Fréttablaðið - 09.02.2007, Síða 42

BLS. 8 | sirkus | 9. FEBRÚAR 2007
A uðvitað fær maður athygli út á þetta enda skerum við okkur úr fjöldanum. Við erum stærri
og sterkari en aðrar konur,“ segir
Freyja Sigurðardóttir en hún og
Heiðrún Sigurðardóttir eru tvær af
fremstu fitness konum landsins.
Báðar eru þær glæsilegar ungar
konur sem setja markið hátt og oft
keppa þær sín á milli. Freyja segir
algengt að fá spurningar eins og
„hvað tekurðu mikið í bekkpressu“ frá
karlmönnum og segist geta orðið leið
á slíkum athugasemdum. Heiðrún
tekur undir og segir slíkar athuga-
semdir algengar pick-up línur.
„Maður fær að heyra ótrúlegstu
setningar. Ég er spurð hvað ég taki í
bekk og svo kemur fyrir að manni er
boðið í sjómann. Strákarnir finna alls
konar leiðir til að nálgast mann sem
er betra en að þeir hræðist mann,“
segir Heiðrún hlæjandi en Heiðrún er
á lausu.
Byrjuðu ungar í íþróttum
„Ég hef alltaf verið sportleg og byrj-
aði í fimleikum þegar ég var lítil og
byggði þannig upp líkamann. Að
mínu mati eru fimleikarnir besta
íþrótt í heimi,“ segir Freyja. Heiðrún
byrjaði sinn feril aftur á móti í
frjálsum íþróttum en hún hefur eins
og Freyja stundað íþróttir frá því hún
var lítil. „Ég fékk góðan grunn í
frjálsum og fór þaðan yfir í að lyfta.
Ég hef aldrei getað stundað hópí-
þróttir því ég vil ekki þurfa að bera
ábyrgð á velgengni annarra. Hjarta
mitt myndi einfaldlega brotna ef ég
myndi klúðra fyrir hinum og þess
vegna á fitness mjög vel við mig, í því
hugsa ég um mig eina og engan
annan,“ segir Heiðrún
Þrátt fyrir að keppa báðar í fitness
keppa Freyja og Heiðrún ekki alltaf
saman þar sem tvö fitness-sambönd
eru starfrækt hér á landi, IFBB og
Icefitness. „Ég hef mun meira gaman
af Icefitness en þar er meira sport.
Við verðum að gera armbeygjur,
keppa í tímaþraut auk þess að koma
fram á bikiníi. IFBB er meira eins og
fegurðarsamkeppni,“ segir Freyja sem
keppir þó af og til í IFBB líka.
Heiðrún tekur ekki undir orð Freyju
að um einhvers konar fegurðarsam-
keppni sé að ræða. „IFBB og
Icefitness er voðalega svipað nema
við gerum ekki armbeygjur í IFBB
enda er ég ekki góð
í þeim,“ segir
Heiðrún og bætir
við að hún myndi
ekki tíma að færa
sig yfir þar sem
hún hafi mikla
möguleika á að
keppa erlendis í
IFBB.
Gifta sig í desember
Freyja býr ásamt kærasta sínum og
barni í Álasundi í Noregi þar sem
Hafliði unnusti hennar er atvinnu-
maður í fótbolta. Hann skrifaði
nýlega undir nýjan þriggja ára
samning svo fjölskyldan er ekki á
leiðinni heim í bráð. „Við vorum að
kaupa okkur hús þarna úti og okkur
líkar mjög vel. Sonurinn er á
leikskóla og ég er að þjálfa svo við
erum búin að koma okkur vel fyrir,“
segir Freyja en þau Hafliði ætla að
gifta sig á Íslandi í desember. „Hann
bað mín á gamlárskvöld,“ segir Freyja
brosandi og bætir við að kvöldið hafi
ekki alveg farið eins og hann hafi
ætlað. „Við eyddum mestum
partinum á sjúkrahúsi en sem betur
fer var hann þá búinn að biðja mín.
Þegar við ætluðum að sýna hvernig
Íslendingar kveðja gamla árið sprakk
stór kaka í höndunum á honum og
sauma þurfti 27 spor. Þetta var
allavega mjög eftirminnilegt kvöld,“
segir Freyja og bætir við að hún sé
mjög spennt fyrir brúðkaupinu. „Við
ætlum að hafa þetta lítið brúðkaup
og aðeins að bjóða okkar nánustu en
athöfnin fer fram í Keflavíkurkirkju 8.
desember.“
Fórna pitsu fyrir HM
Næsta mót á dagskrá hjá Heiðrúnu
er Íslandsmeistaramót IFBB um
páskana. Þessa dagana fer mestur
tími hennar í undirbúning en
Heiðrún segir að þar sem fitness sé
lífstíllinn sem hún hafi tileinkað sér
þyki henni undirbúningurinn lítið
mál. „Ég hef aldrei reykt eða drukkið
áfengi svo ég get alveg leyft mér að
fara út að djamma með vinkonum
mínum þar sem ég verð ekkert þunn.
Ég reyni að halda áfram með líf mitt
þrátt fyrir keppnir og held samband-
inu við vinkonurnar þótt ég sé í
strangri þjálfun. Ströng þjálfun þýðir
líka að maður getur leyft sér mun
meira, en þegar nær dregur mótum
verður mataræðið strangara og
aðeins einn nammidagur í viku.
Mánuði fyrir mót sleppi ég svo öllu
óhollu. Þetta er orðið að vana og
þegar nær dregur keppnum hætti ég
að svindla því ég veit hvað er í húfi. Ef
ég á að velja á milli tækifæris til að
keppa á heimsmeistaramóti eða fá
mér pitsu þá fórna ég pitsunni. Þegar
mótin eru búin get ég borðað að vild
en oftast langar mig þá ekki í neitt
óhollt.“
Lifi lífinu þrátt fyrir fitness
Freyja ætlar að taka því rólega
næstu mánuðina og ætlar ekki að
keppa um páskana. „Ég held að ég
hvíli mig þangað til í október. Það
tekur góða þrjá mánuði að skera sig
niður og mig langar að hvíla mig fyrir
næsta mót og ætla að nota tímann og
koma mér og fjölskyldunni almenni-
lega fyrir. Ég vil forgangsraða rétt í
lífinu, ekki bara æfa og æfa,“ segir
Freyja og bætir við að hún haldi
áfram að lifa lífinu þrátt fyrir
strangan lífsstíl í kringum mót. „Ég
fer reglulega út að skemmta mér með
vinum mínum og fæ mér nammi og
svona. Mér finnst nammi líka svo
gott og gæti aldrei sleppt því alveg.
Frekar myndi ég æfa aðeins meira,“
segir hún brosandi.
Stefna alltaf að sigri
Stelpurnar eru sammála um að
fitness sé frábær íþrótt og hvetja fleiri
stelpur og konur að prófa. „Alveg
tvímælalaust mæli ég með þessu fyrir
sem flestar konur. Þetta er svo gaman
og stemningin í kringum þetta er
frábær,“ segir Heiðrún. „Við Heiðrún
erum fínar vinkonur enda finnst mér
nauðsynlegt að geta átt eðlileg
samskipti við keppinautana. Við
ræðum saman, gefum hvor annarri
ráð og lærum þannig alltaf eitthvað
nýtt,“ segir Freyja og Heiðrún tekur
undir. „Okkur kemur vel saman sem
betur fer enda er gott að geta
haft samband við einhvern
sem maður keppir við,
fengið ráð og gefið ráð til
baka.“ Stelpurnar missa þó
aldrei sjónar á sigrinum og
stefna báðar á fyrsta sætið
þegar þær keppa. „Að
sjálfsögðu stefnir maður
alltaf á sigur. Við vitum
hvernig er að sigra og maður
leggur þetta ekki á sig nema
maður ætli að vinna.“
indiana@frettabladid.is
HEIÐRÚN SIGURÐARDÓTTIR OG FREYJA SIGURÐARDÓTTIR ERU TVÆR AF FREMSTU FITNESS-KONUM LANDSINS.
HEIÐRÚN OG FREYJA SKERA SIG ÚR KVENNAHÓPI ENDA STÆRRI OG STERKARI EN AÐRAR KONUR. STELPURN-
AR ERU SAMMÁLA UM AÐ FITNESS SÉ FRÁBÆR LÍFSSTÍLL OG ÞÆR VILJA FLEIRI STELPUR Í ÍÞRÓTTINA.
FREYJA SIGURÐARDÓTTIR
FITNESS-GELLA „Ég fer
reglulega út að skemmta mér
með vinum mínum og fæ mér
nammi og svona. Mér finnst
nammi líka svo gott og gæti
aldrei sleppt því alveg. Frekar
myndi ég æfa aðeins meira,“
segir Freyja.
HEIÐRÚN „Ef ég á að velja á milli tækifæris til að keppa á heimsmeistaramóti eða fá
mér pitsu þá fórna ég pitsunni.“
Á LAUSU „Ég er
spurð hvað ég taki í
bekk og svo kemur
fyrir að manni er
boðið í sjómann.
Strákarnir finna alls
konar leiðir til að
nálgast mann sem er
betra en að þeir
hræðist mann,“ segir
Heiðrún hlæjandi en
Heiðrún er á lausu.
BÓNORÐ UM ÁRAMÓTIN „Við ætlum að hafa þetta lítið brúðkaup og aðeins bjóða
okkar nánustu en athöfnin fer fram í Keflavíkurkirkju 8. desember.“
„HVAÐ TEKUR ÞÚ Í BEKK?“
ER ALGENG PICK-UP LÍNA
„MAÐUR FÆR
AÐ HEYRA
ÓTRÚLEGSTU
SETNINGAR. ÉG
ER SPURÐ
HVAÐ ÉG TAKI Í
BEKK OG SVO
KEMUR FYRIR
AÐ MANNI ER
BOÐIÐ Í SJÓ-
MANN.“