Fréttablaðið - 24.10.2006, Blaðsíða 25

ÞRIÐJUDAGUR 24. október 2006 5
Yfirvöld í Kanada hafa leyft silíkon-ígræðslur
eftir þrettán ára bann.
Ríkisstjórn Kanada leyfði aftur innsetningu silíkon-
gels í brjóst kvenna fyrr í þessum mánuði. Í ein
þrettán ár hefur silíkon verið bannað í Kanada, en
nú hafa bandarísku fyrirtækin Mentor Corp. og Ina-
med Corp. fengið leyfi til að markaðssetja silíkon-
ígræðslur í Kanada.
Árið 1992 voru allar silíkon-ígræðslur stöðvaðar
tímabundið, og árið 1993 voru þær alveg bannaðar
og sagt að þær yrðu ekki leyfðar aftur fyrr en
niðurstöður rannsókna lægju fyrir um hugsanleg
áhrif silíkons á heilsuna. Ríkisstjórnin hefur þó
leyft 24 þúsund silíkon-ígræðslur eftir að bannið
var sett í tengslum við sérstakt verkefni þar sem
þurfti staðfestingu læknis um að ekki væri hægt
að notast við annað en silíkon.
Yfirvöld í Kanada taka þó fram að þótt búið sé
að leyfa silíkonígræðslur þarf það ekki að þýða að
þeim fylgi engin áhætta. Silíkon-ígræðslur geti nýst
vel við sum tilfelli og búið sé að draga verulega úr
allri áhættu. Yfirvöld í Kanada studdust við
viðamikla rannsókn frá Bretlandi og Bandaríkjun-
um frá árunum 1995 til 2004 þar sem ekki tókst að
sýna fram á neinar sannanir um að silíkon-ígræðslur
yllu ofnæmissjúkdómum eða öðrum sjúkdómum.
Tvær aðrar rannsóknir sýndu að konur sem höfðu
látið koma fyrir silíkon-ígræðslum í brjóst sín
væru ekki líklegri en aðrar konur til að fá krabba-
mein og að ígræðslurnar minnkuðu lífslíkur þeirra
ekki á nokkurn hátt. Samtök í Ameríku sem talað
hafa gegn silíkon-ígræðslum harma þessa ákvörðun
Kanada og vilja meina að hún geti haft skaðleg
áhrif á heilsu kvenna og það muni kosta heilbrigðis-
kerfi Kanada háar upphæðir í framtíðinni.
Silíkon leyft í Kanada
Tvö bandarísk fyrirtæki hafa fengið leyfi
til að markaðssetja silíkon-ígræðslur í
Kanada.
Nýjar rannsóknir á virkum efn-
um í jarðsjó Bláa lónsins sýna
að þau draga úr öldrun húðar-
innar og styrkja varnarlag.
Þörungar úr Bláa lóninu, svokall-
aðir kúluþörungar, eru samkvæmt
rannsóknunum taldir draga úr
niðurbroti kollagens af völdum
útljóss (UV-ljóss), sem er hluti
sólarljóss.
Kollagen-trefjafrumur í húð
manna eru mikilvægur hluti af
stoðkerfi húðarinnar og niðurbrot
slíkra efna veldur hrukkum. Með
því að vinna gegn niðurbroti kolla-
gens er dregið úr hrukkumyndun.
Annars konar þörungar í Bláa
lóninu, þráðþörungar, örva nýmynd-
un kollagens í húð en með aldrin-
um hægist á framleiðslu þess og
hrukkur taka að myndast.
Þá á kísillinn í Bláa lóninu að
styrkja varnarlag húðarinnar. Með
öðrum orðum er hann talinn örva
tjáningu boðefna er stjórna upp-
byggingu og virkni ysta varnar-
lags húðarinnar.
Þessar niðurstöður liggja
fyrir eftir rannsókn sem Bláa
lónið lét gera í samstarfi við
þýskan húðlækni og rannsóknar-
ráðgjafa að nafni Jean Krut-
mann. Þess má geta að prófessor
Krutmann er heimsþekktur
fyrir rannsóknir sínar á öldrun
húðarinnar og áhrifum umhverfis-
ins á hana. - rve
Þörungar gegn
hrukkum
Rannsóknir sýna að börn verða
nú fyrr kynþroska en áður og
þurfa því fræðslu fyrr.
Samkvæmt niðurstöðum breskrar
rannsóknar þurfa börn fyrr ráð-
gjöf um ýmis fullorðinsmálefni,
þar sem þau ná fyrr kynþroska en
áður hefur þekkst. Tólf ára aldur
er nefndur í því samhengi.
Svo virðist sem mikill munur
sé á líkamlegum og félagslegum
þroska barna. Í raun hefur hann
aldrei verið meiri, þar sem lítið er
gert til að bregðast við þessari
þróun.
Áfengismisnotkun, óvarið kynlíf
og sjálfstortímingarhvatir eru sam-
kvæmt rannsókninni allt saman
afleiðingar þess að börnin fá upp-
lýsingar um þessi atriði allt of
seint. Slík félagsleg vandamál
virðast vera algengari í fátækra-
hverfum í Bretlandi, þar sem
meira vantar upp á upplýsinga-
flæðið.
Nýlegar bandarískar rannsóknir
sýna enn fremur fram á að tengsl
séu á milli fjarveru föður á heimil-
um og örari kynþroska barna.
Frá þessu er greint á fréttavef
BBC, www.bbc.co.uk.
- rve
Fullorðins-
fræðsla barna
Samkvæmt breskri rannsókn fá börn
kynfræðslu allt of seint.
Nýlegar rannsóknir styðja þær hug-
myndir að kísill og þörungar í Bláa
lóninu virki vel á húðina.
Lille Collection