Fréttablaðið - 20.12.2006, Síða 95
Önnur skáldsaga Sölva Björns
Sigurðssonar, Fljótandi heimur,
er frumleg blanda af ástarsögu,
glæpasögu og vísindaskáldskap
með viðkomu í heimsbókmennt-
unum – annarleika Kafka, hella-
kenningu Platóns og ekki síst í
hugarheimi Haruki Murakami
sem teljast verður ein af persón-
um verksins. Í bókinni heldur
Sölvi Björn áfram á sinni höfund-
arbraut, í síðasta verki sínu tókst
hann á við Dante og pakkaði
honum nútímalega saman af
reykvískum djöfulleik og nú
heiðurinn Murakamis.
Sölvi Björn fléttar sögu sína
af hagleik og gerir áhrifamátt
japönsku „költ-hetjunnar“ að
einu aflanna sem knýr söguvirki
hans áfram. Sagan gerist á tveim-
ur sviðum þar sem annað planið
er fantasískt – þar gerist sagan í
leigðri undirmeðvitund Mur-
akamis og hins vegar í Reykjavík
síðustu aldamóta og í vestfirsk-
um dal. Íslensku litbrigðin eru
eftirtektarverð því einhvern veg-
inn tekst höfundi að gera stað-
hættina næsta alþjóðlega.
Aðalpersónan og sögumaður
verksins, ungi bókmenntafræði-
neminn Tómas, svipar til persóna
Murakamis – hann er einrænn,
leitandi og með alls kyns konur á
sálinni og á hælum sér. Tómas
kynnist sokkabuxnafyrirsætunni
Saiko sem er dulúðug í meira lagi
og með fortíðina á bakinu. Þegar
hún hverfur á dularfullan hátt
æsast leikar og Tómas bregður
sér í hlutverk spæjara því líkt og
fyrirmyndir hans hjá Murakami
er hann hugrakkur þrátt fyrir að
vera óframfærinn.
Fljótandi heimur er saga af
blekkingum og glæp þótt hann
komi ekki í ljós fyrr en seint og
um síðir. Ógnin er samt alltaf
undirliggjandi, ekki síst vegna
fantasíukaflanna þar sem aðal-
persónan reikar viskímarineruð
milli véfréttalegra stúlkna í
mýrum og skógum, þarf að flýja
Verkamenn og og kemst í kynni
við Drykkjaþýðandann og Stífl-
arann. Þessir kaflar sögunnar
geyma einkar forvitnilegar hug-
leiðingar um möguleika skáld-
skaparins og áhrifamátt hans í
stærra samhengi en þær hafa
einnig sterkar samtímavísanir.
Í „raunverulegri“ köflunum
rekur Tómas kynni sín af Saiko í
þátíð. Samband þeirra kemur
miklu róti á huga hans, þau deila
dálæti á bókum, þar á meðal á
sögu Murakamis, Norwegian
Wood, en saklausi landsbyggðar-
strákurinn er heillaður af hörku-
legu yfirborði stúlkunnar sem
síðar reynist viðkvæm og tætt.
Líkt og í sögum Murakamis eru
samskipti kynjanna í ójafnvægi
og þau eiga erfitt með að finna
hvort öðru stað. Fall Tómasar
felst síðan í því að komast að hinu
sanna, leitin er óumflýjanleg en
vitneskjan er líkt og oft áður það
sem maður vildi síst öðlast.
Styrkur þessarar sögu er
spennandi flétta og djörf hólm-
ganga við nýja bókmenntahefð.
Hún er einnig til vitnis um ákveð-
inn tíðaranda, vísar í valdbeit-
ingu, sjálfseyðingarhvöt og veru-
leikaflótta nútímafólks í bland
við klassískar syndir svo sem
græðgi, hroka og losta. Persónu-
sköpunin er vel heppnuð nema ef
helst mætti nefna fjölskylduna í
Skerjafirðinum sem mér fannst
ótrúverðug, það hefði mátt vinna
betur með persónu Hallgríms,
skólabróður Tómasar, því hann
er einfaldlega of fyrirsjáanleg
andstæða aðalpersónunnar. Móð-
irin kemur líka eins og skratti úr
ofvöxnum sauðarlegg því
grimmdina skortir síst í söguna
og fannst mér henni ofaukið.
Aðrar aukapersónur, t.d. vinkon-
an Helena og vísindamaðurinn
Okada, eru betur heppnaðar þó
máski hefði mátt auka veg
þeirra.
Það er þó ekki annað hægt en
að hrífast af þessum úthugsaða
sagnaheimi bókarinnar, hún hvet-
ur mann til þess að taka fleiri
bækur úr hillum og er sjálf vel
þess virði að lesa aftur.
Með söguna á sálinni
Kafteinn Ofurbrók er eitt magn-
aðasta fyrirbæri sem skotið hefur
upp kollinum í barnabókum und-
anfarin ár og þar munar ekki síst
um að flippaður húmor bókanna
brúar dýpstu kynslóðabil svo
glæsilega að ungir jafnt sem ríg-
fullorðnir geta skemmt sér kon-
unglega yfir vitleysunni.
Prakkararnir Georg Skeggja-
son og Haraldur Hugason bera
ábyrgð á fáránlegu ofurhetjunni
Kafteini Ofurbrók, sem flýgur
vígreifur gegn hverri ógn í nær-
brókum og rauðri skikkju og syng-
ur „trallala!“ en í fyrstu bókinni
dáleiddu þeir fúla skólastjórann
sinn hann Kára með þeim afleið-
ingum að hann breytist við einn
fingursmell í káta ofurkappann.
Þessi bók, sem er sú sjöunda sem
kemur út um brókarhetjuna á
íslensku, segir síðari hluta sög-
unnar um líftæknilega hor-
skrímslið og tekur upp þráðinn
þar sem aðdáendur Kafteinsins
skildu við hann fyrir ári. Þá ógn-
uðu ógeðsleg horskrímsli heima-
bæ drengjanna en í byrjun nýju
bókarinnar bægir Ofurbrókin
hættunni frá.
Vandræði Georgs og Haraldar
eru þó síður en svo öll þar sem
tæknifikt leiðinlega nördsins Sófu-
sar sénis verður til þess að heila-
starfsemi skólastjórans flyst yfir í
koll nördsins og öfugt.
Ástandið er óviðunandi og
drengirnir grípa til örþrifaráða
sem eiga eftir að draga svakaleg-
an dilk á eftir sér.
Bókin sver sig í ættt við fyrri verk
Davs Pilkey um Ofurbrókina en
með nýjum vinklum á borð við
tímaflakk og hugsanaflutning
kveður um leið við nýjan tón og
fyrir vikið er þessi sjöunda bók
ein sú hressasta í flokknum, ef
ekki sú skemmtilegasta. Sem fyrr
er allt löðrandi í barnalegum kúk-
og pisshúmor sem er settur fram
með svo miklum galsa og léttleika
að hann hittir beint í mark þannig
að það er hætt við að lesendur
skelli upp úr nánast á hverri síðu.
Endirinn er svo sem betur fer
galopinn þannig að dyggir aðdá-
endur Ofurbrókarinnar geta þegar
farið að láta sig hlakka til þar sem
Kafteininn á enn helling inni og
lætur vonandi sjá sig aftur fyrr en
síðar.
Trallala!
í Súlnasal á Hótel Sögu annan í jólum
Upplýsingar í síma 525 9950
og á hotelsaga@hotelsaga.is
Jóladansleikur
MILLJÓNAMÆRINGANNA
Milljónamæringarnir verða í hátíðarskapi á jóladansleik þeirra í Súlnasal Hótel Sögu annan í jólum, 26. desember.
Húsið opnar kl. 22. Miðaverð 2.200 kr. Miðasala í Súlnasal frá kl. 13 samdægurs. Upplýsingar í síma 525 9950.
Söngvarar eru: Bogomil Font, Páll Óskar, Bjarni Arason og Raggi Bjarna.PIPA
R
•
S
ÍA
•
6
0
9
1
1