Fréttablaðið - 22.11.2006, Qupperneq 52

{ norðurland } 8
Bæði Inga Lóa Birgisdóttir og Gréta
Kristjánsdóttir hafa lengi verið
hrifnar af grænmetisfæði. Þegar
langvinn veikindi hrjáðu Ingu Lóu,
tók hún mataræðið í gegn og náði
á undraverðum hraða heilsu á ný.
„Þegar ég var orðin hress datt ég
aftur í spillinguna og þá fann ég
virkilegan mun,“ segir Inga Lóa.
Gréta hafði sjálf lent í alvarlegu
bílslysi fyrir mörgum árum og
þjáðist af viðvarandi vöðvabólgu,
bak- og höfuðverkjum. Þegar hún
sá Ingu Lóu ná bata með breyttu
mataræði ákvað hún í samráði við
sjúkraþjálfara að gera hið sama og
árangurinn lét ekki standa á sér.
„Líf mitt gjörbreyttist. Ég var búin
að vera í sjúkraþjálfun í mörg ár
sem var orðið mjög kostnaðarsamt,
svo ég hafði engu að tapa. Núna
eru öll óþægindin horfin,“ segir
Gréta brosandi.
Á matseðlinum á nýja grænmetis-
veitingastaðnum, sem kallast
Staðurinn, eru engin aukaefni,
hvítt hveiti, hvítur sykur, msg,
koffín, ger, aspartam, rotvarnarefni,
litar- eða sætuefni, en það voru
einmitt þeir þættir sem Gréta og
Inga Lóa hættu að borða sjálfar
á sínum tíma. „Ég vandist á gott
úrval grænmetisstaða í Reykjavík
þegar ég bjó þar og fannst virki-
lega vanta slíkan stað hér,“ segir
Gréta.
Þær vinkonurnar fóru oft í
mánuði til Reykjavíkur til að birgja
sig upp af heilsufæði og komast á
grænmetisveitingastaði en einn-
ig til að afla sér upplýsinga fyrir
Staðinn. „Við nenntum ekki að
bíða eftir að einhver myndi ráðast
í að opna slíkan stað á Akureyri
svo við gerðum það bara sjálfar og
loksins er þessi langþráði draum-
ur að rætast,“ segja vinkonurnar
að vonum ánægðar. Á boðstólum
verður réttur dagsins ásamt fleira
góðgæti, safar, boost, kökur og
kaffi. Viðtökur hafa verið stór-
kostlegar og þetta er án ef góð
viðbót við veitingahúsaflóruna á
Akureyri. Þegar fram líða stundir
verður síðan í boði matreiðslu-
námskeið og fræðsla um heilbrigt
mataræði á Staðnum. - rh
Grænmetisveitingastaður
stuðlar að heilsu Akureyringa
Þær Gréta Kristjánsdóttir og Inga Lóa Birgisdóttir höfðu lengi beðið eftir góðum græn-
metisveitingastað á Akureyri. Á endanum ákváðu þær sjálfar að láta til skara skríða.
Þorbjörg Halldórsdóttir og Guðrún
Jónsdóttir settu á stofn Frúna fyrir
um þremur árum og eru nú óðum
að undirbúa sig fyrir jólin. Þorbjörg
hafði unnið lengi í antík og „sec-
ond-hand“ versluninni Fríðu frænku
í Reykjavík, en þegar hún ákvað að
venda kvæði sínu í kross og flytja
norður uppgötvaði hún að þetta var
það sem vantaði á Akureyri.
„Það er fyrir hálfgerða tilviljun
að við opnuðum Frúna. Ég hafði
reynslu frá Fríðu frænku, en síðan
komumst við Guðrún í kynni við
aðila sem kynntu okkur fyrir mjög
góðum antík- og fornmörkuðum í
Belgíu og Hollandi, og þá fór bolt-
inn að rúlla,“ segir Þorbjörg.
Þær fara út reglulega til að
versla fyrir búðina, þar sem hver
einasti hlutur er sérstaklega valinn
og oft eru þær með eitthvað sér-
stakt þema í huga.
„Síðast leituðum við uppi hluti
frá 8. áratugnum og erum með
mikið af litríku plastdóti, skemmti-
legum Maríu mey styttum og öðru
sniðugu sem er tilvalið til jóla-
gjafa,“ segir Þorbjörg brosandi.
Fornmarkaðir í Evrópu eru margir
og stórir, ýmist á torgum úti eða í
stórum skemmum þar sem er enda-
laust úrval af antík og fornmun-
um sem bera sína sögu frá öllum
heimshornum.
„Bestu hlutirnir fara fyrst svo við
mætum oftast fyrir allar aldir með
vasaljós í föðurlandinu að reyna að
ná einhverju sniðugu,“ segir Þor-
björg. En margir hlutir koma einnig
úr nágrenni Frúarinnar.
„Það eru margir byrjaðir að
koma til okkar hlutum frá Akureyri
og nágrenni og það finnst okkur
frábært,“ segir Þorbjörg. Hugsjón-
in á bak við Frúna er að gefa hlut-
unum lengra líf en ekki bara annað,
heldur jafnvel líka þriðja og fjórða.
„Margar vörurnar sem við fáum
inn notum við í eigin hönnun og
gefum þeim því enn lengra líf í
glænýjum búningi,“ segir Þorbjörg
sem meðal annars hannar púða,
hárskraut og póstkort sem áður
hafa gegnt einhverju allt öðru hlut-
verki.
Akureyringar hafa hægt og síg-
andi áttað sig á Frúnni og Þorbjörg
og Guðrún segja gestina vera
á öllum aldri, bæði eldra fólk
með barnabörn, unglingsstelp-
ur að kaupa árshátíðarkjóla og
eiginmenn að leita að einhverju spes
fyrir konuna.
„Það er svolítil kúnst að fara
inn í svona búð. Það er líka svo
mikil saga sem fylgir hlutunum
hér og nánast ókeypis fræðslu-
miðstöð fyrir almenning, þar sem
hægt er að kaupa hluti með mikla
sögu að baki,“ Frúin er einnig
með vörur frá Spúútnik, Liborius,
og Nakta apanum svo flóran er
mikil. Í desember er lifandi tónlist
hjá Frúnni og þar á meðal er við-
skiptavinur sem gekk út ánægður
ekki alls fyrir löngu með gamlan
saxófón.
„Kunningi minn keypti hjá mér
gamlan saxófón sem hann gerði upp
og núna ætlar hann að spila fyrir
gesti og gangandi fyrir jólin,“ segir
Þorbjörg. Vinkonurnar hafa tekið
þátt í listsýningum með muni úr
búðinni þar sem ýmis þemu eru tekin
fyrir og markmiðið er að sameina
búðarreksturinn og listáhugann.
„Við höfum gert innsetningar
meðal annars á Mokka, þar sem ég
ferðaðist til Reykjavíkur vikulega
og skipti út þema vikulega sem var
meðal annars myndir af grátandi
drengnum, gamall útsaumur og
röð af jesúmyndum sem kom mjög
skemmtilega út,“ segir Þorbjörg.
Innsetningar Frúarinnar hefur
einnig verið að hægt að sjá á Kaffi
Karólínu, á Akureyrarvöku og í
gallerí Boxi. Frúin sendir í póstkröfu
og er svo sannkallað „súper mega
magasín“ eins og Þorbjörg segir
sjálf. Opnunartími er frá 11 til 18 en
fyrir jólin verða langir fimmtudagar.
Frúin í Hamborg er við Ráðhústorg-
ið í miðbæ Akureyrar.
rh@frettabladid.is
Frúin í Hamborg
Frúin í Hamborg er stórskemmtileg verslun á Akureyri
með „second hand“ antík- og hönnunarvörur. Frúin varð
þriggja ára síðasta sumar og hefur fengið verðskuldaðar
viðtökur í heimabæ sínum.
Áhugaljósmyndaraklúbbur Akur-
eyrar (ÁLKA) var stofnaður í okt-
óber árið 1990. Margir góðir ljós-
myndarar að norðan hafa byrjað
feril sinn hjá ÁLKA sem stuðlar að
því að virkja áhugafólk um ljós-
myndun. Félagið rekur aðstöðu til
vinnslu mynda og er með veglega
sýningu um það bil annað hvert
ár. Félagið hefur staðið fyrir ljós-
myndamaraþoni fyrir almenning
frá 1993 unnið brautryðjenda-
starf á því sviði á lands.
Félagar ÁLKA eru hópur
kvenna og karla á öllum aldri
sem flestir eru sjálfmenntaðir
innan fagsins. Félagið stendur
fyrir fyrirlestrum og kennslu og
er með góðar leiðbeiningar fyrir
byrjendur.
Vinnu- og fundaaðstaða félags-
ins er í Húsinu, Hafnarstræti 73 og
er fundað annan hvern mánudag
kl. 20.30. Nánari upplýsingar:
www.pedromyndir.is/alka - ásamt
því að fjölmargar myndir félags-
manna eru aðgengilegar á vefsíðu
klúbbsins, http://ljosmynd.cjb.net.
Áhugaljósmyndarar
Áhugaljósmyndaraklúbbur Akureyrar, ÁLKA, er með
öflugt starf sem virkjar áhugafólk um ljósmyndun.