Fréttablaðið - 10.01.2007, Side 27

Til Hollands | Oddaflug, eignar-
haldsfélag Hannesar Smárasonar,
hefur fært 19,77 prósenta hlut
sinn í FL Group til Oddaflugs BV í
Hollandi vegna hagstæðari skatta-
umhverfis þar.
Greina Kaupþing | Citigroup
hefur birt greiningu á Kaupþingi
og metur bankann á þúsund krón-
ur á hlut. Morgan Stanley hefur
einnig gefið út mat sem hljóðar
upp á 953 krónur á hlut.
Betri afkoma | Handbært fé frá
rekstri ríkissjóðs jókst um 52
milljarða króna á fyrstu ellefu
mánuðum síðasta árs. Þetta er
30,1 milljarði hagstæðari niður-
staða en ári áður.
Evruskráning undirbúin |
Kauphöllin vill að fyrirtæki lands-
ins hafi val um hvort þau skrái
hlutabréf sín í krónum eða evrum.
Vonast er til að svo geti orðið á
seinni hluta þessa árs.
Fyrsta krónubréfið | Bankinn
ABN Amro gaf í vikunni út fyrsta
krónubréf ársins fyrir þrjá millj-
arða króna. Bréfið er með gjald-
daga 11. janúar 2008 og ber fjór-
tán prósenta vexti.
Geysir stofnað | FL Group, Glitnir
og VGK-Hönnun hafa stofnað
fjárfestingarfélagið Geysir Green
Energy. Félagið mun fjárfesta í
verkefnum tengdum sjálfbærri
orkuframleiðslu.
Góð spá | Greining Glitnis spáir
því að úrvalsvísitalan hækki um
fimmtung á árinu. Það er nokkuð
meira en árið 2006 þegar vísitalan
hækkaði um 15,8 prósent.
Forstöðumaður
Hagfræðistofnunar
Heillaður af
hagfræði
14
Hlutabréfaárið 2007
Fjármála-
fyrirtækin
draga vagninn 8
Sögurnar... tölurnar... fólkið...
F R É T T I R V I K U N N A R
Skógrækt
Getur breytt
útblæstri í peninga
10-11
Óli Kristján Ármannsson
skrifar
„Frásagnir af andláti krónunnar eru dálítið ýktar,“
segir Ásgeir Jónsson, forstöðumaður greiningar-
deildar Kaupþings, og telur að ef til vill hafi verið
ofmetin í umræðunni áhrifin af því ef fjármálafyr-
irtæki færðu eigið fé sitt yfir í erlenda mynt. Taki
hins vegar mörg fyrirtæki upp á því að gera upp í
evrum segir hann að hlutabréfamarkður hér breyt-
ist og færist undan áhrifavaldi Seðlabankans.
„Það eitt að innlánsstofnun færði eigið fé sitt í
erlenda mynt hefur ekki úrslitaáhrif á miðlun pen-
ingastefnu Seðlabankans,“ segir Ásgeir og bendir
á að ef erlendur banki myndi kaupa íslenskan,
eða hefja starfsemi hér, væri hann með erlent
eigið fé. „Eftir stendur að útlán og innlán ein-
staklinga og fyrirtækja í krónum verða óbreytt.
Vaxtaleiðnin í gegnum bankakerfið, frá stýrivaxta-
ákvörðun Seðlabankans yfir í ákvörðun um útlána-
vexti bankanna verður sú hin sama.“ Að sumu
leyti segir Ásgeir gæti jafnvel peningamálastefna
Seðlabankans virkað betur ef bankarnir væru með
erlent eigið fé vegna samspils gengishreyfinga og
Basel-reglna um eiginfjárhlutfall banka. En það
þýðir að í hvert sinn sem krónan hækkar, lækkar
eiginfjárhlutfall bankastofnana mælt í innlendri
mynt og kostnaðurinn við innlend útlán eykst á
eiginfjárgrunni. Við þetta mun eigið fé í erlendri
mynt vinna með peningamálastefnu Seðlabankans
og mögulega auka virkni peningamálaðgerða. Þetta
er algerlega öfugt við það sem nú er, þar eigið féð
er í innlendri mynt en stór hluti efnahagsreiknings
í erlendri. Þannig til að mynda jók gengishækk-
un krónunnar 2004-2005 eiginfjárhlutfall íslenskra
banka og gerði innlend útlán ódýrari.
Ef hins vegar mörg íslensk fyrirtæki færu að
færa eigið fé sitt í evrur eða aðra erlenda gjald-
miðla myndi það leiða til þess að hlutabréfamark-
aðurinn lenti utan við áhrifasvið peningamála-
stefnu Seðlabankans að einhverju leyti. Þá væri
hægt að kaupa hlutabréf á móti láni í evrum og
krónan stæði þar alfarið fyrir utan. Ásgeir segir
svo álitamál hversu mikil áhrif peningamálastefna
Seðlabankans hafi á hlutabréfamarkað, enda hafi
hann hækkað í gegnum allt stýrivaxtahækkunar-
ferli bankans. „Hlutabréfamarkaður virðist hins
vegar gríðarlega viðkvæmur fyrir gengi krónunn-
ar. Hann yrði því ef til vill ekki jafnkvikur ef hann
væri ekki undir krónunni.“
Ásgeir segir ljóst að krónan sé orðin mjög óvin-
sæl en er afar vantrúaður á að hér verði tekin upp
evra með einhliða aðgerð vegna þess hversu mikill
kostnaður yrði því samfara. „Ef við ætluðum að
taka upp evruna einhliða yrði íslenska ríkið að taka
erlent lán fyrir að minnsta kosti nokkur hundruð
milljarða króna, til þess að skipta út peningamagn-
inu sem er í umferð sem væri fremur dýr aðgerð
auk þess sem erfitt væri að vera án lánveitenda til
þrautavara. Það er efalaust að gengisóstöðugleiki
krónunnar er að verða mjög þung byrði á íslensku
atvinnulífi sem virðist ætla að þyngjast eftir því
sem útrásinni vindur áfram. Hins vegar hefur
krónan að einhverju leyti verið gerð að blóraböggli
því óstöðugleiki hennar er aðeins endurvarpið af
þeirri þenslu sem ríkir í atvinnulífinu.“
Frásagnir af andláti
krónunnar eru ýktar
Miðlun peningastefnu Seðlabankans kynni að verða skil-
virkari ef bankar færðu eigið fé yfir í erlenda mynt. Hluta-
bréfamarkaður færist hins vegar undan áhrifasviði bankans.
Gangi spá Greiningar Glitnis
eftir um 21 prósenta hækk-
un Úrvalsvísitölunnar á árinu
2007 fer vísitalan yfir 7.750 stig.
Samanlagður hagnaður þeirra
félaga sem Glitnir spáir fyrir um
verður um 250 milljarðar króna á
árinu sem var að líða, þar af nam
hagnaður á fjórða ársfjórðungi 88
milljörðum króna. Sem fyrr eru
það fjármálafyrirtæki og fjárfest-
ingafélög sem taka stærstan hluta
af hagnaðarkökunni.
Kaupþing, FL Group,
Landsbankinn og Exista högn-
uðust öll yfir þrjátíu milljarða
króna á síðasta ári miðað við
spár Glitnis og Straumur var þar
nálægt. Heildarhagnaður mun
dragast saman á árinu 2007 frá
nýliðnu ári sem einkenndist af
miklum gengis- og söluhagnaði.
Að mati Glitnis skila rekstrar-
félögin lakari ávöxtun en fjár-
málafyrirtækin í ár. Aðstæður
eru samt sem áður ágætar í árs-
byrjun, frekari ytri vöxtur fyrir-
tækja er í sjónmáli sem verður
studdur með góðu aðgengi að
fjármagni og auknum sýnileika
íslenskra fyrirtækja erlendis.
Spáð er hagnaðaraukningu á árinu
2008 frá árinu 2006. - eþa/ sjá síðu 8
Fjármálafyrirtæki áfram í sviðsljósinu
Greining Glitnis spáir fjórum félögum yfir 30 milljarða hagnaði árið 2006.
Nettóstaða viðskiptabankanna
í erlendum gjaldeyri jókst um
rúmlega 80 milljarða króna í
desember og var 188,5 milljarðar
króna í árslok, að því er fram
kemur í morgunkorni Glitnis.
Gjaldeyrisstaðan er sögð jafn-
gilda tæplega 23 prósentum af
eigin fé bankanna. „Og hefur
það hlutfall ekki áður verið jafn
hátt,“ segir Glitnir. Samkvæmt
reglum Seðlabankans má nettó-
staða hvers banka ekki fara yfir
30 prósent af eigin fé nema til-
gangurinn sé að verja eiginfjár-
hlutfall bankans. „Líklegt er að
slík undanþága hafi verið veitt
einhverjum bankanna þriggja
og má telja líklegast að það sé
Kaupþing.“
Í Morgunkorninu er velt upp
þeirri spurningu hvort fleiri
bankar kunni að fylgja fordæmi
Straums-Burðaráss og færa eigið
fé sitt yfir í evru. „Þróun gjald-
eyrisjafnaðarins gæti gefið vís-
bendingu um að slíkt ferli sé í
gangi hjá einhverjum bankanna.“
- óká
Bættu við gjald-
eyri í lok árs
Verðbólga mældist 2,1 prósent á
ársgrundvelli innan aðildarríkja
Efnahags- og framfarastofnun-
arinnar (OECD) í nóvember á
síðasta ári. Þetta er 0,4 prósentu-
stiga hækkun frá sama tímabili
árið áður.
Þetta er nokkur viðsnúningur
frá fyrri verðbólgutölum á fjórða
ársfjórðungi innan aðildarríkja
OECD en verðbólgan lækkaði um
0,2 prósent í september en hélst
óbreytt í október.
Verðbólgan í nóvember var
eftir sem áður hæst í Tyrklandi
eða 9,9 prósent en næstmest hér-
lendis eða 7,3 prósent. Minnsta
verðbólgan mældist líkt og fyrr í
Japan, eða 0,3 prósent, og í Sviss
en þar mældist hún 0,5 prósent.
- jab
Næstmest
verðbólga hér
G
O
TT
F
Ó
LK
M
cC
A
N
N
Peningabréf ISK/EUR/USD/GBP eru fjárfestingarsjó›ir í skilningi laga nr.
30/2003, um ver›bréfasjó›i og fjárfestingarsjó›i. Sjó›irnir eru reknir af
Landsvaka hf., rekstrarfélagi me› starfsleyfi FME. Landsbankinn er
vörslua›ili sjó›anna. Athygli fjárfesta er vakin á flví a› fjárfestingar-
sjó›ir hafa r‡mri fjárfestingarheimildir skv. lögunum heldur en
ver›bréfasjó›ir. Um frekari uppl‡singar um sjó›ina, m.a. hva› var›ar
muninn á ver›bréfasjó›um og fjárfestingarsjó›um og fjárfestingar-
heimildir sjó›anna, vísast til útbo›sl‡singar og útdráttar úr útbo›s-
l‡singu sem nálgast má í afgrei›slum Landsbankans auk uppl‡singa
á heimasí›u bankans, landsbanki.is.
Örugg ávöxtun
í fleirri mynt
sem flér hentar
EUR
3,2%*
GBP
5,7%*
ISK
13,3%*
Markmið
Peningabréfa er
að ná hærri ávöxtun en
millibankamarkaður og
gjaldeyrisreikningar. Enginn
munur er á kaup-
og sölugengi.
Peningabréf
Landsbankans
USD
5,3%*
* Nafnávöxtun á ársgrundvelli frá 1. desember 2006 - 3. janúar 2007.