Fréttablaðið - 05.09.2006, Side 35

ÞRIÐJUDAGUR 5. september 2006
A380 risaþota frá samevrópsku
flugvélasmiðjunni Airbus fór í
loftið frá flugvelli í Toulouse í
Frakklandi í gær. Þetta var fyrsta
tilraunaflug vélarinnar af fjórum
í vikunni með áhöfn og farþega
innanborðs. Flugið tók sjö klukku-
stundir en farþegarnir voru allir
starfsmenn Airbus.
Fram til þessa hafa 16 flugfé-
lög pantað 159 vélar frá Airbus en
fyrirhugað er að afhenda Singa-
pore Airlines þær fyrstu í desem-
ber, hálfu ári á eftir áætlun.
Þetta þykir stórt skref fyrir
EADS, stærsta hluthafa Airbus,
sem hefur orðið fyrir nokkrum
skakkaföllum vegna tafa á fram-
leiðslu vélanna. Bæði hefur gengi
hlutabréfa í félaginu lækkað
mikið síðan greint var frá seink-
uninni í júní auk þess sem félagið
á yfir höfði sér skaðabótamál
vegna þessa.
Í ofanálag hafa tveir af hæst-
ráðendum félaganna þurft að taka
poka sína. Gustav Humbert, for-
stjóri Airbus, sagði af sér vegna
tafa en Noel Forgeard, yfirfor-
stjóri samstæðu EADS, hvarf á
braut í kjölfar ásakana um að
hann hefði selt hluti sína og fjöl-
skyldu sinnar í EADS áður en
greint var formlega frá seinkun á
afhendingu A380 risaþotanna.
- jab
Þotan loks í loftið
A380 FRÁ AIRBUS Starfsmenn Airbus fara um borð í risaþotuna á mánudag. Þotan er
stærsta farþegaþota í heimi. FRÉTTABLAÐIÐ/AP
KAUPHÖLL ÍSLANDS [Hlutabréf]
ICEX-15 6.109 +0,74% Fjöldi viðskipta: 406
Velta: 3.159 milljónir
HLUTABRÉF Í ÚRVALSVÍSITÖLU: Actavis 65,00 -1,07% ... Alfesca 4,56 +0,00% ... Atlantic
Petroleum 581,00 +0,52% ... Atorka 6,25 +0,00% ... Avion 33,60 +0,30% ... Bakkavör 54,40
+0,18% ... Dagsbrún 5,12 -0,39% ... FL Group 19,00 +1,06% ... Glitnir 20,10 +1,01% ... KB
banki 837,00 +1,09% ... Landsbankinn 25,70 +1,58% ... Marel 77,00 +0,00% ... Mosaic Fas-
hions 17,40 -1,70% ... Straumur-Burðarás 16,90 +0,60% ... Össur 125,00 +0,00%
MESTA HÆKKUN
Landsbankinn +1,58%
KB banki +1,09%
FL Group +1,06%
MESTA LÆKKUN
Icelandic Group -3,17%
Mosaic -1,70%
Actavis -1,07%
Umsjón: nánar á visir.is
Útlit er fyrir 0,8 prósenta hækkun
vísitölu neysluverðs milli ágúst og
september og allt bendir til þess að
verðbólga hafi þegar náð hámarki
og muni minnka á næstu mánuð-
um. Þetta kemur fram í endur-
skoðaðri verð-
bólguspá
Greiningar-
deildar Glitn-
is.
Í Morgun-
korni Glitnis
segir að elds-
neytisverð
hafi lækkað að undanförnu og geti
lækkað frekar á næstu dögum í
ljósi gengishækkunar krónunnar
og lækkunar á heimsmarkaðsverði.
Útsölur séu nú að ganga til baka en
reiknað er með minni áhrifum á
vísitöluna en í fyrra. Tiltæk gögn
bendi hins vegar til þess að íbúða-
kostnaður muni reynast hærri en í
síðasta mánuði.
Hagstofan birtir vísitölu neyslu-
verðs þann 12. september. Gangi
spá Greiningardeildar Glitnis eftir
mun verðbólga lækka talsvert, úr
8,6 prósentum í 7,8 prósent. - hhs
Spá talsverðri lækk-
un á verðbólgu
Núna gæti verið rétti tíminn til að
kaupa íslenskar krónur þar sem
gengi krónunnar er hagstætt um
þessar mundir. Þetta er haft
eftir Momtchil Pojarliev,
sérfræðingi hjá svissneska
bankans Pictet & Cie, í
frétt á vefsíðu Bloomberg
í gær þar sem fjallað var
um íslensku krónuna. Sagði
hann líkur til þess að krónan
muni styrkjast um sex prósent
fyrir lok ársins. Hægari hagvöxtur
í Bandaríkjunum og Japan sann-
færi fjárfesta um að þarlendir
seðlabankar muni ekki hækka
stýrivexti frekar í bráð. Þar með
verði vaxtamuninum, sem sóst er
eftir, við haldið. Í fréttinni kemur
fram að íslenska krónan, sem stóð
sig einna versta allra gjaldmiðla á
fyrri hluta ársins 2006, sé nú
komin ofarlega á blað hjá
erlendum vogunarsjóðum,
sem nú sækja í íslensk
skuldabréf. Á núverandi árs-
fjórðungi hefur krónan styrkst
um tíu prósent gagnvart dollar-
anum. Styrkingin kemur að hluta
til af því að fjárfestar taka lán í
löndum þar sem vextir eru lágir og
fjárfesta hér, þar sem vextir eru
háir. Íslenskir stýrivextir standa
nú í 13,5 prósentum. - hhs
Segir rétta tímann
til krónukaupa