Fréttablaðið - 03.01.2007, Side 25

Andrés Magnússon geðlæknir
telur upp nokkur heilræði gegn
skammdegisþunglyndi.
„Útivera er besta ráðið við
skammdegisþunglyndi,“ segir
Andrés. „Gott er að vera eins
mikið úti við þann stutta tíma sem
bjart er á veturna. Tilvalið er að
fara í göngutúr eða á skíði þegar
vel viðrar. Gæta þess að dregið sé
frá gluggum og hafa skrifborðið í
vinnunni undir glugga ef aðstæð-
ur leyfa.“
Andrés segir að þar sem dags-
birtan vari stutt komi dagsbirtu-
ljós einnig að góðum notum. „Þau
fást víða, til dæmis í raftækja-
verslunum. Þau gefa frá sér mikla
birtu og má stilla þannig að þau sé
hægt að hafa nálægt sér, til að
mynda á skrifborðinu. Best er að
hafa kveikt á þeim í tæpan klukku-
tíma á dag meðan skammdegið
varir.“
Andrés bendir á að einnig séu
til lampar sem framkalli svokall-
aða gervisólarupprás og -sólarlag.
„Lamparnir eru stilltir svo að ljós
kvikni á ákveðnum tíma og styrk-
urinn eykst smám saman þar til
maður vaknar. Birtan frá lömpun-
um er samt ekki eins kröftug og
frá ljósunum og hefur því ekki
eins mikil áhrif.“
Loks biður Andrés menn að
rugla dagsbirtuljósum ekki saman
við ljósabekki, sem hafa að hans
sögn ólík áhrif. Ljósabekkir sendi
frá sér útfjólublá ljós, sem óhollt
sé að stara í og geti skemmt sjón-
ina.
Útivera besta ráðið
Laugavegi 2 - 101 Reykjavík - Sími 552 1103 - www.jurtaapotek.is
Við veitum
faglega ráðgjöf
7. Íslandsmeistaratitlar og 5. silfur
á síðasta Íslandsmeistaramóti
Nýtt tímabil að hefjast !
B
O
X
B
O
X