Fréttablaðið - 20.12.2006, Side 30

The Alternative Car and
Transportation Expo fór fram
í Santa Monica í Bandaríkjun-
um 9. og 10. desember síðast-
liðinn. Þar voru sýndir afar
misfallegir bílar.
Sýningin er merkileg fyrir þær
sakir að hún er tileinkuð umhverf-
isvænum orkugjöfum og bílvélum
sem byggja á þeim. Rafmagnsbíl-
ar, metan- og etanólbílar, blend-
ingsbílar (hybrid) og jafnvel dísil-
bílar fá að njóta sín.
Oftar en ekki eru þessir bílar
litlir og hálf furðulegir í laginu.
Sumir þeirra eru frá stórum bíla-
framleiðendum eins og Toyota og
General Motors, á meðan aðrir
eru frá öllu minni spámönnum.
Meðal þeirra eru Plug In America,
Quantum Technologies og Flex-
Car. Enn aðrir bílar eru frá rann-
sóknarstofum og jafnvel háskól-
um en í þeirra meðförum er öllum
hugmyndum okkar um hvað bíll er
gjarna ýtt út á ystu nöf.
Sýningin er einnig vettvangur
fyrir vísinda- og hugsjónamenn að
ræða framtíð bílsins og hvert
framleiðendur stefni. Eins og
gefur að skilja eru umræðurnar
líflegar enda margir gestanna
harðir umhverfissinnar.
Einn af þeim sem hélt erindi á
sýningunni var James Woolsey.
Hann talaði um mikilvægi ann-
arra orkugjafa en olíu og þá sér-
staklega blendingsbíla. Það sem
er merkilegt við umhverfissinn-
ann Woolsey er að hann var eitt
sinn yfirmaður CIA og átti þar
meðal annars þátt í að sprengja í
Sýrlandi. Það þarf því engan að
undra að helsta inntak í ræðu hans
var hversu háðir Bandaríkjamenn
eru olíu frá Persaflóasvæðinu.
Svo virðist reyndar sem flestir
umhverfissinnar í Bandaríkjun-
um fari þessa leið. Þeir hræða
landa sína með hryllingssögum
um hversu háðir Bandaríkjamenn
eru hryðjuverkamönnum í Mið-
Austurlöndum um olíu og þess
vegna ættu þeir að nota aðra orku-
gjafa í staðinn. Hverjar sem
aðferðirnar eru þá virðast þær
skila árangri því sala á stórum
bensínsvelgjum hefur hrunið í
Bandaríkjunum og áhugi á spar-
neytnari bílum stóraukist.
Umhverfisvænir og um
leið furðulegir bílar
• SUMARDEKK • HJÓLBARÐAÞJÓNUSTA
• HEILSÁRSDEKK • RAFGEYMAÞJÓNUSTA
• OLÍS SMURSTÖÐ • BREMSUKLOSSAR
• BÓN OG ÞVOTTUR • PÚSTÞJÓNUSTA
ALLT Á EINUM STAÐ
SMUR- BÓN OG DEKKJAÞJÓNUSTAN
SÆTÚNI 4, SÍMI 562 6066
Borgartúni 36 588 9747i
Alvöru hjól
sem fer alla leið
*Hjólin koma götuskráð
LINHAI
þjarkur 4x4