Fréttablaðið - 27.07.2007, Blaðsíða 42

27. JÚLÍ 2007 FÖSTUDAGUR8 fréttablaðið ferðahelgin
Verslunarmannahelgi um allt land
Hátíðir um verslunarmannahelgina eru ekki af skornum skammti. Á kortinu hér að neðan má sjá helstu viðburði sem í boði eru fyrir fólk um verslunarmannahelgina.
Geymið kortið, boðið til fundar og ráðfærið ykkur við fjölskyldu og vini um áfangastaði helgarinnar.
INNIPÚKINN
Á Innipúkanum sem haldinn
verður í Reykjavík á tónleika-
staðnum Organ við Naustið
á laugardags- og sunnudagskvöld um
verslunarmannahelgina koma fram
hljómsveitirnar Bogomil Font og Flís,
FM Belfast, Forgotten Lores, Ghostigital,
Hjaltalín, Hudson Wayne, Jeff Who?,
Mínus, Motion Boys, Seabear, Steypa
og Stórsveit Nix Noltes. Á milli hljóm-
sveita munu plötusnúðarnir DJ Frank
og DJ Arnar Eggert þeyta skífum en
tónleikarnir standa yfir frá 20.00 til 03.00
bæði kvöldin. Auk þess verður hátíð í
portinu á sunnudeginum frá fimm til
átta þar sem boðið verður upp á grillað-
ar pylsur og trúbadorar stíga á svið.
Sjá nánar á
myspace.com/innipukinn2007
NEISTAFLUG
Á Neistaflugi í Neskaupstað
verður margt í boði fyrir gesti.
Dansleikir með ólíkum hljóm-
sveitum á hverju kvöldi, meðal annars
hljómsveitunum Out Loud, Dichmilch,
Buff og Todmobile.
Afþreying er af ýmsum toga. Til dæmis
Neistaflugsgolfmót, Barðsneshlaup fyrir
hlauparana, dorgveiðikeppni,
kajakleiga og barnaídolkeppni.
SÆLUDAGAR Í VATNASKÓGI
Í Vatnaskógi fer fram árleg
vímulaus fjölskylduhátíð. Góð
aðstaða til útivistar er fyrir
hendi. Meðal listamanna sem troða upp
á Sæludögum eru Jón Víðis töframaður,
Pétur Ben tónlistarmaður og Björgvin
Franz Gíslason skemmtikraftur. Bæna-
stundir og málstofur fara einnig
fram um helgina.
MÝRARBOLTINN 2007
Mýrarboltinn verður haldinn í
Tunguskógi í Skutulsfirði 3. til 5.
ágúst. Er þetta í fjórða sinn sem
mótið er haldið og verður nú stærra og
glæstara en nokkru sinni. Keppt verður
á fjórum keppnisvöllum auk þess sem
keppendum og öðrum áhugamönnum
stendur ýmis afþreying til boða.
Að móti loknu verður haldið lokahóf, að
líkindum í Edinborgarhúsinu á Ísafirði.
Sjá nánar á www.myrarbolti.net
1
SÍLDARÆVINTÝRIÐ
Síldarævintýri á Siglufirði verð-
ur haldið í sautjánda sinn um
verslunarmannahelgina. Boðið
verður upp á mikið úrval afþreyingar
og skemmtiefnis fyrir alla aldurshópa.
Aðgangseyrir á hátíðina er enginn og
í bænum er fyrsta flokks tjaldaðstaða.
Meðal þeirra sem skemmta munu Sigl-
firðingum og fjölmörgum gestum eru
Páll Óskar og hljómsveitirnar Sprengju-
höllin, Bermúda og Karma. Geirmundur
Valtýsson og hljómsveit hans verða í
góðu stuði ásamt fjölmörgum öðrum
skemmtikröftum sem leiða hesta sína
til Siglufjarðar í ár. Börnunum mun ekki
leiðast enda verða tívolí, andlitsmálun,
trúðar og söngvarakeppni í boði fyrir
þau.
Sjá nánar á www.siglo.is
2
EIN MEÐ ÖLLU
Mikil og spennandi dagskrá
fyrir alla fjölskylduna verður
á Einni með öllu á Akureyri.
Hátíðin er sett klukkan hálf níu á föstu-
dagskvöldið og er dagskráin þéttskipuð
þar til henni verður slitið með mikilli
flugeldasýningu á sunnudagskvöldið
klukkan hálf tólf.
Meðal þeirra sem koma fram á hátíðinni
eru Hara-systur, Ljótu hálfvitarnir,
Sniglabandið, Björgvin Halldórsson og
hljómsveitin Von ásamt fjölmörgum
öðrum.
Annað sem er í boði fyrir fjölskylduna
og kostar ekki neitt er leikjanámskeið
fyrir börn, línudanskennsla, ratleikur
á Hamrakotstúni og Singstar-söngva-
keppni. Þá verður tívolí í hjarta miðbæj-
arins, skemmtisiglingar með Húna II og
margt margt fleira.
3
5
ÁLFABORGARSÉNS
Borgarfjörður eystri er íðilfagur
og hefur verið vinsæll tónleika-
staður. Dansleikir verða á kvöld-
in en auk þess verður haldið Neshlaup
og hagyrðingamót á föstudeginum,
Henson-mót í knattspyrnu, útimarkaður
og rommtunnukvöld á Álfacafé á laug-
ardag. Á sunnudag verður fjölskyldu-
dagur í Breiðuvík, fjölskylduganga á
Svartfell, grill og söngur.
4
6
7
FJÖLSKYLDUHÁTÍÐ Í ÖLFUSI
Kristileg hátíð á vegum Kirkju
sjöunda dags aðventista
verður haldin um verslunar-
mannahelgina í Hlíðardalsskóla, Ölfusi.
Hátíðin hefst föstudaginn 3. ágúst kl.
20.00 og lýkur mánudaginn 6. ágúst
upp úr hádegi. Fjölbreytt dagskrá
er í boði, sambland af forvitnilegum
fyrirlestrum, tónlist og samveru. Sérstök
barnadagskrá verður út helgina þar sem
vatn verður í fyrirrúmi. Næg tjaldstæði,
möguleiki á gistingu í húsi og boðið
verður upp á góðan mat alla helgina
gegn vægu verði.
8
ÞJÓÐHÁTÍÐ
Þjóðhátíð hefur verið haldin í
Eyjum frá árinu 1901. Hátíðin
verður sett klukkan 14.30 á
föstudag. Kvöldvakan hefst
klukkan 21.00 með frumflutningi
Þjóðhátíðarlagsins. Flugeldasýningin
verður á sínum stað á laugardagskvöldið
en á sunnudaginn er komið að hinum
víðfræga brekkusöng þar sem Árni
Johnsen leiðir gesti í fjöldasöng. Meðal
þeirra sem koma fram á hátíðinni eru
XXX Rottweiler, Á móti sól, Í svörtum föt-
um, Wulfgang, Foreign Monkeys, Dans
á rósum, Hálft í hvoru og Logar. Verð á
hátíðina í ár er 11.900 krónur en 9.900 í
forsölu sem lýkur 30. júlí.
Sjá nánar á www.dalurinn.is
9
UNGLINGALANDSMÓT UMFÍ
Um verslunarmannahelgina
verður tíunda Unglingalands-
mót UMFÍ haldið á Höfn í
Hornafirði. Mótið er vímuefnalaus fjöl-
skylduhátíð þar sem börn og unglingar
á aldrinum 11 – 18 ára reyna með sér í
fjölmörgum íþróttagreinum. Samhliða
er boðið upp á fjölbreytta afþreyingu,
leiki og skemmtun fyrir alla fjölskyld-
una. Keppt verður í frjálsum íþróttum,
fótbolta, körfubolta, sundi, glímu,
hestaíþróttum og skák. Hljómsveitir
og skemmtikraftar munu halda uppi
fjörinu alla helgina og á sunnudags-
kvöld verður kvöldvaka sem endar með
flugeldasýningu.
10
KOTMÓT
Kotmót er kristileg samkoma
fyrir alla fjölskylduna á vegum
Hvítasunnukirkjunnar Fíladelf-
íu. Mótið fer fram á Kirkjubæjarklaustri
en meðal viðburða eru bænir, lofgjörðir,
biblíufræðsla, varðeldur og söngur.
NÚ ER LAG Í ÁRNESI
Félag harmóníkuunnenda í
Reykjavík stendur fyrir harm-
óníkumóti í Árnesi í Skeiða- og
Gnúpverjahreppi um verslunarmanna-
helgina. Dagskráin hefst á föstudegi
og klukkan 23.00 verður hitað upp fyrir
langa helgi með spili og söng. Á sunn-
dag spilar sænski harmonikusnillingur-
inn Lars Ek á tónleikum í félagsheimilinu
í Árnesi.
11
12
1
2
3
4
6
7
8
9
10
11
12
5