Fréttablaðið - 15.11.2006, Page 23

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Guðrún Dalía Salómonsdóttir nemur
píanóleik í Þýskalandi og hæfni hennar
varð lýðum ljós síðasta laugardag er
hún lék til sigurs í Salnum.
Guðrún Dalía er í stuttu stoppi heima og
hefur í mörg horn að líta. Aðalerindinu er
samt lokið en það var að taka þátt í keppni
sem Íslandsdeild evrópskra píanókennara
stóð fyrir. Þar hafði hún sannarlega erindi
sem erfiði og hlaut aðalverðlaunin. „Svona
keppnir eru erfiðar en mjög hvetjandi fyrir
okkur nemendur ef maður tekur þær pass-
lega alvarlega,“ segir hún og bætir við. „Það
er gaman að koma heim og átta sig á hvað
standardinn er hár í tónlistarnáminu hér.
Enda var til þess tekið þegar ég kom út hvað
ég hefði góðan grunn.“
Það kemur í ljós að Guðrún Dalía hefur
dvalið í Stuttgart í þrjú ár. Hún er 25 ára
Reykvíkingur og kveðst hafa haft áhuga á
tónlist frá unga aldri. „Ég eiginlega heimt-
aði að fá að læra á hljóðfæri og byrjaði níu
ára í Tónmenntaskólanum hjá Steinunni
Steindórsdóttur. Hún var frábær kennari og
mjög hvetjandi,“ segir hún. Guðrún Dalía
lýkur einnig lofsorði á Guðríði Sigurðar-
dóttur, kennara í Tónlistarskólanum, sem
hélt áfram uppbyggingunni. „Svo fór ég
sem Erasmus-skiptinemi til Stuttgart og
lenti þar hjá æðislegum kennara sem heitir
Wan Ing Ong. Mig langaði að halda áfram
hjá henni að loknu skiptinemaárinu svo ég
tók inntökupróf í skólann og lýk diplóma-
námi í júní á næsta ári.“
Frekara framhaldsnám erlendis er á döf-
inni hjá Guðrúnu en Ísland er samt framtíð-
arlandið. „Mig langar að verða píanókenn-
ari því það er skemmtilegt og göfugt starf
og svo vil ég auðvitað spila líka. Maðurinn
minn er víóluleikari í Sinfóníuhjómsveit-
inni og margir af vinum mínum eru tónlist-
armenn þannig að ég stefni að því að taka
þátt í að halda uppi öflugu tónlistarlífi hér á
landi þegar ég kem heim.“
Kom sá og sigraði
MAZDA TRIBUTE
Traustur
fjölskyldubíll