Fréttablaðið - 30.09.2006, Side 34

[ ]mannlegi
þátturinn
m
an
nl
eg
i
þá
tt
ur
in
n
Skólagangan mín byrjaði ekki vel.
Ég var sett í tossabekk – ég las svo hægt.
Ég gat ekki lært margföldunartöfluna – ég var mömmu til
skammar.
Ég gat ekki lært ljóð – ég var svo heimsk.
Á kvöldin sat ég við eldhúsborðið og skrifaði og mamma
strokaði út.
Ég var hrædd við kennarann minn, ég var hrædd við
gangavörðinn, ég var hrædd við fullorðið fólk.
Ég var 9 ára – lítil og mjó.
Hrekkjusvínin voru í mínum bekk – Maggi feiti og Kalli
kúdó.
Það var búið að senda Magga feita til skólastjórans þennan
dag.
Sigfríður sat við kennaraborðið. Hún var að slípa neglurn-
ar.
Ég var með hjartslátt, hnút í maganum, sveitt í lófunum.
Ég átti að fara með Heilræðavísurnar uppi á töflu.
Mín beið niðurlæging og skömm.
Og samt var ég með nokkur orð í lófanum.
... óttast guð sinn herra, ... virðing þverra ,
... heiður næra, ... dyggð – styggð,
... viljirðu gott barn heita, ... spjátur, hæðni, hlátur.
Púfff.
Ég var reyndar alveg búin að ná þessu með þursinn
heimska sem þegja hlýtur.
Heilræðavísurnar eru ekkert sérlega uppbyggilegar. Þær
lýsa gildum frá gamalli tíð – menntasnobbi, dómhörku og
valdboðum. Heilræðavísurnar ala á fordómum, lítilsvirð-
ingu og mismunun. Og aðeins fáir eiga upp á pallborðið
hjá Hallgrími Péturssyni – þeir vitru, lærðu, alvarlegu og
orðvöru. Og Hallgrímur beindi máli sínu bara til drengja
svo það var alveg ljóst að stúlkur komu ekki einu sinni til
álita.
En Hallgrími gekk gott eitt til – hann ætlaði sér örugg-
lega ekki að terrorísera margar kynslóðir af íslenskum
börnum. Enda vissi hann ekkert um dyslexíu eða tilfinn-
ingagreind. En það gerum við í dag. Nú er það viðurkennt
að manneskjan getur haft gildi á marga vegu og allir hafa
eitthvað til síns ágætis.
Fjölgreindarkenningin breytti öllu.
Ég fagnaði fjölgreindarkenningunni með húrrahrópum
og tárum. Þvílík léttir og uppreisn æru. Maður hafði þá
kannski eitthvað til síns ágætis eftir allt saman. Og pabbi
– sem var næstum alveg hættur að tala af ótta við þágu-
fallssýki – hann hafði kannski eitthvað merkilegt að
segja? Ég vissi vel að pabbi gat ýmislegt – hann gat gert
við allan fjandann – smíðað hús og flogið flugvélum – en
hann var næstum alveg hættur að tala – eins og þursinn í
vísunni.
Já, fjölgreindarkenningin breytti öllu. Nú höfum við vís-
indalegar sannanir fyrir því að félags- og tilfinninga-
þroskinn segir best til um velgengni í lífinu. Og svo kom
það líka í ljós eftir allt saman að heilinn virkar ekki vel
þegar við erum óörugg og hrædd. Og fullur haus af niður-
soðinni þekkingu hjálpar manni ósköp lítið á upplýsinga-
öld. Það eina sem raunverulega skiptir máli er hvernig
okkur líður.
Mikilvæg prófspurning: Hvernig líður þér?
Lífsleiknin er ný námsgrein sem er ætlað að efla félags- og
tilfinningaþroska nemenda. Það má því auðveldlega færa
rök fyrir því að lífsleiknin sé mikilvægasta námsgreinin.
Að lífsleiknin sé í raun eina námsgreinin sem við ættum að
hafa samræmt próf í ... ef við viljum meta það sem raun-
verulega skiptir börnin okkar máli.
Og eina spurningin sem væri til prófs hljóðaði svona:
Hvernig líður þér?
Vitneskja fæst ekki aðeins úr bókum. Hún fæst í miklum
mæli úr skóla lífsins.
Mannlegi þátturinn
ÁSDÍS OLSEN
Ég var í tossabekk
„Know Thyself“ sagði Sókrates á 5. öld fyrir Krist ...
en hvað gerðist svo?
Sjálfsgreind er í raun ekki nýtt fyrirbrigði. Það var í raun
Sókrates sem áttaði sig á gildi sjálfsþekkingar fyrir
hundruðum ára. „Þekktu sjálfan þig“ sagði Sókrates.
Þessi einfalda heimspeki hans er í dag þekkt sem það
námsferli sem á sér stað með lífsleikninni í því skyni að
bæta sjálfsvitundina.
Þekktu sjálfan þig
Nám þarf ekki aðeins að fara fram í skólastofu með nefið ofan í
bók. Til er margs konar greind sem þróast við leik og störf í lífsins
nið. FRÉTTABLAÐIÐ/HEIÐA
Nú skal grennast !!!
Nu hefur tekið til starfa nýtt heilsustúdíó, staðsett í glæsilegu húsnæði á 2. hæð
að Reykjavíkurvegi 68 í Hafnarfirði. Þarna er notuð glæný og byltingarkennd
tækni frá Ultratone.
Ultratone tækin nota rafskilaboð til þess að örva ákveðin svæði líkamans og ná
fram þeim árangri sem fólk leitast eftir, hvort það er megrun, styrking eða jafnvel
markviss líkamsþjálfun. Ultratone fyrirtækið hefur lengi leitt markaðinn í rann-
sóknum og sú einstaka fullkomnunarárátta sem þar ríkir hefur fætt af sér hið
geysimagnaða Futura Pro tæki.
Önnur tæki á markaðnum nýta stundum rafskilaboð til þess að reyna að ná sama
árangri og Ultratone en stóri munurinn er sá að önnur tæki hafa almennt aðeins
eina tegund rafstraums á meðan Ultratone hefur fundið upp 30 mismunandi
rafmerki sem hvert hefur sinn tilgang og þessum rafmerkjum er raðað saman
til þess að skapa nákvæmari og mun áhrifaríkari meðferð en áður hefur náðst.
Rafmerkin eru gríðarlega þróuð og ekki skaðar að slátturinn er miklu mýkri og því
finnur viðskiptavinurinn mun minna fyrir rafmerkjunum en áður hefur þekkst.
Opnunartilboð
Hafðu samband strax og kynntu þér opnunartilboðin okkar, en þau eru hreint
útsagt frábær. Til dæmis 50% afsláttur af 10 tíma kortum. Rétt verð er 25.000 kr.
Tilboðsverð er 12.500 kr. Einnig er hægt að fá frían prufutíma. Hringið strax !
ULTRATONE
Reykjavíkurvegi 68
Hafnarfirði
Sími: 544 5300
www.ultratone.is
ULTRATONE
Megrun - styrking - og ekkert vesen !