkomulaginu í Landsbanka-
deild kvenna? Það má alveg skoða það. Hef
lítið pælt í hvernig.
Hlíðarendi eða Valbjarnarvöllur: Hlíðarendi.
Vinnur Valur tvöfalt? Vonandi.
Valur er... Stórveldi.
Hverjir verða enskir meistarar? Manchester
United, ekki spurning.
Kemst karlalandsliðið í lokakeppni EM? Það
væri óskandi.
Hvenær tekurðu við kvennalandsliðinu?
Þegar réttur tími gefst.
Besta knattspyrnukona heims: Inka Grings.
Besti knattspyrnumaður heims: Ronaldinho.
Fílarðu hljómsveitina Snooze? Hún er frábær.
> Simun, Rógvi og Fróði léku
Framherjinn Rógvi Jacobsen, sem lék með KR-
ingum í Landsbankadeildinni framan af sumri,
og Fróði Benjamínsen, sem lék með Fram hér á
landi fyrir nokkrum árum, léku báðir með landsliði
Færeyja sem beið afhroð í leik sínum
gegn Skotlandi í undankeppni EM í
gær. Lokatölur urðu 6-0, Skotum í
vil, og sáu frændur vorir í Færeyjum
aldrei til sólar. Simun Samuelsen
hjá Keflavík byrjaði á varamanna-
bekk Færeyinga en kom inn á
þegar stundarfjórðungur var til
leiksloka.
FÓTBOLTI Það var hellidemba sem
heilsaði Belfast-búum að morgni
leikdags. Það hafði þó stytt upp
þegar leikurinn hófst og áður en
yfir lauk hóf sólin að skína, sem
var sér í lagi viðeigandi fyrir
íslenska liðið sem vann frábæran
3-0 sigur með mörkum Gunnars
Heiðars Þorvaldssonar, Hermanns
Hreiðarssonar og Eiðs Smára Guð-
johnsen.
Íslensku leimennirnir byrjuðu á
því áður en leikurinn hófst að hóp-
ast saman í hring og peppa hvern
annan upp fyrir leikinn. Sjaldgæf
sjón hjá íslenska liðinu en vonandi
merki um breytta tíma.
Athygli vakti að Eyjólfur
Sverrisson valdi Gunnar Heiðar
Þorvaldsson fram yfir Heiðar
Helguson í framlínu liðsins við hlið
Eiðs Smára en Heiðar hefur ekki
náð sínu besta fram í undanförnum
landsleikjum og því ef til vill rök-
rétt ákvörðun.
Snemma leiks var ljóst að það
var mjög þýskur bragur á liðinu.
Íslenska liðið var afar þétt og gaf
Norður-Írum lítið pláss með bolt-
ann. Það hreyfði sig mikið með
boltanum og neyddi þar með heima-
menn til að gefa háar og langar
sendingar.
Ungu mennirnir á köntunum,
Kári Árnason og Hannes Sigurðs-
son, voru duglegir að sækja með
liðinu og beið þá Eiður Smári fyrir
aftan þá og Gunnar Heiðar þar sem
hann reyndi að dreifa boltanum í
opin svæði.
Það var hins vegar Brynjar
Björn sem átti sendinguna sem
skapaði fyrsta markið. Hún rataði
inn á teig þar sem Kári tók við bolt-
anum og kom honum á Gunnar
Heiðar. Hann skilaði boltanum í
netið með laglegu utanfótarskoti.
Ákvörðun Eyjólfs var ekki lengi að
skila tilætluðum árangri.
„Who are you?“ sungu stuðn-
ingsmenn í stúkunni þegar Jóhann-
es Karl tók horn á 20. mínútu. Enn
og aftur svöruðu Íslendingar fyrir
sig hátt og snjallt. Boltinn fór af
varnarmanni Norður-Íra og beint
fyrir fætur Hermanns Hreiðars-
sonar, sem skoraði af stuttu færi.
Fyrir Íslendinga var leikurinn
eins og draumur en að sama skapi
hrein og klár martröð fyrir heima-
menn, sem voru þegar farnir að
tínast af vellinum.
Norður-Írar reyndu að klóra í
bakkann en gekk ekkert. Ívar Ingi-
marsson átti góðan skalla að marki
eftir aðra hornspyrnu Íslands í
leiknum en framhjá.
Það kom í hlut miðvallarleik-
mannsins Sammy Clingan að hafa
gætur á Eiði Smára og tókst honum
vel upp í upphafi leiks. En eftir að
hafa lent 2-0 undir hætti hann nán-
ast að elta hann og var það lýsandi
fyrir leik Norður-Íra. Þetta var pín-
leg stund fyrir þá.
Og það átti eftir að versna enn
fyrir heimamenn. Aftur splundraði
Brynjar Björn vörn Norður-Íra
með sendingu inn fyrir vörn þeirra
sem Grétar Rafn fékk, gaf fyrir og
boltinn fór af varnarmanni og beint
fyrir fætur Eiðs Smára sem átti
ekki í vandræðum með að skora.
Þar með var markamet Ríkharðs
Jónssonar jafnað.
Síðari hálfleikur hófst fremur
rólega og greinilegt að leikmenn
beggja liða voru heldur áhuga-
minni en í upphafi leiks. Íslenska
liðið slakaði heldur of mikið á og
var heppið á 61. mínútu er mark
Davids Healy var dæmt af vegna
rangstöðu.
Annars var síðari hálfleikur
eins og við var að búast. Norður-
Írar reyndu að halda niðurlæging-
unni í lágmarki á meðan íslensku
strákarnir reyndu bara að spila
skynsamlega, gera ekki mörg mis-
tök og halda fengnum hlut. Við það
getur verið erfitt að halda staðfest-
unni og einbeitingunni en íslenska
liðið komst ágætlega frá því.
Niðurstaðan er stórkostlegur
sigur í Belfast og getur liðið nú
gengið kokhraust til leiks gegn
Danmörku á miðvikudag.
Stórkostleg frammistaða í Belfast
Á 34 mínútum í fyrri hálfleik gerði íslenska liðið út um leikinn gegn Norður-Írum í undankeppni EM með
þremur frábærum mörkum og stórkostlegri frammistöðu. Fyrri hálfleikurinn var einn sá besti frá upphafi
hjá íslenska landsliðinu, sem hélt einfaldlega fengnum hlut í þeim síðari.
Windsor Park, áhorf: 14 þúsund
N-Írland Ísland
TÖLFRÆÐIN
Skot (á mark) 12–6 (3–5)
Varin skot 2–3
Horn 5–4
Aukaspyrnur fengnar 9–11
Rangstöður 3–2
0-1 Gunnar Heiðar Þorvaldsson (13.)
0-2 Hermann Hreiðarsson (20.)
0-3 Eiður Smári Guðjohnsen (34.)
0-3
T. Skjerven, Nor. (8)
UNDANKEPPNI EM
EIRÍKUR STEFÁN ÁSGEIRSSON
skrifar frá Belfast.
eirikur.asgeirsson@frettabladid.is
Þriðjudögum og fi mmtudögum kl. 17.45 - 19
Byrjum þriðjudaginn 5. sept.
FÓTBOLTI „Þetta var draumabyrj-
un fyrir liðið og glæsilegt hvern-
ig leikmennirnir tóku á þessum
leik,“ sagði kampakátur lands-
liðsþjálfarinn Eyjólfur Sverris-
son við Fréttablaðið í gær.
„Við vorum að skila góðri
varnarvinnu og þegar við unnum
boltann áttum við virkilega góðar
skyndisóknir og vorum að halda
boltanum mjög vel. Mér fannst
vera mjög góður taktur í okkar
leik.“
Íslenska liðið bakkaði eðlilega
töluvert í síðari hálfleik, enda
með 3-0 forystu. „Við vorum auð-
vitað ekkert að sperra okkur
neitt mikið fram á við. Þeir gerðu
að sjálfsögðu allt til að pressa á
okkur en við náðum að standast
það mjög vel. Við vorum mjög
þéttir fyrir í vörninni og höfðum
engar áhyggjur,“ sagði Eyjólfur
um síðari hálfleikinn.
Íslendingar mæta Dönum á
miðvikudaginn og Eyjólfur sagði
að það yrði ekki erfitt að ná
mönnum niður eftir þennan leik.
„Menn verða alveg vaknaðir þá.
Við ætlum að halda okkar leik
áfram og styrkja okkur enn frek-
ar.
Varnarleikurinn í dag var að
ganga upp líkt og á móti Spán-
verjum og við vorum að bæta í
sóknina núna þannig að þetta er
allt á réttri leið.“ - dsd
Landsliðsþjálfarinn Eyjólfur Sverrisson:
Draumabyrjun fyrir liðið
FÓTBOLTI Gunnar Heiðar Þorvalds-
son var kampakátur eftir leik og
neitaði því ekki að það hefði verið
ljúft að skora fyrsta mark
leiksins. „Það var afar ljúft.
Markið var einmitt barnings-
mark, boltinn datt allt í einu fyrir
mig og ég kláraði það bara.“
Hann sagðist einnig ánægður
með varnarleikinn. „Það var
ótrúlegt að þeir héldu sífellt
áfram að dæla háum boltum inn á
teiginn þar sem turnarnir, Hemmi
og Ívar, hreinsuðu allt. En það var
mikill baráttuandi í liðinu og við
hættum aldrei enda var ég alveg
búinn á því eftir leik.“ - esá
Gunnar Heiðar Þorvaldsson:
Ljúft að skora
1-0 Gunnar Heiðar sést hér skora mark
sitt í leiknum í gær. FRÉTTABLAÐIÐ/VALLI
GAMAN Leikmenn íslenska landsliðsins höfðu ríka ástæðu til að gleðjast eftir sigur-
inn í gær. Frammistaðan hjá liðinu var sú besta í langan tíma og gefur góð fyrirheit
fyrir framhaldið í undankeppni EM. FRÉTTABLAÐIÐ/VALLI
EYJÓLFUR SVERRISSON Skiljanlega mjög
sáttur við sína menn. FRÉTTABLAÐIÐ/VALLI