Fréttablaðið - 10.09.2006, Blaðsíða 72

32 10. september 2006 SUNNUDAGUR
NFL Dhani Jones er stórstjarna í
Bandaríkjunum en hann leikur í
vörninni hjá liði Philadelphia
Eagles sem hefur verið eitt af
betri liðunum í NFL-deildinni
síðustu ár. Hann hóf feril sinn
hjá New York Giants og var hann
í herbúðum félagsins í fjögur ár.
Árið 2004 söðlaði hann um og
gekk í raðir Eagles og strax á
sínu fyrsta ári með liðinu fór
hann alla leið í sjálfan Super-
Bowl-leikinn.
Þessi 29 ára leikmaður er orð-
inn mjög reyndur og sjóaður í
bransanum. Hann er þegar farinn
að huga að endalokum ferilsins og
hefur því stofnað fyrirtæki og svo
vinnur hann einnig fyrir ESPN-
sjónvarpsstöðina, þar sem hann er
með eigin þátt, en hann hefur mik-
inn hug á að halda áfram á því
sviði þegar hann leggur skóna á
hilluna.
Nýtur þess að skoða heiminn
Jones kom í sína fyrstu heimsókn
til Íslands í sumar ásamt félaga
sínum og hann var frekar lítið sof-
inn eftir líflega nótt þegar undir-
ritaður hitti hann á Nordica-hótel-
inu upp úr hádegi. Hann bar sig
engu að síður vel, var kurteisin
uppmáluð en félagarnir voru enn
brosandi eftir nóttina og áttu ekki
orð til að lýsa næturlífinu á Íslandi.
Svo sáttir voru þeir með ferðina
að sú hugmynd var uppi að fjár-
festa í íbúð á landinu.
„Þetta er einn af kostunum við
að spila í NFL-deildinni. Það er
gefið langt frí og ég hef allan minn
feril reynt að nýta tímann til að
skoða heiminn og fer þá helst á
staði sem eru öðru fólki fram-
andi,“ sagði Jones yfirvegaður
með kaffibolla í hendi en hann
vakti óskipta athygli kvennahóps
á staðnum enda stæðilegur karl-
maður.
Jones hefur alltaf notið mikill-
ar kvenhylli en á þeim tíma sem
hann lék með Giants komst hann á
lista yfir fimmtíu eftirsóttustu
piparsveina New York. Jones er
enn konulaus og hann segir sér
líka það vel. Ég spyr hann strax að
því hvort það sé ekki ljúft líf að
vera NFL-leikmaður og hvort
hann vaði ekki í peningum.
Legg líf mitt að veði í vinnunni
„Ég hef það mjög gott, ég neita því
ekki. Á móti kemur að ég vinn
fyrir laununum mínum og það
gera allir leikmenn í deildinni. Í
hvert skipti sem ég fer út á völlinn
legg ég líf og limi í hættu og sú
hætta er alltaf til staðar að ég yfir-
gefa völlinn án þess að geta geng-
ið aftur.
Lífið í NFL-deildinni hefur
tekið sinn toll af mér og þótt núna
séu nokkrir mánuðir síðan tíma-
bilinu lauk er mér enn illt í löpp-
unum. Ég er með stöðugan verk og
ég læt mig hafa það,“ sagði Jones
en hann fær tæpan milljarð í laun
fyrir fimm ára samning við Eagles
sem er mjög gott fyrir mann sem
spilar hans stöðu.
Handtekinn í Miami
Jones er nokkur glaumgosi og
honum líkar ljúfa lífið vel. Fyrr á
árinu var hann að skemmta sér í
Miami og lenti þá í því að vera
handtekinn. Ekki gerði hann neitt
stórkostlegt af sér heldur var
hann handtekinn fyrir dansa úti á
götunni og neita að hætta.
„Æi, þarftu endilega að spyrja
mig um þetta,“ sagði Jones bros-
andi og tók utan um andlit sér.
„Hvað get ég sagt? Mér finnst
gaman að skemmta mér og það
var mikið fjör þetta kvöld.“
Líf NFL-leikmannsins er sveip-
að ákveðnum dýrðarljóma í sjón-
varpsþáttum og kvikmyndum og
sé mið tekið af þeim eru NFL-leik-
menn stanslaust í svakalegum
svallpartíum þar sem hver maður
hefur fjórar konur upp á arminn.
Það er ekki annað hægt en spyrja
Jones að því hvort þetta sé svona í
raunveruleikanum?
Það eru villt partí
„Það eru vissulegu partí og stund-
um mjög villt partí. Það stunda
samt ekki allir þennan gleðskap
og það eru helst ungu og óreyndu
mennirnir sem eru duglegir að
skemmta sér. Eftir ákveðinn tíma
þá áttar maður sig á því að ef
maður ætlar að endast í boltanum
þá verður maður að passa vel upp
á sig.
Ég var nokkuð duglegur að
mæta í partí á mínum yngri árum
en læt það vera nú. Hvað varðar
þessa ímynd þá á hún við nokkur
rök að styðjast en er heldur mikið
ýkt samt,“ sagði Jones alvarlegur,
en það er ekki bara glansmynd
sem er brugðið upp af NFL-leik-
mönnum því í þættinum Playma-
kers, sem Sýn sýndi á sínum tíma
var dregin upp mjög dökk mynd
af leikmönnum í NFL-deildinni.
Þeir áttu að vera á sterum, í eit-
urlyfjum og læknar liðanna þar að
auki gerspilltir menn sem hugs-
uðu eingöngu um hag félagsins en
skeyttu í engu um heilsu leik-
mannanna. Aðeins ein þáttaröð
var framleidd en NFL kom í veg
fyrir að önnur yrði framleidd.
Einhverjir í neyslu og á sterum
„Það eru líka dökkar hliðar. Ekki
spurning. Rétt eins og í daglega
lífinu eiga menn miserfitt með að
fóta sig og eflaust eru til menn í
deildinni sem neyta stera og eru í
eiturlyfjum. Það er alls staðar
þannig, líka hjá venjulega fólki
sem vinnur í banka. Ég hef enga
sérstaka skoðun á þessum þætti
en hann dregur ekki upp jákvæða
mynd af okkur. Svo mikið er víst,“
sagði Jones.
Þessi magnaði varnarmaður
komst eins og áður segir í Super-
Bowl árið 2004 en því miður fyrir
hann tapaðist leikurinn. Hann von-
ast til að komast aftur í úrslita-
leikinn áður en hann hættir.
„Það var ótrúleg upplifun að
fara í SuperBowl. Öll vikan var
eins og ævintýri en tapið gerir það
að verkum að maður horfir ekki
með eins jákvæðum huga til baka.
Ég vil frekar horfa fram á veginn
og reyna að komast þangað aftur,“
sagði Jones en hvað ætlar hann að
spila lengi?
„Ég veit það ekki. Ég mun samt
passa mig á að spila ekki of lengi
og mun hlusta á líkamann þegar
hann segir mér að nú sé nóg komið.
Ég vil halda heilsu eftir að ferlin-
um lýkur, njóta lífsins og uppfylla
aðra drauma eins og að vinna
áfram í sjónvarpi,“ sagði Dhani
Jones en hann stefnir á að heim-
sækja Ísland aftur bráðlega.
henry@frettabladid.is
VIÐ VINNUM FYRIR
LAUNUNUM OKKAR
NFL-stjarnan Dhani Jones segir í einkaviðtali við Fréttablaðið að lífið í NFL-
deildinni sé ekki bara gleði og glaumur. Ferillinn hefur tekið sinn toll af þess-
um 29 ára varnarmanni en í spjalli við Henry Birgi Gunnarsson ræðir hann
opinskátt um partíin, glamúrinn, eiturlyfin og sterana sem margir leikmanna
deildarinnar eru taldir nota í óhófi.
JONES Flottur með slaufuna.
Í VINNUNNI Dhani sést hér á vellinum með Philadelphia Eagles en hann fór með
liðinu alla leið í SuperBowl fyrir aðeins tveimur árum. FRÉTTABLAÐIÐ/GETTY IMAGES
LÍKAR LJÚFA LÍFIÐ Dhani Jones er laus og liðugur og hefur engan áhuga á að stofna
fjölskyldu á næstunni. Hann er duglegur að leika sér og mætir á flestar uppákomur
þar sem hann er á gestalistanum. FRÉTTABLAÐIÐ/GETTY IMAGES
NFL Dhani Jones er öfundaður af
mörgum karlmönnum enda er
hann ekki bara leikmaður í hæsta
gæðaflokki í vinsælustu íþrótt
Bandaríkjanna heldur er hann
einnig fjallmyndarlegur og
konur slást um að komast á stefn-
mót með honum og margar fræg-
ar konur hafa sést úti á lífinu
með Jones.
Kynþokki Jones var undir-
strikaður rækilega fyrir ári
þegar hann var talinn meðal
fimmtíu eftirsóttustu pipar-
sveina heims að mati People-
tímaritsins en flestir á þeim lista
eru heimsþekktir leikarar og
nægir þar að nefna nöfn eins og
Tom Cruise og Brad Pitt.
Þegar Dhani kom hingað til
lands fyrr í sumar sletti hann
rækilega úr klaufunum og
aðspurður sagði hann íslenskt
kvenfólk vera gullfallegt og sér
að skapi.
Á meðan undirritaður tók við-
tal við Jones var íslenska kvenna-
landsliðið á leið út af hótelinu og
niður á Laugardalsvöll þar sem
stelpurnar voru að fara að spila
landsleik. Jones snarsnerist í
sæti sínu er hann sá stelpurnar
koma og var augljóslega ánægð-
ur með það sem hann sá. Hann
sagðist vera sérstaklega hrifinn
af dökkhærðum stelpum og
markvörðurinn Guðbjörg Gunn-
arsdóttir greip auga hans fljótt.
Hann kallaði á Guðbjörgu er
hann gekk út en hún horfði á
hann furðulostin og hélt förinni
áfram án þess að svara. - hbg
Dhani Jones hefur allt sem þarf:
Einn eftirsóttasti
piparsveinn heims
HANN ER VINSÆLL OG VEIT AF ÞVÍ... Dhani er eftirsóttir hjá kvenfólkinu. Hann sést
hér með hinni íðilfögru leikkonu Shannon Elisabeth sem hefur meðal annars
leikið í Amercian Pie-myndunum.
NFL Dhani Jones sló rækilega í
gegn á NFL-sjónvarpsstöðinni
árið 2003 þegar hann kom ávallt
fram með slaufu, en karlmenn
sjást æ sjaldnar með slaufur
þessa dagana. Svo góð viðbrögð
fékk Jones við slaufunum að hann
byrjaði að hann sínar eigin
slaufur og opnaði í kjölfarið
verslunina „Five star bow ties“
þar sem eingöngu eru seldar
slaufur sem Jones hannar.
„Ég hafði aldrei spáð í að setja
upp slaufu þar til vinur minn
manaði mig til þess að mæta með
slíkt um hálsinn. Hann var
nýbúinn að berjast við krabba-
mein og ég ákvað að bera
slaufuna og votta þannig baráttu
hans virðingu mína,“ sagði Jones.
- hbg
Hæfileikaríkur strákur:
Hannar slaufur