Fréttablaðið - 22.11.2006, Blaðsíða 18

nær og fjær
„ORÐRÉTT“
Hæsta jólatréð Kosið um álver
Smalahundadeild Snæfellsness og Hnappadalssýslu
hélt sína árlegu smalahundakeppni á dögunum. Að
þessu sinni var keppnin haldin í Mýrdal í Kolbeins-
staðahreppi og tókst vel. Ellefu hundar tóku þátt í
keppninni og dómari var María Dóra Þórarinsdóttir
frá Morastöðum í Kjós. Í fyrsta sæti í A-flokki var
hundurinn Vaskur, en eigandi hans er Svanur Guð-
mundsson frá Dalsmynni í Borgarfirði.
„Í A-flokki eru hundar sem eru komnir lengra,
hafa hlotið 50 stig eða meira,“ segir Svanur. „Brautin
er lengri og þrautirnar erfiðari. Vaskur hefur áður
staðið sig vel, varð til dæmis í öðru sæti á landsmót-
inu sem var haldið í haust. Nú fór hann brautina á 76
stigum af 100 mögulegum. Vaskur er sex ára og mjög
góður smalahundur. Það má senda hann hvert sem er
og hann leysir öll verkefni. Hann er border-collie
eins og langflestir hundarnir sem taka þátt í svona
keppnum.“
Svanur segir mikið af góðum smalahundum á land-
inu en margir taka aldrei taka þátt í smalahunda-
keppnum. „Nei, eigendurnir kveinka sér við að taka
þátt í svona, enda eru þrautirnar fjölbreyttari en þær
sem hundarnir eru vanalega að fást við.“
En hvað fékk svo Vaskur fyrir sigurinn? „Við feng-
um bikar en hann fékk svo klapp og knús,“ segir
Svanur.
„Ég hef hvorki séð mús
né slóð eftir mús í haust.
Mér datt aldrei í hug að ég
myndi lifa það en svo er
nú komið,“ segir Haraldur
Þórarinsson, bifvélavirkja-
meistari og fyrrverandi
fréttaritari, frá Kvistási í
Kelduhverfi.
Í kvikmyndinni Groundhog Day
var múrmeldýrið Punxsutawney
Phil notað til að segja til um hvort
vetri væri lokið eða ekki. Var hún
byggð á raunverulegri hefð frá
Pennsylvaníu í Bandaríkjunum,
þar sem sagt er að ef dýrið sjái
eigin skugga og hverfi aftur ofan í
holu verði vetur í sex vikur í við-
bót, annars er von á að vorið komi
brátt. Samkvæmt gamalli hefð frá
Norðurlandi er íslenska hagamús-
in ekki minna sannspá, og getur
sagt til um hvort komandi vetur
verði harður.
„Þegar þær grafa sig inn í þúfur
snúa þær holunni úr vindátt. Snúi
holan í suður kemur vindurinn að
norðan, en komi hann að norðvest-
an er það beint frá Grænlandsjökli
og er þá von á kulda,“ segir Har-
aldur.
Hann er búinn að ferðast um
landið undanfarnar tvær vikur í
músaleit, en segir nánast ekkert af
músum neins staðar.
„Mér fannst skrýtið að sveit-
ungar mínir voru búnir að fara í
göngur og enginn hafði séð músa-
slóð. Ég talaði við bílstjóra á Reyð-
arfirði sem sagðist ekki hafa séð
eina einustu mús á leiðinni frá
Höfn. Á Ísafirði var maður sem
notaði þrjár vatnsfötur sem gildru
og losaði þær einu sinni á dag, en
segist lítið hafa þurft að losa í ár.“
Haraldur hefur einnig haft sam-
band við fræðimenn.
„Ólafur Karl Nielsen fuglafræð-
ingur hefur hafnað þeirri kenningu
minni að fýllinn hafi étið þær. En
Páll Hersteinsson líffræðingur
kemur heim frá Svíþjóð í mánaðar-
lok og ég hlakka til að heyra hvað
hans álit verður.“
Of snemmt er þó að álykta að
mýsnar hafi yfirgefið sökkvandi
skip. Þorvaldur Björnsson hjá
Náttúrufræðistofnun segir:
„Það ber minna á þeim í kulda,
þær grafa sig ofan í jörðina með
fóður en drepast ef þær eru minna
undirbúnar. Þær geta farið á ferð
ef þiðnar.“ Hann segir engar
nákvæmar talningar vera gerðar
um músafjölda hérlendis.
En hvernig kemur áhugi Har-
aldar á músum til? „Út í svona fara
ekki nema stórtruflaðir menn,“
segir hann sposkur, en bætir við:
„Margur maðurinn mætti vera sæll
ef hann hefði hundsvit. Ég hef séð
fé og hunda finna það á sér áður en
jarðskjálfti verður. Ég er ekki í
nokkrum vafa um að við manneskj-
urnar höfum eyðilagt þennan hæfi-
leika með tíð og tíma, aparnir hafa
ef til vill verið vitrari.“ Og er þar
kannski kominn skýringin á hinu
óræða sjötta skilningarviti?
Fáar mýs á ferli
Rjúpan fær frið í skítaveðri
www.openhand.is
Með OpenHand hefur þú fullan að-
gang að tölvupósti og getur auk
þess skoðað og uppfært önnur skjöl
með farsímanum þínum. Ekki þarf
sérframleitt tæki, heldur virkar
OpenHand á snjallsímum helstu
framleiðenda.
Fáðu nánari upplýsingar um Open-
Hand á www.openhand.is.
„Ég þarf ekki lengur að taka ferðatölvuna
með mér, hef allt í símanum; tölvu-
póstinn, dagbókina, tengiliði og fleira.“
Úlfar Steindórsson, forstjóri Toyota á
Íslandi
„Lausnin er einföld, eitt tæki fyrir allar
þarfir.“
Hafsteinn Ingibjörnsson, Danól
P
I P
A
R
•
S
ÍA
•
6
06
51
Íslenskt hugvit – alþjóðleg lausn
EITT TÆKI
ALLAR UPPLÝSINGAR!
ÖRUGGARA • ÓDÝRARA • SVEIGJANLEGRA