Fréttablaðið - 18.10.2007, Side 40
18. OKTÓBER 2007 FIMMTUDAGUR2 fréttablaðið vinnuvélar
Sigurvin Leifsson, bílstjóri hjá
húseiningafyrirtækinu Smell-
inn á Akranesi, er með dálítið
smellinn vagn aftan í bílnum
fyrir ósamsett hús.
„Þessi vagn er sérhannaður úti í
Þýskalandi til að flytja þær hús-
einingar sem Smellinn framleið-
ir,“ segir Sigurvin. Hann er á leið-
inni frá Akranesi til Grindavík-
ur með farm og er að dæla olíu á
bifreiðina í Mosfellsbænum þegar
í hann næst. Vagninn er 15-20 cm
frá götunni og líkastur flotkví í
laginu. Einingarnar standa uppi á
rönd á palli eða fleti, eins og það er
kallað.
Sigurvin segir engan lyftara
eða krana þurfa við fermingu bíls-
ins eða affermingu. „Vagninn er á
glussatjökkum. Við slökum honum
bara niður, opnum hliðið að aftan
og bökkum undir fletið, sem áður
er búið að festa einingarnar á inni
í verksmiðjunni. Lyftum svo vagn-
inum upp aftur. Glussatjakkar eru
þrír hvoru megin á hliðum vagns-
ins. Þeir eru dregnir aftur og fram
og lyft upp eftir því sem dyra- og
hurðagöt á einingunum gefa tilefni
til. Tjakkarnir halda einingunum
föstum eins og þvingur þannig að
hægt er að keyra með þær á fullri
ferð. Fletið er svo bara skilið eftir
á byggingarsvæði því maður er
ekki háður neinum krana. Síðar
safnar maður saman fletunum og
tekur þau í einn bunka, sex til sjö
saman, og fer með þau upp á Skaga.
Þau eru svipuð og gámafleti nema
miklu mjórri og styttri, aðeins 1,50
á breidd og 9 metra löng.“
Vagninn kom frá Þýskalandi
fullbúinn að sögn Sigurvins. „Við
fórum út til að skoða gripinn
þegar hann var á byggingarstigi
og létum bæta við þriðja tjakknum
hvoru megin sem heldur eining-
unum skorðuðum. Elsti vagninn
okkar er ekki með svoleiðis búnað
heldur þarf að binda allt í honum
með strekkjurum.“
Sigurvin er í lokin spurður
hvort húsaeiningarnar taki ekki
veður á sig í vindstrengjum undir
Hafnarfjallinu en gerir ekkert
úr því. Vagninn sé svo lágur að
þyngdarpunkturinn verði ekki
hættulega hár. „Það eina sem þarf
að varast er brýrnar og auðvitað
kemst ég ekki alltaf í göngin ef
farmurinn er hár. Þá fer ég bara
Hvalfjörðinn.“ gun@frettabladid.is
Líkastur flotkví í laginu
Vagninn er lágur og hægt að slaka honum alveg niður á jörð þegar verið er að ferma
hann og afferma.
Sigurvin ofan í vagninum góða. Húseiningarnar eru skorðaðar uppi á rönd á fletinu
og haggast ekki í keyrslu. FRÉTTABLÐIÐ/ANTON
Aukin meðvitund er orðin
meðal atvinnurekenda um
mikilvægi öryggisbúnaðar og
persónuhlífa.
„Öryggisfatnaðurinn er að
verða stór hluti af viðskiptun-
um. Menn eru farnir að fylgja
þeim kröfum og reglum sem eru
um notkun á öryggis- og sýni-
leikafatnaði. Það er náttúrlega
misjafnt eftir starfsstéttum
hversu langt er gengið en mörg
fyrirtæki eru farin að taka
alfatnað á starfsfólkið,“ segir
Kristján Einarsson, sölustjóri
fyrirtækjasviðs Dynjanda, sem
verslar með vinnu- og frístunda-
fatnað auk öryggisfatnaðs.
„Það má eiginlega segja að við
séum með öryggið frá A til Ö,“
útskýrir Kristján en öryggis-
fatnaðurinn er aðalsmerki
fyrirtækisins.
Nú er það skylda fyrir-
tækja að útvega réttu persónu-
hlífarnar fyrir sitt starfsfólk
og þar af leiðandi hafa þau við-
skipti aukist.
„Það liggur við að það sé
orðið algilt að fyrirtæki fati
starfsfólk sitt upp frá toppi
til táar. Jafnvel þó að ekki sé
þörf á sýnileikafatnaði eru
menn að útvega sínu starfs-
fólki venjulegan fatnað líka.
Ástæðan er bæði sú að fyrir-
tækin séu snyrtileg út á við og
starfsfólkið snyrtilegt og þetta
er auglýsing þar sem fyrirtæki
láta oft merkja fatnaðinn,“
segir Kristján og bætir við að
menn séu auk þess orðnir mun
meðvitaðri um öryggismálin.
Dynjandi er í samstarfi
við Vinnueftirlitið og fylgist
náið með þeim breytingum og
reglum sem gilda.
Helstu nýjungarnar í
öryggisfatnaði eru svokallað-
ar heilsársflíkur. „Mörg fyrir-
tæki eru farin að klæða starfs-
fólkið í flíkur sem halda bæði
veðri og vindum. Hjá okkur
er nýtt efni sem kallast Pro
Tech og hefur verið geysilega
vinsælt. Þetta eru flíkur sem
auðvelda fyrirtækjum kaupin
þar sem þau þurfa yfirleitt að
kaupa færri flíkur. Til dæmis
er hægt að kaupa léttan og
þunnan, ófóðraðan jakka sem
heldur bæði veðri og vindum og
starfsmenn geta þá ýmist verið
í flíspeysu eða skyrtu innan
undir. Fyrirtæki eru mikið
til hætt að kaupa þetta ódýra
rusl og reyna frekar að fjár-
festa í gæðum,“ segir Kristján,
sem telur að þetta haldist í
hendur við að nú er góð tíð hjá
fyrirtækjum og þau hafa efni á
þessu. Kristján segir að fyrir
nokkrum árum hafi þetta verið
mun erfiðara og mönnum oft
blöskrað verðið. Auk þess hafi
aðbúnaður verkafólks verið
töluvert í umræðunni.
„Stéttarfélögin eru meðvituð
um að þessir hlutir séu í lagi og
eins hefur Vinnueftirlitið staðið
sig vel í kynningu á þessu. Þeir
kynna vel fyrir sínu fólki hverjar
eru skyldur atvinnurekenda og
menn eru almennt orðnir með-
vitaðri um þessa hluti,“ segir
Kristján en Dynjandi er með
áratuga reynslu og sérþekkingu
á viðurkenndum öryggisbúnaði
í íslensku atvinnulífi.
hrefna@frettabladid.is
Allt fyrir öryggið
Kristján Einarsson telur að aukin meðvitund sé meðal atvinnurekenda um
mikilvægi öryggisbúnaðar og persónuhlífa. FRÉTTABLAÐIÐ/ANTON
VIÐ FJÁRMÖGNUM
ÞAÐ SEM UPP Á VANTAR!
Ertu að spá í atvinnutæki?
Nýttu þér upplýsingar og reiknivélar á
www.gf.is eða hafðu samband við ráðgjafa
okkar í síma 440 4400.
H
V
ÍT
A
H
Ú
S
IÐ
/
S
ÍA
-
7
2
3
5