Fréttablaðið - 20.12.2006, Side 24

nær og fjær
„ORÐRÉTT“ Heldur jólin á hefðbundinn hátt
Áhrifagjörn börn Minkarnir anda léttar
Vesen að
skipta í
gjaldeyri
Hópurinn Sól í Straumi undirbýr
nú fremur óhefðbundnar auglýs-
ingar til að mótmæla stækkun
álversins í Straumsvík. Hópurinn
er að undirbúa mótauglýsingar,
þar sem auglýsingar álversins
eru merktar eins og sígarettu-
pakkar.
„Við erum þeirrar skoðunar að
kynningarefni fyrirtækja eigi að
vera merkt varúðarmiðum eins
og tóbak og lyf. Við köllum þetta
Lýðræðisembættið, því það er
lýðræðislega ekki forsvaranlegt
að fyrirtæki fái að vaða uppi með
hvaða kjaftæði sem er,“ segir
Pétur Óskarsson, talsmaður hóps-
ins.
„Við viljum þvinga þá til að
setja staðreyndir málsins á kynn-
ingarefnið, því skynsemi bæjar-
búa er helsti andstæðingur stækk-
unarinnar og því viljum við að
allt komi fram.“
En ætti það þá ekki í raun við
um allar auglýsingar og kosn-
ingaáróður?
„Það er enginn rekstur sem er
með svona víðtæk áhrif. Ef það
stæði til að byggja hér hátækni-
þorp eða háskólasvæði myndi það
ekki menga út frá sér.“
Fyrirhugað er að kjósa um
málið snemma á næsta ári. „Þetta
er í fyrsta sinn sem svona mál fer
fyrir almenning, en það er ekkert
mótframboð. Við erum annars
vegar með fyrirtæki sem er með
margar milljónir og hins vegar
fólk sem á engan pening.“ Pétur
segist þó ánægður með að kosið
verði um það sérstaklega þar sem
það var ekki gert að kosningamáli
í bæjarstjórnarkosningum, en
hann telur málið varða þjóðina
alla.
Varúðarmiðar á auglýsingar
Þeim Dísu og Steina sem-
ur illa þar sem þau standa
hvort ofan á sínu búrinu
og láta goggana mætast.
Dísa er kakadúfugl ættaður
frá Ástralíu og kostar um
450.000 krónur. Steini er
það sem kallað er „double
yellow head“-páfagaukur
frá Suður-Ameríku og kost-
ar sýnu minna, um 350.000.
Bæði eiga þau sameiginlegt
að geta orðið um 80 ára
gömul, fái þau gott heimili,
og geta lært að tala.
Dísa er nýkomin úr sóttkví og
hefur verið fengin hingað til lands
frá safnara í Hollandi. Steini er
orðinn sex ára gamall og tilheyrði
áður fötluðum strák sem neyddist
til að láta hann frá sér þar sem
foreldrarnir töldu sig ekki hafa
nógan tíma fyrir bæði fugla og
börn. Ólíklegt er að slíkir fuglar
verði seldir hér á landi aftur í
bráð, því báðir hafa nýlega komist
á lista yfir dýr í útrýmingar-
hættu.
Gunnar Vilhelmsson, sem rekið
hefur Dýraríkið við Grensás í 28
ár, segir verðið á stórum fuglum
hafa hækkað í kjölfar fuglaflensu-
faraldursins. „Það var farið að
halda að þeir væru eiturterrorist-
ar. En þeir eru fjórar vikur í sótt-
kví í heimalandinu og fjórar hér
og eru því á allan hátt heilbrigðari
en útifuglar.“ Nú er svo komið að
íslenskir dýralæknar geta sinnt
flestum dýrategundum, en fugl-
arnir, rétt og mennirnir, fara ekki
varhuga af skammdegisþunglynd-
inu. „Myrkrið er þrúgandi fyrir
þá. Þeir vilja hafa aldimmt á næt-
urnar en það er nauðsynlegt að
hafa ljósin á um daginn og setja þá
út í glugga ef það er sólskin. Þeir
geta líka fengið lungnabólgu af of
miklum trekk.“
Það er þó ekki nóg að hlúa að
þeim líkamlega. „Þetta er lífstíð-
arskuldbinding, Fuglarnir þurfa
mikinn félagsskap og hænast að
einum eiganda. Ef böndin verða
mjög sterk gerist það að fuglinn
fellur frá skömmu á eftir eigand-
anum og getur ekki hugsað sér að
lifa án hans.“
Gott er þó að hugsa sig um áður
en lífsförunautur er valinn. „Yfir-
leitt er þetta sameiginleg ákvörð-
un hjóna. Ég man dæmi um mann
sem hafði lengi langað í kakadú-
fugl og lét panta einn slíkan, en
láðist að segja konunni frá. Hún
lokaði dyrunum að sér og neyddi
hann til að velja á milli sín og
fuglsins. Við tókum aftur við fugl-
inum og tókst að finna honum
annað heimili sjö mánuðum síðar,“
segir Gunnar. Það kemur oft fyrir
að hann hafi sjálfur tekið að sér
dýr sem hafa veikst og því ekki
verið hægt að selja. Nú á hann þó
einungis hund og kött, en hann
dreymir um að eiga garðstofu með
trjám, fuglum og fiskum.
Fyrir þá sem láta hugann skipta
mestu er hægt að gefa ástinni
sinni ástarfugla, en nafnið kemur
til af því hvað þeir sitja þétt
saman. Ekki er þó allt sem sýnist í
ástarmálum þeirra.
„Stóru fuglarnir para sig fyrir
lífstíð eins og svanir, en minni
fuglarnir eru fjöllyndari. Séu karl
og kona sett saman í búr er þó
betra að annað sé eldra en hitt, því
annars vita þeir ekkert hvað þeir
eiga að gera. “
Fágætir fuglar til sölu
195,-
2 rúnstykki, 1 egg, skinka, ostur,
smjör, sulta og heitur drykkur
Þú átt allt gott skilið!
MORGUNMATUR
mánudaga - laugardaga
Veitingastaður IKEA
opnar kl. 9:00
verslun opnar kl. 10:00