Fréttablaðið - 10.01.2007, Qupperneq 26

Kaldbakur er eitt hæsta fjallið
í Eyjafirði. Þangað getur fólk
komist á snjótroðara með
Kaldbaksferðum ehf.
„Í síðustu ferð sem farin var
komu eldri borgarar, svo hingað
kemur fólk á öllum aldri,“ segir
Sigurbjörn Höskuldsson, eigandi
Kaldbaksferða ehf., sem kemur
fólki upp á Kaldbak, eitt hæsta
fjall Eyjafjarðar, með snjótroð-
ara. Hægt er að þiggja far með
troðurunum niður aftur auk þess
sem Sigurbjörn býður einnig upp
á snjóþotur en flestir taka með
sér skíði eða snjóbretti og renna
sér niður.
„Við byrjum aftur núna um
miðjan janúar,“ segir Sigurbjörn
og bætir við að beðið sé eftir
dagsbirtu og meiri snjó. „Við
hefðum getað farið af stað fyrir
jólin en svo fór snjórinn aftur,“
segir hann og bætir við að hann
hafi boðið upp á þessar ferðir frá
árinu 1998 og aðeins einn vetur
hafi dottið úr vegna snjóleysis.
Sigurbjörn segir að vinsældir
ferðanna upp á Kaldbak séu allt-
af að aukast. Þeir séu nú komnir
með tvo troðara svo flutnings-
getan sé orðin helmingi meiri.
„Mest er að gera í kringum pásk-
ana. Margir ætla að eyða nokkr-
um dögum á skíðum hér fyrir
norðan og vilja þá kannski breyta
um umhverfi. Fjallasvæðin eru
líka toppurinn á skíðamennsk-
unni.“
Sigurbjörn segir skíðafærið
niður Kaldbak misjafnt en að
snjótroðarinn slétti leiðina þótt
margir velji að fara ótroðnar
slóðir. „Við höldum slóðinni vel
við en svo er hægt að fara frjálst
niður og nota slóðina aðeins til
leiðbeininga svo fólk lendi á svip-
uðum stað og ferðin hófst og
lendi ekki í ógöngum. Útsýnið af
toppnum er alveg frábært. Í góðu
skyggni sést austur á Langanes, í
blómapottana í gluggunum á
Kópaskeri auk þess sem þú sérð
yfir Akureyri, inn allan Eyja-
fjörðinn, yfir Hrísey og Dalvík.
Ferðirnar eru skemmtilegastar í
góðu veðri og við förum ekki af
stað nema í skaplegu veðri enda
engin kynning á ferðamennsku
að berjast upp sama hvað tautar
og raular.“
Ekki er búið að gefa út gjald-
skrá fyrir árið en samkvæmt
gjaldskrá ársins 2006 var ókeyp-
is fyrir sex ára og yngri á meðan
ferðin kostar 1.500 fyrir 6-12 ára
og 3.000 krónur fyrir 16 ára og
eldri. „Svæðið er mjög snjóríkt
og það hafa margir haft á orði að
þetta sé framtíðarskíðasvæði
Íslands. Hingað er stutt að keyra
frá Akureyri og veðrið hérna er
gott, engin norðvestan átt og
sólin skín í andlitið á leiðinni
niður.“
Fjallasvæðin toppurinn
á skíðamennskunni
Það borgar sig að vita hvert
maður er að fara eins og þýsk-
ur ferðamaður fékk að reyna.
Rúmlega tvítugur þýskur ferða-
maður sem var á leið til að heim-
sækja kærustuna sína í Sydney í
Ástralíu tók á sig 13.000 kílómetra
krók vegna vankunnáttu sinnar í
stafsetningu. Tobi Gutt ætlaði sér
í fjögurra vikna frí til Ástralíu og
var klæddur í stuttbuxur og léttan
bol, klæðnað eins og hæfir í Ástr-
alíu á þessum tíma árs, en á síður
við í smábænum Sidney í fjalla-
héraðinu Montana í Bandaríkjun-
um þar sem alvöruvetur er við
lýði eins og annars staðar á norð-
urhveli jarðar. „Mér fannst þetta
dálítið skrýtið en ákvað samt að
segja ekkert,“ segir Gutt í viðtali
við þýska blaðið Bild. „Ég sann-
færði sjálfan mig um að það væri
ekkert vitlaust að fljúga til Ástr-
alíu í gegnum Bandaríkin.“ Tobi
millilenti nokkrum sinnum í
Bandaríkjunum á leið sinni til
Montana en það var ekki fyrr en
hann var um það bil að stíga um
borð í áætlunarvél til Sidney, sem
er olíubær með tæplega fimm
þúsund íbúa, að hann áttaði sig.
Tobi eyddi síðan þremur dögum á
flugvelli í Montana áður en hann
gat fest kaup á nýjum miða til
Ástralíu. Það borgar sig greini-
lega að vita hvert maður er að
fara, eða að minnsta kosti hvernig
það er skrifað.
13.000 kílómetra
stafsetningarvilla
Icelandair hefur verið útnefnt
til alþjóðlegra vefverðlauna.
Icelandair hefur verið útnefnt til
alþjóðlegu Technology For Mark-
eting (TFM) verðlaunanna fyrir
best hannaða vefsvæði ársins (Best
Website Design of the Year), en
verðlaunin verða afhent við hátíð-
lega athöfn í London 6. febrúar.
Icelandair er eina íslenska fyrir-
tækið sem hlotið hefur útnefningu
til verðlaunanna, en keppt er í 12
flokkum. Icelandair keppir í sínum
flokki við fyrirtækin Orange, Dabs,
Odeon og Xchange Wales.
Verðlaunin verða afhent í
tengslum við Technology for Mark-
eting sýninguna sem fram fer í
Olympia í London. TFM er virt sýn-
ing í Bretlandi á sviði markaðs-,
sölu- og auglýsingatækni.
Dómnefnd er skipuð virtum
aðilum úr viðskiptalífinu, sérfræð-
ingum í markaðsmálum og frá
háskólum. Meðal þeirra fyrirtækja
sem hlutu útnefningu til verðlauna
eru auk Icelandair: Big Brother
Quiz, Britannia Building Society,
Ford Retail, Hewlett Packard, Nike
Run London, Nissan, Orange, Royal
& SunAlliance, Tesco, The Times,
The Tussauds Group, Vodafone,
Bergens Tidende Newspaper og
Yell.com en keppt er í 12 flokkum.
Vel hannað vefsvæði
ÁRSHÁTÍÐIR
HELGARFERÐIR
Komdu með mér
til Færeyja!
Davíð Samúelsson
ferðaráðgjafi
Sími: 861 3426
550 5000
AUGLÝSINGASÍMI