Fréttablaðið - 12.01.2007, Side 12

Mikið ósamræmi er
milli þess hversu mikið fjölmiðlar
fjalla um ákveðin mál og hversu
mikið almenningur í landinu telur
að fjallað sé um þau, miðað við
könnun sem Gallup Capacent
gerði fyrir Fjölmiðlavaktina um
helstu fjölmiðlamál ársins 2006.
Baugsmálið trónir þar yfir
önnur mál, en 42,6 prósent svar-
enda nefndu það „stærsta fjöl-
miðlamálið“, en það var 943 sinn-
um í fréttum. Í öðru sæti voru
Kárahnjúkar, en 15,3 prósent töldu
það helsta málið. Um Kárahnjúka
var hins vegar fjallað 2.024 sinn-
um í fjölmiðlum, rúmlega helm-
ingi oftar en Baugsmálið. Rakel
Sveinsdóttir, framkvæmdastjóri
Fjölmiðlavaktarinnar, segir að
þetta sé í fyrsta sinn sem svo mikið
misræmi mælist. Innt eftir skýr-
ingum, segir Rakel að nefna megi
könnun í marsmánuði sem hafi
sýnt að flestir séu búnir að fá nóg
af Baugsmálinu:
„Fólk segir að þetta sé orðið svo
langt mál að það eigi að vera til
hliðar.“ Fólk sé því líklegra til að
veita því eftirtekt.
Byrgismálið nefndu 6,3 prósent
svarenda og lenti það í þriðja sæti,
en einungis var rætt um það 75
sinnum á árinu. Þetta skýrist með
því að könnunin var gerð þegar
umfjöllun um Byrgið var í hámarki.
Stórmál eins og hvalveiðar, brott-
för hersins og Íraksstríðið lentu
við og undir viðmiðunarmörkum í
könnuninni.
Íraksstríðið kemst vart á lista
Áform George W. Bush Bandaríkjafor-
seta um að senda 20 þúsund hermenn til Íraks í viðbót
hafa fengið heldur kuldalegar móttökur frá ráðamönn-
um í Evrópu.
Margaret Beckett, utanríkisráðherra Bretlands,
sagði þó að fjölgun hermanna sýndi fram á hve banda-
rísk og írösk stjórnvöld væru ákveðin í að kveða niður
átökin í Írak. Hins vegar tók hún fram að Bretar hefðu
engin áform uppi um að senda fleiri hermenn til að
styðja Bush.
Í gær hélt breska dagblaðið Telegraph því fram að
Bretar ætluðu að kalla heim frá Írak 3.000 af þeim 7.200
bresku hermönnumsem nú eru í Írak.
Demókratar, sem nú hafa meirihluta í báðum deild-
um Bandaríkjaþings, taka einnig illa í fjölgun í herlið-
inu og ætla að reyna að koma í veg fyrir að þessi síðustu
áform forsetans nái fram að ganga. Þeir segja fjölgun
bandarískra hermanna í Írak einungis gera illt verra.
„Við ætlum ekki að stunda neina barnapössun í borg-
arastríði,“ sagði Barack Obama, einn vinsælasti þing-
maður demókrata og hugsanlegur forsetaframbjóðandi
flokksins.
Ræðu Bush tekið heldur fálega
Ríkisstjórnin er
ósamstiga í þjóðlendumálinu eins
og kom fram í Fréttablaðinu í gær.
Valgerður Sverrisdóttir utanríkis-
ráðherra og Guðni Ágústsson
landbúnaðarráðherra lýstu því
yfir að þau felldu sig ekki við þær
þjóðlendukröfur sem Árni Mathie-
sen fjármálaráðherra hefur lagt
fram fyrir hönd ríkisins í Norð-
austurkjördæmi, nánar tiltekið á
austanverðu Norðurlandi, því þau
segja þær ganga of langt. Land-
búnaðarráðherra telur að jafnvel
þurfi að breyta þjóðlendulögun-
um.
Guðný Sverrisdóttir, sveitar-
stjóri í Grýtubakkahreppi og ein
þeirra sem standa að stofnun
Landssamtaka landeigenda sem
munu berjast fyrir því að eignar-
réttur landeigenda að jörðum
þeirra sé virtur, segir að það séu
gleðitíðindi að ráðherrar ríkis-
stjórnarinnar séu komnir í lið með
landeigendum. „Ríkisvaldið getur
ekki tekið til sín þinglýstar eignir
manna á þennan hátt,“ segir
Guðný.
Að mati Guðnýjar þarf að
breyta þjóðlendulögunum þannig
að ríkið geti ekki kastað eign sinni
á jarðir sem eru með athuga-
semdalausum þinglýstum landa-
merkjabréfum.
Sigurður Kári Kristjánsson og
Drífa Hjartardóttir, þingmenn
Sjálfstæðisflokksins, telja ekki
þörf á neinum sérstökum aðgerð-
um í þjóðlendumálunum því
íslenska réttarkerfið sé nægilega
þroskað til að tryggja að eignar-
réttindi manna yfir jörðum séu
tryggð þrátt fyrir að kröfurnar
taki stundum til þinglýstra eigna.
„Þjóðlendukröfurnar sem ríkið
hefur gert hafa stundum gengið of
langt, en eðli málsins samkvæmt
gerir ríkið ítrustu kröfur, sem
breytast kannski þegar óbyggða-
nefnd rannsakar þær eða tiltekin
mál fara fyrir dómstóla, segir Sig-
urður Kári og bætir því við að
eignarrétturinn muni leysa málin
á réttan og sanngjarnan hátt.
Ragnar Aðalsteinsson hæsta-
réttarlögmaður er sammála Guð-
nýju Sverrisdóttur um rökin fyrir
því af hverju breyta þurfi lögun-
um. Hann segir fullkomið ósam-
ræmi á milli krafnanna og þeirra
laga sem alþingismenn héldu að
þeir væru að samþykkja með þjóð-
lendulögunum árið 1998. Að mati
Ragnars hefur fjármálaráðherra
farið út fyrir umboðið sem lögin
veita honum með þeim kröfum
sem hann hefur gert, og að það
eigi sérstaklega við á austanverðu
Norðurlandi.
Vilja breytingar á
þjóðlendulögunum
Ríkisstjórnin er ósamstiga í þjóðlendumálinu. Sveitarstjóri og hæstaréttarlög-
maður vilja breytingar á þjóðlendulögunum. Tveir þingmenn Sjálfstæðisflokks
telja íslenska réttarkerfið það þroskað að það skeri réttilega úr í málunum.
Óvenjuleg hlýindi
það sem af er vetri valda ýmsum
vanda á meginlandi Evrópu. Í
Austurríki hafa ofnæmissjúkling-
ar verið varaðir við því að frjó
séu nú að þroskast á trjám sem að
öllu jöfnu gerist ekki fyrr en að
áliðnu vori. Og vetrardvalarstaðir
í Ölpunum horfa fram á mikinn
tekjumissi vegna snjóleysis.
Í Sviss og fleiri Alpalöndum
hefur undirbúningskeppnum
fyrir heimsbikarmótið í skíða-
íþróttum verið aflýst til að hlífa
skíðabrekkunum, sem sagðar eru
hafa skemmst í rigningunni og
hlýindunum.
Varað við frjó-
kornasvifi
Brak farþegaþot-
unnar, sem leitað hefur verið að
síðan hún hvarf af ratsjám í
óveðri fyrir tíu dögum, fannst í
Indónesíu í fyrradag þegar
sjómaður dró stórt málmstykki
úr sjó í norðausturhluta Indónes-
íu.
Raðnúmer sem fannst á braki
staðfesti að um týndu þotuna
væri að ræða.
Þó að enginn hinna 102 sem
voru um borð hafi enn fundist
færðu þessi tíðindi nokkra
huggun hundruðum aðstandenda
sem hafa beðið í óvissu um afdrif
ástvina sinna frá hvarfi þotunnar.
Brak vélarinnar
fannst loksins
Arnold Schwarz-
enegger, ríkisstjóri Kaliforníu,
byrjar nýtt kjörtímabil á
tveimur afar umdeildum málum,
heilbrigðisþjónustu og fangelsis-
málum. Það gæti komið niður á
vinsældum hans frá fyrra
kjörtímabili. Hyggst hann
hækka lágmarkslaun og lækka
verð á lyfseðilsskyldum lyfjum.
Schwarzenegger lætur nú
kanna möguleika á styttingu
fangelsisdóma fyrir vægari
glæpi en fangelsi í ríkinu eru
yfirfull.
Einnig hefur hann lofað að
opna þeim 6,5 milljónum íbúa
Kaliforníu, sem eru án sjúkra-
trygginga, aðgang að heilbrigðis-
þjónustu.
Heilbrigðisþjón-
usta fyrir alla
Tengivagn vöruflutninga-
bíls valt á Kísilvegi í Reykja-
hverfi um klukkan hálfellefu í
gærmorgun. Bíllinn var á leið til
Vopnafjarðar frá Húsavík þegar
slysið varð. Ökumaðurinn var
einn í bílnum og sakaði hann ekki.
Flutningabíllinn snerist þegar
vagninn valt og lokaði veginum
um stund.
Að sögn lögreglunnar á
Húsavík var gríðarleg hálka á
veginum orsök slyssins. Vagninn
tók að rása á veginum og reyndi
ökumaðurinn að ná stjórn á
honum en vagninn endaði utan
vegar. Engar skemmdir urðu á
bílnum sjálfum en fleti í vagnin-
um skemmdist eitthvað.
Valt á hliðina í
fljúgandi hálku
Þegar frost er í jörðu
treysta smáfuglar á gjafmildi
mannanna.
Þeir smáfuglar sem sækja í
æti hjá mannfólkinu eru til
dæmis skógarþröstur, stari,
auðnutittlingur og snjótittlingur.
Sólskríkjufræ, sem fást í
Europris-verslununum eru
vinsæl til þess að gefa fuglum,
en þau henta helst snjótittling-
um. Fræ ætluð páfagaukum eru
hentugt fóður fyrir auðnutitt-
linginn, og hakkaðir mataraf-
gangar á borð við kjötafskurði,
sósur, kartöflur og pasta eru
lostæti fyrir starann og skógar-
þröstinn.
Munið að gefa
smáfuglunum
Lögreglan á
höfuðborgarsvæðinu þurfti að
hafa afskipti af alls sex einstakl-
ingum á miðvikudag og aðfara-
nótt fimmtudags vegna fíkniefna-
mála.
Síðdegis var karlmaður
handtekinn í úthverfi Reykjavík-
ur grunaður um fíkniefnamis-
ferli. Um miðnættið voru síðan
kona og karlmaður færð á
lögreglustöð eftir leit lögreglu í
bíl sem þau óku þar sem fundust
ætluð fíkniefni. Síðar um nóttina
var svo þrennt handtekið í íbúð í
umdæminu með fíkniefni í vörslu
sinni. Allt var fólkið á þrítugs-
aldri.
Sex handteknir
vegna fíkniefna