Fréttablaðið - 13.09.2007, Síða 31

Í Keramikgallery við Dal-
brekku í Kópavogi má finna
allt sem viðkemur föndri á
keramik og postulíni. Stöllurn-
ar Kristín Ottesen og Þórunn
Hafdís, sem reka Keramik-
gallery, eru einu keramikfram-
leiðendur landsins í dag.
„Við erum með allt sem viðkemur
keramik og postulíni, eins og liti,
pensla og slíkt fyrir þá sem vilja
föndra úr slíkum efnum,“ segir
Kristín. Hún bætir því við að
félagasamtök, saumaklúbbar,
vinnustofuhópar og aðrir sem vilji
föndra saman versli mikið við
þær, enda megi segja að Keramik-
gallery sé nokkurs konar föndur-
búð.
„Við höfum alltaf verið með
keramik en erum nýfarnar að
flytja inn postulín að auki,“ segir
Kristín. „Sjálfar erum við engar
listakonur heldur steypum við
bara úr mótum sem við kaupum
frá Ameríku,“ bætir hún við.
„Við erum með keramikbolla og
-diska auk þess sem við erum með
leir til að nota sem glerbrennslu-
mót fyrir þá sem eru að vinna með
glerlistina heima við. Keramikið
er svo bara málað og lakkað og
látið þorna, nema það sé leirtau
því þá setur maður glerjung utan
á það svo hægt sé að láta það í upp-
þvottavél,“ segir Kristín. Um 4.000
vörutegundir af keramik fást í
galleríinu og nokkur hundruð af
postulíninu. Nánari upplýsingar
má finna á vefsíðunni keramik-
gallery.is.
Allt fyrir keramikföndrið