Fréttablaðið - 05.04.2007, Síða 32

BLS. 2 | sirkus | 5. APRÍL 2007
REYKJAVIK STORE
LAUGAVEGI 86-94, S: 511-2007
Heyrst hefur
Þula ólétt að öðru barni
Þulan glæsilega Katrín Brynja
Hermannsdóttir á von á sínu öðru
barni. Fyrir á hún fjögurra ára gamlan
son með manni sínum Auðuni
Svafari Guðmundssyni.
Katrín Brynja er ekki
eina þulan hjá
Ríkisútvarpinu sem er
ólétt því Ellý
Ármannsdóttir
á von á stúlku
um miðjan
maí.
Kaupir bústað Engilberts
Athafnamaðurinn Andrés Pétur
Rúnarsson hefur samkvæmt heimildum
Sirkuss fjárfest í stórglæsilegum 130
fermetra sumarbústað í Borgarfirðinum.
Sá sem seldi bústaðinn
keypti hann af byggingaverk-
takanum umsvifamikla
Engilberti Runólfssyni og
er bústaðurinn afar
glæsilegur með rúmlega
100 fermetra verönd
og heitum potti. Ekki er talið að Andrés
Pétur hafi borgað undir 30 milljónum fyrir
bústaðinn.
Nylon í ræktinni
Nylon-stúlkurnar eru greinilega farnar
að undirbúa sig fyrir sumarið. Sést hefur
til stúlknanna fjögurra í Laugum þar sem
þær taka hressilega á nánast upp á
hvern einasta dag. Haft hefur verið á
orði að þær ætli sér greinilega að vera
komnar í toppform áður en þær halda til
Bretlands á nýjan leik í sumar til enn
frekari landvinninga.
G ítarleikarinn snjalli, Vignir Snær Vigfússon, sem getið hefur sér
gott orð með Írafári og sem hljóm-
sveitarstjóri í X-faktor-þáttunum,
spilar ekki á gítarinn sinn á næstunni
og jafnvel gæti liðið ár þar til hann
slær á strengi á nýjan leik. Ástæðan
er sú að handleggur hans er í hönk
eftir handleggsbrot fyrir skömmu. Í
kjölfarið mörðust taugaendar í
hendinni vegna bólgu og getur hann
hvorki rétt úr fingrum né úlnlið
vinstri handar.
„Þetta er auðvitað alveg ferlega súrt.
Svona lagað getur tekið mánuð að
jafna sig en líka allt upp í ár,“ segir
Vignir í samtali við Sirkus. Þótt hann
geti ekki slegið á strengi gítarsins er
hann sem betur fer ekki óstarfhæfur
því stór hluti af hans starfi felst í
upptökustjórn. „Það er nóg að gera hjá
mér, bæði við að klára X-Factorinn og
önnur stúdíóverkefni.“
Óvíst hvenær Vignir
Snær spilar aftur
HÖNDIN Í HÖNK Þrátt fyrir að Vignir Snær
sé ekki til stórræðanna þessa dagana var
hann í stuði í Smáralindinni á föstudags-
kvöldið. SIRKUSMYND/SIGURJON RAGNAR
Þ etta snýst kannski frekar um að tæma hugann heldur en allsherjar afslöppun,“ segir Róbert Wessman,
forstjóri Actavis, um þá slökunaraðferð sína
að setjast upp í Formúlubíl og aka á
ógnarhraða. „Ég hef alltaf verið með
bíladellu og ákvað að láta drauminn um að
keyra Formúlubíl rætast,“ segir Róbert
Wessman, forstjóri Actavis, í samtali við
Sirkus en hann settist undir stýri á Formúlu
1-bíl síðasta haust. Það gerði hann á hinni
frægu Magny-Cours braut í Frakklandi.
„Ég keyrði 800 hestafla Prost-bíl, alvöru
Formúlubíl, og það var alveg ótrúleg
tilfinning að setjast undir stýri á bílnum.
Hann var síðast notaður í keppni árið 2002
og ég held að Joe Alesi hafi keyrt hann,“ segir
Róbert sem nýtti hvert einasta hestafl sem í
boði var. „Ég fór upp í tæplega 300 á langa
beina kaflanum áður en 90° beygjan kom.
Ég náði ekki brautarmetinu sem Michael
Schumacher á en var þó nokkuð ánægður,“
segir Róbert sem fór hraðasta hringinn á
1:40 mínútum, 26 sekúndum frá brautar-
meti Schumachers.
Það er ekki heiglum hent að stýra bíl eins
og boðið er upp á í Formúlunni og Róbert
segir að ekki sé hverjum sem er hleypt upp í
stærstu bílana. „Við vorum látnir keyra
minni bíla fyrr um daginn en það var
auðveldara að keyra Formúlu 1-bílinn
heldur en ég bjóst við. Það er reyndar mjög
sérstakt. Maður er reyrður niður og getur
ekki hreyft neitt nema fætur og úlnliði. Ég
fór sex hringi og leið rosalega vel á eftir,“
segir Róbert sem hefur þrátt fyrir allt ekki
farið á eina einustu Formúlu 1-keppni á
ævinni. „Það er á planinu en mér finnst
skemmtilegra að keyra hratt heldur en að
horfa á bíla keyra hratt,“ segir Róbert.
Hann er mikill áhugamaður um hrað-
skreið farartæki og á til að mynda einn
kraftmesta Porsche-jeppa landsins.
Hann segist þó fá útrás fyrir
hraðann annars staðar en í
umferðinni í Reykjavík. „Hér heima
keyrir maður í rólegheitum.
Útrásina fær maður á þar til
gerðum brautum í útlöndum,“
segir Róbert og hlær.
Aðspurður segir hann alla
eiga möguleika á því að aka
Formúlubílum en panta
þurfi slíkt í tíma. Það sé þó
ekki ókeypis en Róbert
vildi ekki gefa upp
hversu mikið það hefði
kostað hann að láta
drauminn rætast á
Magny-Cours
brautinni í Frakk-
landi síðastliðið
haust.
oskar@frettabladid.is
FORSTJÓRINN RÓBERT WESSMAN NOTAR ÓHEFÐBUNDNAR SLÖKUNARAÐFERÐIR
Á HÁMARKSHRAÐA Róbert þandi Prost-
bílinn upp í tæplega 300 km/klst. á
brautinni í Frakklandi.
SIRKUSMYND/ÚR EINKASAFNIFLOTTUR Það er óhætt að segja að Róbert taki sig vel út með hjálminn í Formúlubílnum. SIRKUSMYND/ÚR EINKASAFNI
KOMIÐ Í MARK Róbert ekur hér Prost-
bílnum yfir endalínuna á Magny-Cours
brautinni. SIRKUSMYND/ÚR EINKASAFNI
TÆMIR HUGANN Á 800
HESTAFLA FORMÚLUBÍL
ELSKAR HRAÐA
Róbert Wessman er
í mikilli keyrslu í
starfi sínu sem
forstjóri lyfjafyrir-
tækisins Actavis.
Hann keyrir líka
hratt á þar til
gerðum brautum.