Fréttablaðið - 22.11.2006, Blaðsíða 25

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Benedikt Axelsson hefur starfað sem
leikhústæknimaður síðan 1991. Sam-
hliða vinnunni lærir hann nú lýsingar-
fræði í Iðnskólanum í Reykjavík.
Lýsingarfræði er nýtt þrjátíu eininga fjar-
nám í Iðnskólanum sem gefur nemendum um
allt land færi á að stunda námið samhliða
vinnu og Benedikt segir að flestir þeir sem
eru með honum í lýsingarfræði taki hana
annaðhvort með vinnu eða öðru námi. „All-
flestir sem eru í náminu eru styrktir til þess
af fyrirtækjunum sem þeir vinna hjá en þetta
á að skila sér aftur inn í þau,“ segir hann.
Benedikt segir að lýsingarfræði sé gríðar-
lega umfangsmikið nám. „Lýsingarfræði
spannar innanhússlýsingu, arkitektúrlýs-
ingu, ráðgjöf á lýsingarbúnaði, sviðslýsingu
og lýsingu á listasöfnum og öðru slíku. Lýs-
ingarfræðin í Iðnskólanum tekur tvær annir
eða einn vetur og markmiðið er síðan að bjóða
upp á framhaldsnám í lýsingarhönnun.“
Lýsingarfræðinámið í Iðnskólanum er
mjög gott nám að sögn Benedikts. „Ég er svo-
lítið búinn að vera á höttunum eftir svona
námi en það hefur hvergi verið í boði nema
erlendis og skemmtilegt framtak hjá Iðnskól-
anum að bjóða upp á þetta. Ég hef verið að
sækja eitt og eitt námskeið hjá Dramatisk
Institutet í Stokkhólmi en það var lengi vel
eini leikhústækniskólinn á háskólastigi hér á
Norðurlöndunum.“
Benedikt hefur starfað sem leikhústækni-
maður í fjölda ára og hefur því töluverða
reynslu á þessu sviði. „Síðustu árin hef ég
verið tæknistjóri hjá Íslenska dansflokknum
en ég er búinn að vera víðast hvar, í Borgar-
leikhúsinu, Þjóðleikhúsinu og Íslensku óper-
unni. Ég hef verið að sjá um lýsingu, hanna
ljós og yfirleitt sjá um allt sem viðkemur
tækni í leikhúsinu.“ Þó að hann hafi gaman af
starfi sínu er hann samt að hugsa um að fara
aðeins að breyta til. „Ég er að hugsa um að
fara að færa mig aðeins út úr leikhúsunum og
inn í arkitektúrlýsingu og utanhússlýsingu
og slíkt, því það heillar mig líka.“
Lýsir upp umhverfið
MAZDA TRIBUTE
Traustur
fjölskyldubíll