Fréttablaðið - 20.12.2006, Síða 67

MARKAÐURINN
Margir hafa upplifað að vinna
á stöðum þar sem starfsfólk
bókstaflega kemur og fer og
kannast við að starfsmanna-
velta getur verið fyrirtækj-
um erfið. Einfaldasta leið til
að reikna starfsmannaveltu er
að finna fjölda starfsmanna
sem hætta störfum, deila með
meðalfjölda starfsmanna á ári
og margfalda með eitt hundr-
að. Þannig væri fyrirtæki sem
missir 20 starfsmenn á ári af
50 með 40% starfsmannaveltu.
Erfitt getur þó verið að segja til
um æskilega starfsmannaveltu,
því starfsemi og vettvangur
fyrirtækja er mjög ólíkur. Engu
að síður er mikil velta erfið, slít-
andi og kostnaðarsöm en engin
velta getur líka verið dýr því
þá er líklegt að starfsmenn séu
flestir komnir í góðar stöður
með góð laun og launakostn-
aður sé mjög hár. Æskilegt er
að einhver starfsmannavelta sé
í fyrirtækjum því hún stuðlar
að því að fyrirtæki nái í nýjar
hugmyndir, getu og viðhorf sem
kemur í veg fyrir stöðnun.
Kostnaður við starfsmanna-
veltu felst m.a. í kostnaði við
ráðningu, auglýsingar, viðtöl,
undirbúning, próf, biðlaun og
þjálfun nýs starfsmanns. Þá
er ótalinn kostnaður sem felst
í minni afköstum og minni
framleiðni fyrir hverja viku
sem staðan er laus, truflun á
þjónustu við viðskiptavini og
óljósum áhrifum á aðra starfs-
menn í fyrirtækinu. Margir
sérfræðingar telja að með því
að minnka starfsmannaveltu
sé hægt að auka hagnað og
verðgildi fyrirtækja svo um
munar. Stjórnendur þurfa því
að vera sífellt á verði og skoða
nýja möguleika í umhverfinu.
Stjórnandi símaþjónustufyrir-
tækis í Bandaríkjunum greip
t.d. til þess ráðs að koma fyrir
færanlegum úthringiverum í
nágrenni háskóla og náði þannig
að ráða fjölda stúdenta í hluta-
störf sem þurftu ekki á bíl að
halda til að komast í vinnu.
Þannig náði fyrirtækið að halda
niðri starfsmannaveltu að miklu
leyti.
Talið er að það kosti fyrir-
tæki á milli 30 til 200 prósent
af launum starfsmanns að ráða
nýjan í hans stað. Kostnaður
getur því verið mikill og ef
tekið er dæmi af fyrirtæki þar
sem starfsmenn eru með 3,5
milljónir í laun á ári og kostnað-
ur við að ráða nýjan starfsmann
sé 150% af árslaunum hans, eru
það 5,25 milljónir í kostnað fyrir
hvern starfsmann sem fer. Ef
tekið er dæmi af 100 manna fyr-
irtæki með 10% starfsmanna-
veltu gæti það verið allt að 52,5
milljónir í kostnað á ári.
Sif Sigfúsdóttir,
MA í mann-
auðsstjórn-
un.
13MIÐVIKUDAGUR 20. DESEMBER 2006
S K O Ð U N
S T A R F S M A N N A S T J Ó R N U N
Er starfsmannavelta
góð eða slæm?
Ég er búinn að kaupa jólagjafirnar
fyrir gróðann af 365 og svo bakaði
ég smákökur á sunnudaginn. Hef
ekki klikkað á því svo árum skipt-
ir, enda tekur maður því alltaf
fremur rólega í desember og lætur
aurana vinna fyrir sig.
Desember og jólin eru tími sem
maður á að nota til hugleiðinga.
Ekki bara um inntak og tilgang
lífsins, heldur til þess að velta
fyrir sér hvað næsta ár beri í
skauti sér.
Næsta ár verður fjörugt hjá
þeim stóru. Bankarnir verða á
fullri ferð, en á innanlandsmarkaði
verður leiðinlegra. Nokkur gjald-
þrot og almenn svartsýni gæti
farið að birtast í spilunum þegar
líða tekur á árið. Ég ætla að vera
með fullt af peningum á skamm-
tímavöxtum Seðlabankans framan
af ári. 14 prósent stýrivextir og
nánast engin verðbólga eru ekki
slæm kjör. Maður fær varla betri
vexti annars staðar. Til hvers líka
að vera að fjármagna uppbyggingu
fyrirtækja landsins þegar maður
fær betri kjör og minni óvissu með
því göfuga hlutverki að fjármagna
yfirdráttinn hjá nágrönnunum.
Jæja, maður er nú það mikill
„player“ í sér að maður lætur nú
sennilega ekki allt á peningamark-
aðsreikninginn. Maður verður
að vera með. Þá er náttúrlega að
velja hvaða félög eiga eftir að gera
spennandi hluti á árinu.
Bankarnir eru fyrsta val.
Kaupþing fer örugglega á fullt á
næsta ári. FL er með gríðarlega
fjárfestingagetu og ekki spurning
að það verður mikið að gerast í
kringum þá á næstunni. Glitnir
tekur örugglega nokkar stóra díla
með þann hluthafahóp sem þeir
eru komnir með og auk þess sem
forvitnilegt verður að fylgjast með
uppbyggingu langtímamarkmiða í
syllubisnessnum þeirra. Lansinn
er farinn að njóta tengsla við verð-
bréfasjoppurnar sínar og svo geng-
ur honum ótrúlega vel að ná til sín
breskum sparifjáreigendum.
Svo er það Straumur. Ég held
að Straumur verði spennandi
þegar líða tekur á árið. Ég held að
innan bankans sé verið að vinna
spennandi plan sem á eftir að líta
dagsins ljós þegar líða tekur á
seinnihluta næsta árs. Það er frið-
ur í Straumi núna og lendingin
var eins góð og hugsast gat eftir
átökin í sumar. FL og Bjöggi sáttir
við niðurstöðuna og allir í stuði.
Bjöggi er klárlega með „game-
plan“ fyrir Straum. Hann er alltaf
með „game-plan“ og ég held að það
verði talsverðra tíðinda að vænta á
árinu og breytingar verði á strúkt-
úrnum hjá bankanum og hröð upp-
bygging á Norðurlöndum.
Þetta er mín áramótaspá og þó
ég sé ekki skyggn, þá er ég heldur
ekki glámskyggn. Hverjir giftast,
skilja eða eignast börn er ekki í
mínum kaffibolla og ég læt völvu
Vikunnar um það.
Spákaupmaðurinn á horninu
S P Á K A U P M A Ð U R I N N
Fjármagna
nágrannana