Fréttablaðið - 02.06.2007, Blaðsíða 87
Hljómsveitin Dúndurfréttir mun í
samstarfi við Sinfóníuhljómsveit
Íslands flytja verk Pink Floyd,
The Wall, í Laugardalshöll 29. júní.
Jafnframt eru Dúndurfréttir að
undirbúa ferna tónleika þar sem
flutt verða lög hljómsveitarinnar
vinsælu The Eagles. Verða þeir
haldnir í byrjun september, annað
hvort í Borgarleikhúsinu eða Ís-
lensku óperunni.
„Þetta eru fyrstu risatónleikarnir
okkar,“ segir Matthías Matthías-
son, söngvari Dúndurfrétta, um
tónleikana í Höllinni. „Við erum
byrjaðir að æfa á fullu og ætlum
að gera þetta betur en nokkru
sinni hefur verið gert áður. Við
erum búnir að flytja The Wall í
Borgarleikhúsinu, í Austurbæ og
á Akureyri en okkur finnst þetta
vera punkturinn yfir i-ið í að full-
komna þennan pakka.“
Að sögn Matthíasar hefur The
Eagles-verkefnið verið lengi í
þróun hjá sveitinni. „Einar gítar-
leikari þekkir hvern einasta tón
og slátt og nótu í Eagles-safninu.
Hann er búinn að vera hægt og
sígandi að troða þessu inn á okkur.
Okkur fannst kominn tími til að
gera þetta eins vel og við mögu-
lega getum,“ segir hann. Verða
tónleikarnir nokkurs konar blanda
af tveimur vinsælum tónleikadisk-
um sem The Eagles hafa gefið út.
Risatónleikar Dúndurfrétta
Tónlistarhátíðin Rökkurlopi
verður haldin í Reykjavík dagana
14. til 17. júní. Á
meðal þeirra sem
koma fram verða
Toggi, Ólöf Arn-
alds, Elísabet Ey-
þórsdóttir, Úlpa og
Indigo.
Hátíðin fer fram
á kaffihúsunum
Babalí og Hljóma-
lind og einnig í S.
L.Á.T.R.I sem er
vinnustofa nokk-
urra listamanna að
Hverfisgötu 32.
Flest atriðin
verða að degi til og
verður enginn að-
gangseyrir. „Þessir
staðir eiga það sameiginlegt að
vera á litlu svæði í miðbænum og
að vera litlir,“
segir Áki Ás-
geirsson, tón-
skáld og einn
af skipuleggj-
endum hátíð-
arinnar. „Þetta
eru staðir sem
bjóða upp á per-
sónulega nánd
við áhorfendur
og valið á hljóð-
færaleikurum
er mjög frjáls-
legt.“ Vonast
Áki til þess að
hátíðin verði
haldin árlega í
framtíðinni.
Spilað á litlu svæði