Fréttablaðið - 30.09.2006, Síða 20

30. september 2006 LAUGARDAGUR20
Maður vikunnar
er sjálfkjörinn
að þessu sinni.
Ekki verður um
það deilt. Ómar
Ragnarsson
fékk því áorkað
sem fáum
öðrum hefur og
hefði tekist
þegar hann síð-
astliðið mið-
vikudagskvöld
stóð fyrir ein-
hverri stærstu
mótmælagöngu
Íslandssögunn-
ar með litlum
sem engum fyr-
irvara. Hátt í
fimmtán þús-
und manns tóku
höndum saman
og fylgdu eld-
huganum Ómari
niður Laugaveg-
inn, niður hlið-
arvegi og mynd-
uðu saman
mannelfur sem
streymdi niður
að Alþingishús-
inu í þeirri veiku
von að frá því
yrði horfið að
koma böndum á
sjálfa Jöklu.
Mótmæli sem
hljóta að fara á
spjöld sögunn-
ar og marka
straumhvörf.
Hvert manns-
barn þekkir
Ómar Ragnars-
son. Svo áber-
andi hefur hann
verið í um hálfa
öld. Og þegar
nánar er að gáð er hann sá sem
hann sýnist. Opinn og orkumikill.
Ómar kemur til dyranna eins og
hann er klæddur.
Ómar lætur ekkert stöðva sig.
Svo gagntekinn verður hann af
viðfangsefni sínu hverju sinni.
Sem er kostur en jafnframt galli.
Þannig er Ómar egóisti í þeim
skilningi að allt má víkja þegar
hann fer af stað. Þó segja þeir sem
til þekkja að fyrir um tíu árum
hafi runnið upp fyrir honum ljós.
Ómar hafi þá orðið sér meðvitaður
um að fjölskyldan eigi − jafnvel −
að njóta vafans. Að Ómar hafi um
fleiri að hugsa en sjálfan sig. Fjöl-
skyldunni þurfi að sinna þótt
óbyggðirnar kalli. Og þar er verk
að vinna. Ómar á með konu sinni,
Helgu Jóhannsdóttur, sem hann
kvæntist 1961, 7 börn og 19 barna-
börn.
Þeir sem til þekkja segja að
Ómari sé best lýst með orðunum:
Ofboðslega góður maður. Hann
myndi aldrei fara með ósannindi.
Og aldrei ljúga upp á neinn. Heiðar-
leiki er Ómari í blóð borðinn. Hann
hefur aldrei notfært sér sambönd
sín sér og sínum til hagsbóta eða
framdráttar. Hann er prinsipp-
maður í þessum efnum. Strang-
heiðarlegur, hvernig sem á það
er litið. Heiðarleiki hans birtist
meðal annars í því að sé hann á
vegum fyrirtækis síns úti á landi
þá sefur hann heldur í bíl sínum
fremur en að leigja sér hótel-
herbergi á kostnað vinnuveitenda
sinna. Þiggur frekar brauðsneið af
bónda fremur en að fara á veit-
ingahús og skrifa reikninginn á
kompaníið.
Því miður, segja þeir sem
standa honum næst, nær þessi
hagsýni ekki til þess sem snýr að
honum sjálfum. Ómar á ekki neitt
þegar litið er til efnislegra gæða.
Hann er hræðilega lélegur pen-
ingamaður. Menn ganga svo langt
að segja engan hafa eins lítið vit á
peningamálum og Ómar Ragnars-
son. Og ef ekki væri fyrir konu
hans væri hann eins og drusla til
fara. Helga hugsar fyrir Ómar
þegar kemur að praktískum
málum. Hann væri algerlega
ósjálfbjarga án hennar en Helga
passar upp á að Ómar fari í hrein
föt og að hann eigi yfirleitt föt til
að fara í. „Hann væri Gísli á Upp-
sölum án Helgu sinnar,“ segir einn
heimildarmanna blaðsins. Hús-
verk eru honum lokuð bók. Væri
hann einn síns liðs væri Cheerios í
öll mál. Borðað beint upp úr pakk-
anum.
Ómar er mikill tilfinningamað-
ur og rómantískur svo af ber. Um
það vitna mörg ljóða hans. Var til
þess tekið í framlagi Ómars til
forkeppni Eurovision-söngva-
keppninnar, þar sem hann skrifaði
fagran brag um ástir foreldra
sinna. Og öllum er ljóst, þeim sem
hann þekkja, að hann elskar konu
sína út af lífinu. Dýrkar götuna
sem hún gengur
á. Ómar veit sem
er að án hennar
væri hann ekk-
ert. Heimildar-
menn blaðsins
segja þau hjón
aldrei rífast.
Enda er eitt
helsta mottó
Ómars það að öll
dýrin í skóginum
eigi að vera
vinir. Allir sáttir.
Og ekki síst það
skýrir hvers
vegna hann
gengst nú fyrir
mótmælunum,
eins öfugsnúið
og það kann að
hljóma. Ómar er
ósáttur við ósátt-
ina. Hann finnur
hversu þjóðin er
klofin í afstöðu
sinni til Kára-
hnjúkavirkjunar
og því kallar
hann eftir sátta-
leið.
Einhverjum
kann að koma á
óvart að Ómar
átti einungis
örlítið eftir af
lögfræðinámi
þegar skyldan
kallaði. Ómar
útskrifaðist sem
stúdent frá MR
og fór þaðan í
lögfræði. Ekki
galið þegar til
þess er litið að
Ómar er orator
og sannfæring-
arkrafti hans við
brugðið. En
þegar aðeins var ár eftir af því
námi var orðið svo mikið að gera
hjá honum við að skemmta að
námið var lagt á hilluna.
Allir sem eitthvað vita þekkja
hinn ofvirka dellukarl sem Ómar
er. Sjónvarpsmaðurinn og
skemmtikrafturinn sem flengist
landshluta á milli við að greina frá
og skemmta. En þeir sem til
þekkja telja þó víst að hann hefði
ekki verið greindur ofvirkur færi
hann í slíka skoðun. Ómar getur
setið tímunum saman og lesið. Þá
gjarnan bílablöð, flugvélablöð,
hnefaleikatímarit og bækur. Þá
mun vera vonlaust að ná við hann
sambandi. Hann hverfur í sínar
bækur og sín blöð. Og á það jafn-
framt til að sitja klukkustundum
saman og gera ekki neitt. Þá vænt-
anlega er verið að hlaða batteríin.
Áhugamál Ómars utan þeirra
sem lýsa sér í lesefninu áður-
nefndu eru Ísland, þjóðin og nátt-
úran. Hann er þjóðernissinni í
þeirri merkingu. Þann hafsjó fróð-
leiks sem hann býr yfir um land
og þjóð má rekja til þess að sem
drengur fékk hann lömunarveiki.
Lá þá lengi í rúmi sínu og hlustaði
á veðurfréttir. Hann lærði að
þekkja allar veðurstöðvar. Og
rýndi í landakortið þar til hann
kunni það utanbókar. Þá er hann
og vel lesinn í Íslendingasögum.
Hann elskar þessa þjóð og þetta
land. Sú setning hljómar klén um
flesta aðra en Ómar.
MAÐUR VIKUNNAR
Strangheiðarlegt en
sjálfhverft hágæðablóð
ÓMAR RAGNARSSON
SJÓNVARPSMAÐUR
Láttu draumi
nn
rætast !
550 5000
AUGLÝSINGASÍMI