Fréttablaðið - 27.07.2007, Blaðsíða 25

Anna Björnsdóttir keypti eitt
sinn hjól sem hún hjólaði
aldrei á. Sálfræðin er hennar
bestu kaup.
Bestu kaup Önnu S. Björnsdóttur
ljóðskálds eru ekki af veraldleg-
um toga. „Ég verð að segja að sál-
fræðiþjónusta sem ég keypti mér
þegar ég var 36 ára hafi verið mín
bestu kaup,“ segir Anna. „Þá var
lífið frekar erfitt allt saman en ég
náði mér aftur á strik með sér-
fræðihjálp.“
Anna hefur þó aldrei tímt að
hætta að leita til sálfræðingsins
síns enda segir hún tímana ekki
bara bestu kaupin heldur einnig
þau skynsamlegustu. „Ég lít eigin-
lega á þetta sem einkatíma í
háskóla,“ segir Anna. „Þarna kaupi
ég þekkingu og tíma sálfræðings-
ins og fæ í staðinn einkakennslu
og fræðslu.“
Anna segir að fólk sé oft kjána-
lega feimið við að leita sér aðstoð-
ar. „Það eru svo margir sem hjakka
í sama farinu og eru alltaf að lenda
í sama mótlæti. Með aðstoð getur
fólk rofið þennan hring og loks
orðið ánægt,“ segir Anna.
Verstu kaup Önnu voru, öfugt
við þau bestu, afar veraldleg.
„Fyrir nokkrum árum ætlaði ég að
vera „sporty“, sem ég er alls ekki.
Ég keypti mér hjól sem ég sá aug-
lýst, lét senda það heim til mín en
svo komst ég að því að það voru
engar fótbremsur á hjólinu,“ segir
Anna og hlær. „Ég er svo gamal-
dags að ég get ekki haft bara
bremsur á stýrinu svo ég hringdi í
son minn og bað hann um að sækja
nýja hjólið sem nú var hans.“
Anna hefur nýverið gefið út sína
12. ljóðabók, Currents, og er hún á
ensku. „Ég á stóra ætt í Kanada og
þau fór ég og heimsótti í vetur,“
segir Anna. „Ég er að fara á næstu
Íslendingadagana þarna úti og
mig langaði að fara með ljóðabók
þangað svo ég fékk Hallberg Hall-
mundsson, yndislegt ljóðskáld, til
að þýða ljóð eftir mig og útkoman
varð Currents.“
Sálfræði og bremsulaust hjól