Fréttablaðið - 05.04.2007, Síða 52

BLS. 10 | sirkus | 5. APRÍL 2007
Færeyingar eru stúlkur
mánaðarins
„Ég hef ekki fylgst með þessu nema
með hálfu augu en ég held nú samt
að frændi okkar frá Færeyjum sigri
keppnina, einfaldlega vegna þess að
hann er Færeyingur. Færeyingar eru
stúlkur mánaðarins um þessar
mundir.“
Ólafur Páll Gunnarsson Rokklandi
Færeyingar fleyta sínum
manni alla leið
„Ég hef séð hálfan þátt og get þess
vegna ekki tjáð mig af viti um þetta.
En mér sýnist sem það hafi verið lagt
upp með það í byrjun að Færeyring-
urinn myndi taka þetta og það á eftir
að ganga eftir. Ég veit ekkert hvort
hann hefur hæfileika þessi strákur en
hann tekur þetta hvort sem er af
þeirri einföldu ástæðu að hann er
Færeyingur. Þetta er bara eins og
þegar Magni var í Rockstar. Ef
áhorfendur hefðu ákveðið úrslitin
hefði hann auðvitað unnið. Færey-
ingarnir eiga eftir að fleyta sínum
manni alla leið.“
Ágúst Bogason útvarps- og tónlistarmaður
Vona að Jógvan vinni
„Það er mjög erfitt að gera upp á milli
þessara tveggja og ég held að þau séu
öll sigurvegarar. Perónulega hef ég
haldið upp á Hara alla keppnina en
Jógvan hefur sótt mjög á og í endann
er ég farin að halda með honum. En
ég vona að Jógvan vinni. Þær systur
eiga hvort eð er eftir að hafa nóg að
gera, hafa hvor aðra til að peppa sig
upp, en Jógvan þarf held ég miklu
meira á þessu að halda, kröftugur
drengur frá Færeyjum sem kemur til
Íslands í leit að ævintýrum og hefur
svo sannarlega ekki séð eftir því
hugsa ég. Þannig að ef ég þarf að
velja segi ég Jógvan, hann er
fantagóður söngvari og tekur mann
alveg með sér inn í lagið þegar hann
syngur sem er mjög erfitt að gera í
gegnum sjónvarp. Ég vona svo
sannarlega að Hara haldi áfram að
koma fram því þær eru skemmti-
kraftar af líf og sál. Í hvert sinn sem
þær koma fram með sitt atriði brosi
ég allan hringinn og langar að hoppa
inn í sjónvarpið og knúsa þær.“
Íris Kristinsdóttir söngkona
Jógvan er stjarna
„Hara eru mjög flottar og skemmti-
legar í sviðsframkomu, í gegnum
keppnina hafa þær örugglega lagt
mest á sig í því að dansa og búa til
sýningu fyrir áhorfendur í Vetrar-
garðinu og þá sem sitja heima. Þær
eru náttúrulega góðar söngkonur
eins og allir vita. Jógvan er aftur á
móti heill her af hæfileikum og það
virðist ekkert lag sem hann getur
ekki sungið og gert það með stæl. Ef
ég á að meta frammistöðu hans í
gegnum keppnina þá verð ég að gefa
honum mitt atkvæði, hann er stjarna
og hefur alla eiginleika til að ná mjög
langt. Jógvan er það að mínum mati,
en nota bene það er sagt áður en
úrslitakvöldið fer fram og þá gæti
maður breytt um skoðun.“
Ívar Guðmundsson á Bylgjunni
Jógvan hefur allt til að bera
„Ég myndi velja Jógvan. Ég held hann
hafi lengri líftíma sem artisti. Jógvan
hefur allt til að bera, útlitið, hann er
góður söngvari og er með þetta „star
quality“ sem er nauðsynlegt. Þær í
Hara eru með skemmtilegt „show“ en
mjög ólíkar Jógvan.“
María Björk Sverrisdóttir söngkennari
Jógvan á skilið að vinna
„Ég hef eiginlega ekkert fylgst með
þessari keppni en ég gæti nú trúað að
Hara-stelpurnar tækju þetta. Er þetta
ekki símakosning annars? Það gæti
orðið erfitt fyrir Færeying að vinna
svoleiðis kosningu hér á landi.
Annars finnst mér Jógvan nokkuð
góður söngvari, það litla sem ég hef
heyrt í honum, og hann á miklu
frekar skilið að vinna keppnina en
Hara því þær verða nú seint taldar
sterkar á söngsvellinu. Ég vona
allavega innilega að þær tapi því það
er eitthvað óskaplega þreytandi við
þær.“
Heimir Eyvindarson Á móti Sól
Besta tvennan í úrslitum
„Það fer ekkert á milli mála að besta
tvennan er í úrslitum. Ég hef verið
mjög hrifinn af Hara-dúettinum og
vona að þær vinni en mig grunar
samt að Jógvan taki þetta á einu
atkvæði. Það þarf pottþétt að telja
tvisvar.“
Bragi Guðmundsson útvarpsmaður
Jógvan á að vinna
„Engin spurning hvað ég vel, Jógvan
á að vinna keppnina hann er búinn
að sýna og sanna að hann hefur það
sem þarf og hefur bara bætt sig með
hverjum þættinum. Hara eru góðar
en Jógvan er betri söngvari og passar
betur inn í bransann, hann er flottur
strákur með flotta rödd, svo ég spái
og vil að hann sigri í X- Factor.“
Sigga Beinteins söngkona
ÚRSLITIN Í X-FACTOR KOMA Í LJÓS Á FÖSTUDAGINN. HRESSU SYSTURNAR SEM MYNDA HARA OG ERU FRÁ
HVERAGERÐI KEPPA VIÐ FÆREYINGINN JÓGVAN. ÁLITSGJAFAR SIRKUSS TELJA FÆREYSKA FOLANN SIGUR-
STRANGLEGRI.
JÓGVAN SIGRAR Í X-FACTOR