Fréttablaðið - 10.01.2007, Page 19

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Þorvaldur Guðjónsson lærir tómstundafræði
við Háskóla Íslands. Samhliða náminu
vinnur hann hjá Íþrótta- og tómstundaráði
Reykjavíkur.
Tómstundafræði er hægt að taka sem aukagrein
í BA-námi til þrjátíu eininga eða sem diplóma-
nám til fjörutíu og fimm eininga. „Ég er í dipl-
ómanámi og er á fyrsta ári,“ segir Þorvaldur.
Áður en Þorvaldur fór að læra tómstunda-
fræði var hann búinn að vinna hjá Íþrótta- og
tómstundaráði Reykjavíkur í tvö ár. „Ég var
fyrsta veturinn minn í félagsmiðstöð og er síðan
búinn að vera að vinna á frístundaheimili. Ég hef
verið mjög ánægður í starfi og vildi læra eitt-
hvað um þetta,“ segir hann.
Tómstundafræði er mjög fjölbreytt nám að
sögn Þorvaldar. „Við erum að læra hitt og þetta
og mikið um sögu félagsmiðstöðva og frístunda-
starfs. Þetta tengist náttúrlega mjög mikið því
sem ég hef verið að gera en ég er líka að taka
námskeið í uppeldis- og menntunarfræði með
sem valfög.“
Námið tómstundafræði fer að mestu fram í
fyrirlestraformi en einnig er boðið upp á starfs-
þjálfunarnámskeið. „Það er til dæmis boðið upp á
námskeið sem heitir starfskynning í uppeldis- og
félagsstarfi og ég held að það skipti miklu máli
fyrir fólk sem er að læra fag sem byggist á því að
tala við fólk, að sitja ekki bara í fyrirlestrum.“
Þorvaldur er ekki búinn að ákveða hvað hann
ætlar að gera að þessu námi loknu. „Ég ætla bara
að byrja á að klára þetta og svo sé ég til hvort ég
geti haldið áfram í þessu einhvers staðar annars
staðar eða bætt einhverju við mig til hliðar eins og
uppeldisfræði. Ég reikna samt með að ég bæti ein-
hverju við mig eftir að ég verð búinn með diplóma-
námið og klári BA,“ segir hann.
Skemmtilegt að vinna með börnum