Fréttablaðið - 02.06.2007, Blaðsíða 82

Hönnuðurinn Alberta Ferretti er
stórt nafn í tískuheiminum í dag.
Hún er talin einn frumlegasti
hönnuður Ítala og er fræg fyrir að
skapa þægileg en að sama skapi
íburðarmikil föt. Hún notar dýr og
fáguð efni til að skapa stíl sem er í
senn klæðilegur, mjúkur og kven-
legur. Með því að blanda saman
rómantík og þægindum hefur hún
fest sig í sessi sem ein áhrifa-
mesta kona á Ítalíu í dag, og merk-
ið hennar Philosophy veltir millj-
örðum á ári hverju.
Ferretti er einn uppáhaldshönn-
uður Hollywood-stjarnanna sem
klæðast gjarnan kjólum henn-
ar á rauða dreglinum. Hún er ein
af mörgum Evrópskum hönnuð-
um sem eru um þessar
mundir að sýna svokall-
aða „ Resort“-línu í New
York. „Resort“ þýðir í raun
sumarferðastaður og fötin
að sama skapi afslöpp-
uð og henta heitara lofts-
lagi. Lína Ferretti fyrir 2008 vakti
mikla lukku í stóra eplinu og fötin
voru aðallega í dimmbláum og
fílabeinslitum tónum með akker-
um ofnum í peysur og prjónakjóla.
Dökkbláir jakkar í sjóliðastíl voru
settir saman við stuttbuxur, póló-
bolir saman við stelpuleg plíseruð
pils og einnig gaf að líta flotta
skyrtukjóla sem sýndu mikið af
berum sólbrúnum leggjum. Eins
og tískuspekúlöntunum varð að
orði minnti línan á franska strand-
bæinn Deauville á þriðja áratugn-
um. Sumsé, innblásið af sjónum og
ströndinni en alveg nógu smart til
þess að ganga um götur stórborg-
anna. Hvað kvöldkjóla varðaði var
nóg af fisléttum og kvenlegum
chiffon-kjólum sem eflaust munu
njóta mikilla vinsælda hjá Holly-
wood-dömunum.
Eitt það besta við sumar erlendis (nema að maður búi á Suðurskautsland-
inu) er sú staðreynd að fólk getur gengið um berleggjað. Ég er að vísu
enn ekki sannfærð um að stuttbuxur séu smart klæðnaður á karlmönn-
um (sem ég vil helst alltaf hafa í rokkaralegum gallabuxum allan ársins
hring) en það er óneitanlega fallegt þegar konur sýna leggi í hnésíðum
pilsum eða stuttbuxum og smeygja lökkuðum tánöglum í sandala. Sokka-
buxur eru nefnilega ekkert sérstaklega þægilegur klæðnaður, og þar sem
ég er forfallinn pilsafíkill þá var ég auðvitað alltaf berleggjuð alla daga
þegar ég bjó utan landsteinanna.
Á Íslandi virðist vera 7 stiga hiti allt árið um kring en átján stig og logn
þykir hitabylgja. Ég fylltist óttablandinni virðingu um daginn þegar ég
rölti Laugaveginn síðla kvölds og mætti (ölvuðum) yngismeyjum sem
voru berleggjaðar í stuttpilsum í kulda og gaddi. Fótleggir þeirra voru
orðnir bláir þrátt fyrir allt brúnkuspreyið og það lá við að ég fengi flensu
bara við að horfa á þær. Það hefur alltaf verið mér algjör ráðgáta hvern-
ig hitamælir Íslendinga er stilltur á sumrin. Þegar mælirinn sýnir fjórtan
er alþjóð komin á hlýraboli með ís, alveg sama þó að gæsahúðin hrísl-
ist eftir berum handleggjum og fótum. Ég er svo mikil kuldaskræfa að
ég myndi helst eyða hinu íslenska sumri í Ugg-stígvélum og ullarsokka-
buxum en einhvern veginn er það dálítið út úr kú við alla pastelstemn-
inguna á Austurvelli á sólríkum degi. En nú er komið sumar segja þeir
og hvað er þá til ráða? Persónulega finnst mér skelfilega hallærislegt að
horfa upp á brúnkuspreyjaða leggi með gæsahúð en það er þó skömminni
skárra en það versta tískuslys sem ég get hugsað mér: húðlitaðar sokka-
buxur.
En hvernig er hægt að bera smá hold án þess að fá sumarkvef eða
blöðrubólgu? Leggings voru besti kosturinn í fyrra og ganga væntanlega
ágætlega upp í sumar hvort sem þær eru með ballerínuskóm eða háum
hælum. Svo er hægt að leika sér með hnésokka en þeir eru sætir við hné-
buxur eða pils þannig að aðeins lítill hluti fótleggjanna fær að gægjast út.
Þær hugrökku sem ekki þjást af krónískum fótkulda geta svo alltaf skellt
sér í opnu hælaskóna við buxur. Í sumar eru víðar gallabuxur málið og
þá tilvalið að hafa þær nógu síðar til að ná yfir freðnar tær. Það eina sem
ég sé til ráða fyrir þær sem ætla að mæta í sexí hnésíðum pilsum og með
bera leggi í brúðkaupin og kokkteilana í sumar er, því miður: ullarbrókin!
Gæsahúð!
SMS
LEIKUR
SENDU SMS JA 28F
Á 1900 OG ÞÚ GÆTIR
UNNIÐ BÍÓMIÐA!
VINNINGAR ERU BÍÓMIÐAR,
DVD MYNDIR, TÖLVULEIKIR
OG MARGT FLEIRA!
Frumsýnd 30. maí
STRANGLEGA BÖNNUÐ INNAN 16 ÁRA
V
in
n
in
g
ar
ve
rð
a
af
h
en
d
ir
h
já
B
T
Sm
ár
al
in
d
. K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
9
9
kr
/s
ke
yt
ið
.
BLÓÐUGT FRAMHALD AF 28 DAYS LATER