Fréttablaðið - 27.07.2007, Qupperneq 32

BLS. 6 | sirkus | 27. JÚLÍ 2007
A ð sjálfsögðu hef ég áhuga á tísku, maður kemst ekkert hjá því í líf-inu,“ segir Alexía Björg Jóhann-
esdóttir leikkona og eigandi Reykjavík
Casting. Alexía Björg segir smekk sinn
sambland af ódýrum hlutum á mörk-
uðum upp í dýrari hluti í verslunum
eins og Kronkron og GK. „Ég kaupi bara
það sem mér finnst fallegt, sama hvað-
an það kemur,“ segir hún og bætir við að
kærastinn hennar sé ótrúlega duglegur
að finna handa henni falleg föt. „Hann
er ótrúlega naskur og ég gæti þess
vegna látið hann um þetta,“ segir hún
brosandi. Aðspurð segist hún kaupa
mikið erlendis og þá séu verslanir eins
og HM og Primark í miklu uppáhaldi,
sér í lagi þegar hún hafi verið fátækur
námsmaður á Englandi. Þegar hún er
beðin um að lýsa stíl sínum segir hún
smá rokkara í sér. „Samt reyni ég að
vera pen svo ætli ég sé ekki voðalega
penn rokkari,“ segir hún hlæjandi og
bætir við að sem betur fer hafi stíll
hennar breyst mikið með árunum.
Aðspurð um tískuna í dag segist hún
kunna vel við hana. „Það skemmtilega
er að það er allt leyfilegt og því er eng-
inn púkó. Ég gæti þess vegna farið í
gamla krumpugallann og allir myndu
gúddera það,“ segir Alexía sem bjó í
London í fjögur ár. Hún segir tískuna
hér og þar afar svipaða þótt mannflór-
an sé vissulega meiri í London. „Allt
sem er í tísku þar kemur strax hingað
og svo öfugt, heimurinn er svo lítill.
Allavega Evrópa,“ segir Alexía sem fékk
langþráða saumavél í afmælisgjöf á
árinu og hefur verið að dunda sér við að
sauma sér föt. „Saumaskapurinn er
samt á algjöru byrjunarstigi en ég
prjóna líka mikið og finnst mjög róandi
að setjast niður með prjónana. Það eru
svo margar prjónakonur í fjölskyldunni
að maður verður að sýna fram á að
maður geti eitthvað svo þær haldi ekki
að prjónaskapurinn deyi út með þeim.“
indiana@frettabladid.is
ALEXÍA BJÖRG JÓHANNESDÓTTIR
LEIKKONA OG EIGANDI REYKJAVÍK
CASTING KAUPIR FÖT SEM HENNI
FINNST FALLEG SAMA HVAR ÞAU
FÁST.
Penn rokkari sem prjónar
FALLEG OG SPARILEG „Þennan æðislega Vivienne Westwood-kjól fékk
ég í þrítugsgjöf frá kærastanum en hann var keyptur í Kronkron.
Skórnir eru úr Kaupfélaginu en skartgripirnir úr Trilógíu.“
PRJÓNAVESTI FRÁ ÖMMU „Rauðu gallabuxurnar fékk ég í Kringlunni en
stígvélin í Primark í London. Mér þykir rosalega vænt um prjónavestið
sem amma kærasta míns prjónaði handa mér.“ MYND ANTON BRINK
FLOTT Í HVERSDAGSGALLANUM „Gallabuxurnar eru úr Vero Moda en
stígvélin úr GS skóm. Regnkápuna keypti ég í HM í Amsterdam.“
UPPÁHALDSKJÓLLINN „Mér þykir ótrúlega vænt um þennan tiger-kjól
en kærastinn minn keypti hann í San Fransisco.“
JÓLAGJÖF FRÁ KÆRASTANUM „Þessi hvíta ullarkápa er Patrizia Pepe
og var keypt í GK. Hún er ofsalega falleg en ég fékk