Fréttablaðið - 18.10.2007, Blaðsíða 33

Sigrún Andersen er með fjölbreyttan stíl og
kaupir sér oftast eitthvað nýtt í hverri viku.
„Ég fylgi engum einum stíl og hef mjög gaman af
því að leika mér með tískuna,“ segir Sigrún Ander-
sen, framkvæmdastjóri Arcadia, sem er meðal ann-
ars með verslanir og merki eins og Top Shop, Oasis,
Eva, Dorothy Perkins, Wallis, Coast og Jane Norm-
an á sínum snærum.
„Fatavalið fer oftast eftir verkefnum dagsins.
Einn daginn er ég í þægilegum gallabuxum og bol á
skrifstofunni. Þann næsta í pilsi og blússu ef ég er
að fara á fund eða í buxnadragt,“ segir Sigrún, sem
er sjálf menntaður fatahönnuður.
„Ég vann við hönnun á sínum tíma en fann fljót-
lega að viðskiptahlið tískunnar átti best við mig.“
Um þessar mundir er Sigrún mikið í fatnaði frá
Kate Moss þar sem bæði hversdagsföt og glamrokk
er allsráðandi. „Leðurjakkinn minn frá Kate Moss
er í miklu uppáhaldi þessa dagana. Hlýjar og kósí
prjónapeysur eru annars mjög heitar núna ásamt
diskófatnaði,“ segir Sigrún, sem sjálf elskar diskó-
tímabilið.
„Allir sem fíluðu diskótímabilið geta notað tæki-
færið og endurupplifað þennan glamúr. Ég elska
silfur og gull en ég blanda þessu meira við þannig
að ég er kannski ekki í diskógallanum frá toppi til
táar. Ég svona rétt stelst aðeins í diskóið, jafnvel án
þess að allir taki eftir því,“ segir Sigrún hlæjandi.
Stelst stundum í diskó
Auglýsingasími
– Mest lesið