Fréttablaðið - 22.11.2006, Blaðsíða 54

{ norðurland } 10
„Við hjónin erum búin að stunda
krullu síðan árið 2000, en þá var
Skautahöll Akureyrar reist,“ segir
Jón Rögnvaldsson krulluiðkandi.
„Segja má að höllin hafi verið
bylting í aðstöðu til krulluiðkunar.
Áður var spilað á svelli á tjörn við
hlið þess staðar þar sem Skauta-
höllin stendur nú. Krulla krefst
hins vegar mikillar nákvæmni og
því skiptir hitastig til dæmis miklu
námi og aðstaðan er miklu betri nú
en áður.“
Jón segir vinsældir íþróttarinn-
ar færast stöðugt í aukana. „Leik-
urinn gengur út á það að koma
steinum sem næst miðju og það lið
sem nær flestum steinum nálægt
miðju stendur uppi sem sigurveg-
ari“ Margir þekkja krullu af sóp-
unum sem beitt er við iðkun henn-
ar. „Góðir sóparar geta aukið þá
vegalengd sem steinninn kemst um
allt að tvo metra. Sóparnir hreinsa
bæði fyrirstöðu sem er á svellinu
en einnig hita þeir svellið og auka
þannig vegalengdina sem steinninn
rennur.“
Svanfríður Sigurðardóttir, eig-
inkona Jóns, segir Akureyringa
hafa unnið mikið brautryðjenda-
starf í krullu hérlendis. „Íþróttin
hefur verið stunduð hér frá árinu
1996 en nú er hún komin víðar um
landið. Þá hefur krulla verið að ná
auknum vinsældum meðal ungl-
inga hér á Akureyri og í vikunni er
ráðgert að stórir hópar ungs fólks
komi á æfingu í skautahöllinni.“
- öhö
Krullukappar í sókn
Jón Rögnvaldsson og Svanfríður Sigurðardóttir eru meðal þeirra fjölmörgu Akureyr-
inga sem leggja stund á curling eða krullu. Akureyri hefur skapað sér orð fyrir að vera
miðstöð krulluiðkunar hér á landi.
Krulla er íþrótt sem leikin er á sléttum ís. Leikurinn
felst í því að 20 kílóa granítsteini er rennt eftir endi-
langri braut þannig að hann endi sem næst miðju í
svokallaðri höfn eða húsi á hinum enda brautarinnar.
Leikmenn eru í sérstökum skóm þar sem sleipur botn
er undir öðrum skónum eða venjulegum íþróttaskóm
og er þá sleipur sóli settur undir annan skóinn svo
hann renni betur. Notaðir eru sérstakir kústar, hvort
tveggja til að sópa svellið og hita það og líka til stuðn-
ings þegar steini er rennt.
Tvö lið með fjórum leikmönnum í hvoru liði eigast
við í hverjum leik. Fyrirliðinn er yfirleitt nefndur skipp-
er en hann stýrir liðinu og ákveður leiktaktík liðsins í
samráði við liðsfélagana. Liðsstjóri stendur í höfn og
gefur kastaranum merki um hvar hann vill að steinninn
hafni. Þegar steininum er rennt er hann látinn snúast
í þá átt sem liðsstjóri skipar fyrir og snýst steinninn á
meðan hann rennur yfir leikvöllinn en þaðan er nafnið
„curling“ komið. Vegna snúningsins fer steinninn ekki
beina leið heldur í boga og eykst beygjan eftir því sem
steinninn hægir á sér. Í hvert sinn sem leikmaður renn-
ir steini eru tveir liðsfélagar hans tilbúnir með sérstaka
kústa. Sópararnir tveir hlýða fyrirmælum liðsstjórans
eða ákveða sjálfir hvort þeir eigi að sópa svellið fyrir
framan steininn eða ekki.
Stig eru talin eftir hverja lotu og það lið sem hefur
fleiri stig samanlagt sigrar í leiknum. Í hverri umferð
skorar aðeins það lið sem á stein næst miðju þegar
umferðinni lýkur og fjöldi stiga ræðst af því hve
marga steina liðið á nær miðju hringsins en næsti
steinn andstæðingsins. Sjá meira um krullu á www.
curling.is.
Hvað er krulla?„EPTA-keppnin er haldin á þriggja
ára fresti, keppt er í þremur flokk-
um, og við vorum þrjú héðan frá
Akureyri sem tókum þátt,“ segir
Þóra Kristín Gunnarsdóttir, sem
nemur píanóleik við Tónlistarskól-
ann á Akureyri. Skólinn sendi þrjá
í keppnina í ár. Það voru þau Gauti
Baldvinsson 15 ára og Elva Eir Grét-
arsdóttir 15 ára sem kepptu fyrir
hönd skólans í flokki miðnámsnem-
enda en Þóra Kristín keppti í flokki
framhaldsnámsnemenda og lenti
hún í öðru sæti.
Þóra, sem er 19 ára, er að klára
stúdentspróf frá Menntaskólanum
á Akureyri í vor og stefnir að því
að útskrifast úr tónlistarskólanum
á sama tíma. „Ég byrjaði að læra í
Svíþjóð þegar ég var sjö ára en ári
síðar fluttum við til Íslands og síðan
þá hef ég verið í Tónlistarskólan-
um á Akureyri. Ég er búin að vera
með sama kennarann frá því að ég
kom hingað til Akureyrar, en það er
Dýrleif Bjarnadóttir.“
Tónlistarskólinn á Akureyri
hefur starfað frá árinu 1946 og er
því einn af elstu tónlistarskólum
landsins. Fyrsta veturinn voru 27
nemendur við skólann en í ár eru
þeir um 450 talsins. Þá kenna rúm-
lega 40 kennarar við skólann. „Þetta
er mjög góður skóli og kennararnir
góðir. Það má segja að það sé mjög
góður andi í skólanum.“ - öhö
Góð aðstaða til
tónlistarnáms
Þóra Kristín Gunnarsdóttir hefur stundað nám í píanóleik
við Tónlistarskólann á Akureyri frá því að hún var átta ára
gömul. Nýverið lenti hún í öðru sæti í píanókeppni EPTA.
Leikklúbburnn Saga heitir í höfuð-
ið á leikkonunni Sögu Jónsdóttur
sem kom að stofnun klúbbsins.
Klúbburinn hefur í þrjátíu ár sett
upp leiksýningu árlega þar sem
meðlimir á aldrinum 13 til 20 ára
standa fyrir rekstri klúbbsins og
uppsetningu verka.
Ráðinn er leikstjóri hvert ár sem
venjulega kemur úr röðum leikara
hjá Leikfélagi Akureyrar og sem
síðan aðstoðar klúbbinn við að velja
verk fyrir veturinn. Saga er virkur
meðlimur í Bandalagi íslenskra
leikfélaga og tekur þátt í námskeið-
um og öðru samstarfi á vegum
bandalagsins. Leikfélag Akureyrar
hefur einnig verið félaginu innan
handar þessi ár, enda margir góðir
leikarar tekið sín fyrstu leikspor á
fjölum Sögu.
Saga hefur undanfarin ár tekið
þátt í norrænu samstarfi leik-
klúbba, FENRIS og einnig sam-
norrænu verkefni sem kallast
Nordlys.
Aðsetur og æfingaaðstaða
klúbbsins er í Húsinu á Akureyri,
menningar- og upplýsingamiðstöð
ungs fólks, Skólastíg 2.
Ungir leikarar Sögu
Leikklúbburinn Saga var stofnaður árið 1976 og hefur
starfað óslitið síðan þá. Margir leikarar hafa tekið sín
fyrstu skref á sviði á vegum leikklúbbsins.