Fréttablaðið - 27.07.2007, Qupperneq 40

27. JÚLÍ 2007 FÖSTUDAGUR6 fréttablaðið ferðahelgin
Lax penslaður með ólífuolíu og engiferrót.Ljúffengt lambafillet að hætti Rúnars.
Rúnar Gíslason kokkur segir
tiltölulega einfalt að grilla
góðan mat.
Nú þegar verslunarmannahelgin
er framundan er tilvalið að taka
fram grillið, hvort sem maður
ætlar að hafa það með í ferðalagið
eða hafa það náðugt heima hjá sér
um helgina.
Maður þarf ekki að vera neinn
meistarakokkur til að grilla góm-
sæta rétti og satt best að segja er
það tiltölulega auðvelt, ef marka
má matreiðslumanninn Rúnar
Gíslason hjá Kokkunum veislu-
þjónustu, sem hefur meðal ann-
ars getið sér góðs orðstírs fyrir
grilluppskriftir fyrir Hagkaup.
„Ég ákvað að setja saman fjóra
góða grillrétti, byggða á grillrétt-
um fyrir Hagkaup og sem tiltölu-
lega auðvelt er að búa til, þótt
myndirnar gefi annað til kynna en
það má helst rekja til framsetning-
ar,“ útskýrir Rúnar. „Staðreyndin
er sú að réttirnir eru samansettir
úr algjörum grunnhráefnum. Yf-
irleitt eru ekki fleiri en fimm at-
riði í hverri uppskrift.“
Til marks um það bendir Rúnar
á að meginuppistaðan í kjúklinga-
rétt, einum hinna fjögurra rétta,
sé kjúklingur, barbeque-sósa og
mango chutney. Sömu sögu sé að
segja um lambafillet, þar sem
megin uppistaðan er ólífuolía,
hvítlaukur, salt og pipar, fyrir
utan kjötið sjálft. Uppistað-
an í laxrétt er lax penslað-
ur með ólífuolíu, bland-
aðri með niðurrifinni
engiferrót. Hvítlauk og
chili megi alltaf bæta út
í til að skerpa bragðið.
„Það er nær engin fita
í réttunum enda skiptir máli að
hafa fersk og góð hráefni, sem
nýta má sem best í matargerð,“
bendir Rúnar jafnframt á. „Þá er
ekki verið að flækja hlutina.“
Fjórði og síðasti rétturinn er
reyndar ekkert sérstaklega fitu-
skertur, en alveg ofboðslega góður
að sögn Rúnars. Það eru kókosboll-
ur sem eru grillaðar ofan á berja-
blöndu í eldföstu móti og tilvalið
að bera fram með vanilluís, sem
bráðnar ofan á gotteríinu. Sann-
kölluð rúsína í pylsuendanum.
roald@frettabladid.is
Allar uppskriftir eru fyrir fjóra:
KJÚKLINGUR:
800 gr kjúklingabringur.
Grilllögur
2 dl BBQ-sósa.
5 msk. Geetas mango chutney.
Aðferð:
Marinerið bringurnar í legi í einn til
tvo tíma. Grillið á hefbundinn hátt,
um það bil átta mínútur á hvorri hlið.
Gott að pensla aðeins í lokin með
restinni af leginum.
Meðlæti:
Gott að bera fram með grilluðum
kartöflusneiðum, súkíni og tómötum. LAMBAFILLET:
1,2 kg lambafillet m/fitu.
Grillmarinering:
2 dl ólífuolía.
4 stk. hvítlauksgeirar.
salt og pipar eftir smekk.
Aðferð:
Búið marineringu til úr
ólífuolíu og fínt söxuð-
um hvítlauksgeirum
og salti og pipar eftir
smekk. Látið lambið
marinerast í þessu í
einn til tvo tíma. Grillið
með fituna niður, fyrst í
um það bil tíu mínútur á fitu
hliðinni og sex mínútur á hinni.
Meðlæti:
Gott að bera fram með kartöflusalati
með ólífuolíu, fersku salati og kaldri
sósu.
LAX:
900 gr laxaflök.
Marinering:
2 dl ólífuolía.
50-70 gr engiferrót (rifin niður).
salt og pipar eftir smekk.
Aðferð:
Blandið marineringu saman. Penslið
lax og grillið á roði, fyrst í um það bil
þrjár mínútur á hvorri hlið.
Meðlæti:
Gott að bera fram með grillaðri sætri
kartöflu og aspas.
KÓKOSBOLLU
EFTIRRÉTTUR:
300 - 400 gr berjablanda, til dæmis
jarðarber, bláber og hindber.
100 gr rjómasúkkulaði.
2 stk. kókosbollur.
Aðferð:
Skerið niður rjómasúkkulaði og stráið
yfir berjablöndu. Skerið niður kókos-
bollur og setjið yfir réttinn. Bakið svo
á grilli. Hægt að borða eitt og sér
eða með ís.
Kókosbollur á berjablöndu. Kannski
ekkert ofboðslega hollar, en rosalega
góðar að sögn Rúnars.
Auðveldara en það sýnist
Tiltölulega einfalt er að elda kjúkling.
Rúnar Gíslason kokkur segir mikilvægt að hafa grillið vel heitt í upphafi, sérstaklega þegar grilla á fisk svo hann festist ekki við
grillið. Í því samhengi skiptir líka máli að vera búinn að pensla grillið með olíu. FRÉTTABLAÐIÐ/HÖRÐUR