Fréttablaðið - 27.07.2007, Qupperneq 16

nær og fjær
„ORÐRÉTT“ Orðinn róttækari og raunsærri
Heimsmeistaramót íslenska
hestsins fer fram í Oirshot
í Hollandi 6. til 12. ágúst
næstkomandi. Íslenska
landsliðið hefur verið valið
og hópurinn fer utan á
næstu dögum.
„Þetta er flottur hópur og ég er
viss um að íslenska liðinu á eftir
að vegna vel,“ segir Sigurður
Sæmundsson, liðstjóri íslenska
landsliðsins. Þrettán íslenskir
knapar taka þátt á mótinu á þrett-
án keppnishestum en auk þess
taka sex hross þátt í kynbótasýn-
ingunni. Hópurinn var kynntur
síðastliðinn þriðjudag.
Heimsmeistaramótið er haldið
annað hvert ár og er hápunktur
allra áhugamanna um íslenska
hestinn. Sigurður segir að mikil
tilhlökkun sé í hópnum enda sé
það ógleymanleg upplifun að fá að
keppa fyrir Íslands hönd. „Þarna
eru á bilinu 15 til 17 þúsund áhorf-
endur og það skapast mögnuð
stemning,“ segir Sigurður sem
reiknar með því að hátt í 1.500
Íslendingar fylgi landsliðinu til
Hollands og fylgist með mótinu.
Þangað kemur einnig fólk frá
öllum heimshornum og meðan á
mótinu stendur fara fram alls
kyns kynningar og sýningar þar
sem Ísland er í aðalhlutverki. Sig-
urður segir erfitt að finna betri
sendiherra en íslenska hestinn og
segir mótið mikla og jákvæða
landkynningu.
Mót sem þetta krefst mikils
undirbúnings. „Það má eiginlega
segja að undirbúningur hafi staðið
í nokkur ár því hrossin hafa verið
í stífri þjálfun. Lokaæfingarnar
fara fram úti og þar hjálpast allir
að við að ná sem bestum árangri,“
segir Sigurður.
Þótt það sé gaman að taka þátt í
mótinu fylgir því líka tregi. Þeir
hestar sem fara frá Íslandi eiga
ekki afturkvæmt og það getur
tekið á að skilja gæðinginn sinn
eftir þegar mótinu lýkur. „Menn
tíma ekki að fara með besta hest-
inn sinn nema þeir eigi góðan
kandídat heima sem getur tekið
sæti hans. Auðvitað er alltaf erfitt
að kveðja góðan hest,“ segir Sig-
urður.
Öflugasti sendiherra Íslands
Benz fátækari Ætli það sé sárt?
Ætti að vera
frítt fyrir alla
Hringdu í síma
ef blaðið berst ekki