Fréttablaðið - 15.11.2006, Blaðsíða 65

MARKAÐURINN 13MIÐVIKUDAGUR 15. NÓVEMBER 2006
S K O Ð U N
Eigendur fyrirtækja og
starfsmenn hafa ýmis áhuga-
mál. Veiðiskapur hefur fylgt
Íslendingum lengi og alltaf eykst
sá fjöldi manna sem leggur stund
á skotveiðar í sínum frítíma. Í
vöxt fer að samstarfsmenn fari í
hópum til veiða og komi gírugir
á kaffistofuna daginn eftir með
góðar veiðisögur. Manni verður
þó um og ó að heyra sögur af
veiðiferðum skotveiðimanna þar
sem svo mikill fjöldi er saman
kominn á tiltölulega litlu svæði,
allir í sama tilganginum, að skjóta
gæsir eða rjúpur. Fréttir herma
að menn hafi hreinlega flúið af
góðum veiðistöðum vegna þess
að skothríð er mikil, hún kemur
úr öllum áttum þannig að ekki
er mögulegt að átta sig á hvaðan
skotin koma og ástandið því stór-
hættulegt.
Á haustmánuðum hafa borist
tjónstilkynningar til Sjóvár sem
fá mig til að hafa áhyggjur af
því að menn sýni ekki ýtrustu
varkárni við meðferð skotvopna.
Áverkar geta verið alvarlegir og
því viljum við árétta að þeir sem
fá byssuleyfi taki alvarlega þær
leiðbeiningar sem koma fram á
námskeiðum sem haldin eru af
Umhverfisstofnun um sjálfsagð-
ar öryggisreglur.
Það segja mér fróðir menn
að þegar skotmaður gengur með
hlaðna byssu á veiðum skal allt-
af opna byssulásinn og afhlaða
byssuna þegar farið er yfir t.d.
skurði, klifrað upp kletta eða
klöngrast yfir urð og móa. Gangi
margir menn saman með hlaðnar
byssur skal halda þeim þannig
að hlaupin stefni aldrei að sam-
ferðamönnum ef menn hrasa
og detta. Það þykir einnig sjálf-
sögð kurteisi að opna byssuna og
afhlaða er menn hittast á veiðum
og fara að ræða málin eða setjast
niður að snæðingi.
Þetta eru mjög góðar reglur
og afar áríðandi að sem flestir
skotveiðimenn tileinki sér þær.
Það er grafalvarlegt
mál að verða fyrir slysa-
skoti því afleiðingarnar
geta haft ófyrirsjáan-
legar afleiðingar fyrir
þann sem fyrir verður
svo ekki sé talað um
þann sem veldur. Það
hlýtur að vera hræðileg
tilfinning og erfitt að lifa með
því að valda besta vini sínum eða
nánum ættingja slíkum skaða,
kannski af algeru kæruleysi og
óvarkárni. Þótt við bjóðum upp á
góðar slysatryggingar þá getum
við ekki annað en greitt ákveðnar
fjárhæðir en atburðurinn hverf-
ur ekki þrátt fyrir þær greiðslur.
Með þessu greinarkorni lang-
ar mig að vekja skotveiðimenn til
meðvitundar um alvarleika þessa
sports, tileinka sér
varúð og gætni í
meðferð skotvopna
og klæðast áberandi
fatnaði í þeim tilfell-
um sem slíkt fælir
ekki bráðina, t.d. við
rjúpnaveiðar. Það
er mjög auðvelt og
ódýrt að verða sér úti um neon-
lituð þunn nælon-vesti sem gera
það að verkum að veiðimenn
sjá vel hver annan, sérstaklega
í aðstæðum þar sem fjöldi skot-
veiðimanna er slíkur að hætta
stafar af eins og áður kom fram.
Bestu kveðjur og góða veiði!
Sólveig Ólafsdóttir
þjónustufulltrúi á tjónasviði Sjóvár
Fara þarf varlega með byssur
S P Á K A U P M A Ð U R I N N
Ástlaus hjónabönd geta lafað af
ýmsum ástæðum. Stundum eru
það börnin, stundum hagsmun-
ir og stundum eitthvert bölvað
sinnuleysi sem lætur það litla
lafa.
Sjálfur er ég hamingjusamlega
kvæntur og elska konuna mína og
reikna með að það sé gagnkvæmt.
Hef reyndar ekki spurt hana að
því síðastliðin ár, en í ljósi aug-
ljósra mannkosta og sjarma, þá
hlýt ég að gera ráð fyrir því. Ef
ekki, þá á ég alltaf uppi í erminni
að ég er svakalega góður skaff-
ari.
Ég fylgist aðeins með einu
ástlausu hjónabandi á markaðn-
um. Það eru engin sérstök átök á
ferðinni, en hvorugur er sérstak-
lega ánægður. Þetta hjónaband er
Straumur-Burðarás. Ég er lengi
búinn að spá uppskiptum eða að
annaðhvort Björgólfur Thor eða
FL selji sig út og taki einhverj-
ar eignir með sér. Eða eitthvert
barnanna, svo haldið sé áfram
með hjónabandslíkinguna. Mér
finnst líklegast að FL fari út og
taki Finnair með sér. Það væri
ekkert óskynsamlegt og meira á
þeirra sviði en Björgólfs.
Það eru sennilega fleiri ástæð-
ur en aðgerðarlítið ástleysi þarna
á ferðinni. Mér finnst líklegt
að Fjármálaeftirlitið sé ekkert
afskaplega hrifið af þessu hjóna-
bandi. Líti svo á að það sé ekki
heppilegt að stórir hluthafar í sitt-
hvorum bankanum séu saman í
þeim þriðja.
Þar fyrir utan er þetta sam-
band gjörsamlega tilgangslaust.
FL búið að ná markmiðum og
stækka sitt félag og sennilega
fyrir þeim bara spurning um að
komast tjónlaust frá þessu.
Þetta verður leyst einhvern-
veginn og bara spurning hvar er
skynsamlegast að setja sig niður
og reyna að græða á þessu. Annars
finnst mér einhver helvítis tauga-
veiklun í gangi. Ég létti a.m.k. á
erlendum skuldum í síðustu viku.
Danska bullið hefur einhver áhrif
og svo eru bara nógir til að túlka
allt sem kemur fram okkur í óhag.
Þannig er bara stemningin og þeir
sem þurftu að éta ofan í sig bullið
í vor nota hvert tækifæri til að
sýna að þeir hafi haft eitthvað til
síns máls.
Mér fannst reyndar sniðugt
að sjá svart á hvítu að Merrill
Lynch er á móti stórum fjárfest-
ingarverkefnum. Þannig hefur
Landsbankinn einbeitt sér að innri
vexti og innlánum og nýtur þess á
meðan Glitnir sem hagnast vel á
Icelandair og kemst í feitan pakka
í House of Frasier fær skammir
fyrir. Jæja það verður hver að fá
að fljúga eins og hann er fiðrað-
ur, en ég efast um að greinandi
Merrill Lynch hafi nokkurn tím-
ann grætt á nokkrum hlut.
Spákaupmaðurinn á horninu
Ástlaust
hjónaband
Smiðsbúð 6 210 Garðabæ Sími 564 5040
www.hirz lan. is
Skrifstofuhúsgögn
....á miklu betra verði !
Hæðarstillanleg skrifborð frá kr. 31.300
Samstæðan kr. 56.400
Beyki
Kirsuber
Hlynur
Hnota
Dönsku Prima línunni má raða saman á ótal
vegu. Níðsterk og endingargóð húsgögn á
mjög góðu verði, til afhendingar strax.