Fréttablaðið - 18.10.2007, Blaðsíða 88
56 18. október 2007 FIMMTUDAGUR
sport@frettabladid.is
Garðar Bergmann Gunnlaugsson er uppalinn hjá ÍA eins og
bræður hans, tvíburarnir Arnar og Bjarki, og hefur löngum
þótt mikill markvarðahrellir. Garðar er sem stendur, þegar
tveimur umferðum er ólokið í sænsku 1. deildinni Super-
ettan, markahæsti leikmaður deildarinnar með 17 mörk í 25
leikjum og lið hans Norrköping er þegar búið að tryggja sér
sæti í efstu deildinni Allsvenskan að ári.
„Það er búið að ganga framar vonum hjá mér og liðinu
í sumar og það er virkilega gaman að fylgja eftir góðu
gengi mínu hjá Norrköping í fyrra,“ sagði Garðar og kvað
sér líða vel í Svíþjóð.
„Ég á enn eitt ár eftir af samningi mínum við Norrk-
öping. Það er gott að vera í Svíþjóð og það er hugur
í bæði mér og klúbbnum að semja, en það slitnaði
reyndar upp úr samningaviðræðum á dögunum en
ég held að það leysist allt snemma á næsta ári,“
sagði Garðar bjartsýnn á framtíð sína hjá liðinu.
„Markmiðið hjá okkur verður til að byrja með
halda sæti okkar í deildinni, en við slógum til að
mynda út tvö efstu deildarlið í bikarkeppninni í ár, þannig að
við eigum vel heima í efstu deild,“ sagði Garðar sem skoraði
meðal annars sigurmark Norrköping gegn AIK í 3. umferð
bikarkeppninnar.
Hjá Norrköping leikur einnig Stefán Þór Þórðarson en hann
er á leiðinni frá félaginu á fornar slóðir til ÍA eftir tímabilið.
„Það er náttúrulega agalegt að missa hann þar sem við
náum rosalega vel saman bæði innan vallar sem utan,
en auk hans er Bruno Santos annar framherji liðsins
einnig á förum frá liðinu. Þannig að ég á von á því
að við reynum að styrkja liðið talsvert fyrir næsta
tímabil og hef í raun sjálfur minnstar áhyggjur af
því.
Ég persónulega er að minnsta kosti mjög
spenntur fyrir því að taka næsta skrefið í boltanum
og ná að sanna mig í Allsvenskan á næsta tímabili.
Fyrsta mál á dagskrá hjá mér er nú samt að klára
þetta tímabil vel og taka markakóngstitilinn í 1.
deildinni,“ sagði Garðar ákveðinn.
GARÐAR GUNNLAUGSSON: ER SEM STENDUR MARKAHÆSTUR Í SÆNSKU 1. DEILDINNI Í FÓTBOLTA
Tilbúinn að taka næsta skref í boltanum
> FH-ingar á ferð og flugi
Davíð Þór Viðarsson fór á dög-
unum til reynslu hjá Norrköping,
þar sem Stefán Þór Þórðarson
og Garðar Bergmann Gunnlaugs-
son hafa slegið í gegn. Í samtali
við Fréttablaðið kvaðst Davíð
eiga von á því að sænska
liðið myndi tala við FH um
hugsanleg kaup á
honum. Sverrir Garð-
arsson fer á mánudag
til reynslu hjá norska liðinu
Viking, en staðan er öllu óljósari
hjá Matthíasi Guðmundssyni sem fer
líklega til reynslu til sænska liðsins
GAIS á næstunni.
FÓTBOLTI Hún er einkennileg
yfirlýsingin á heimasíðu Fylkis
sem ber heitið „Bull og vitleysa“.
Þar kvarta Fylkismenn sáran
yfir því að ekki hafi verið haft
samband við þá við vinnslu
fréttar sem birtist síðastliðinn
þriðjudag þar sem fram kemur að
félagið fái 30 prósent af söluverði
Ragnars Sigurðssonar verði hann
seldur frá IFK Gautaborg.
Yfirlýsingin er ekki síst
einkennileg í ljósi þess að fram
kemur að samningurinn sé
trúnaðarmál og að Fylkir muni
ekki nú, frekar en áður, gefa
upplýsingar um samningamál.
Fréttablaðinu var fullkunnugt
um þessa afstöðu Fylkismanna og
þess vegna tók því eðlilega ekki
að tala við þá. Það staðfesta þeir
sjálfir í yfirlýsingunni.
Heimildir Fréttablaðsins eru
traustar og blaðið stendur við
fréttina. - hbg
Yfirlýsing Fylkis:
Vísað á bug
FÓTBOLTI Eiður Smári Guðjohnsen,
leikmaður Barcelona og fyrirliði
íslenska landsliðsins, er á topp 10
lista yfir heitustu bitana á
markaðnum þegar félagsskipta-
glugginn opnar í janúar, sam-
kvæmt nýlegri samantekt ítalska
blaðsins La Gazzetta dello sport.
„Hinn góði Eiður er fallinn í 5.-6.
sæti í goggunarröðinni yfir
framherja Barcelona og er 29 ára
og því geta Barcelona-menn ekki
ætlast til að fá neitt nálægt því
sem þeir borguðu fyrir hann á
sínum tíma,“ segir í umfjöllun um
Eið. En ásamt Eið Smára nefndi
blaðið meðal annarra þá Andriy
Shevchenko, Juan Roman
Riquelme, Lukas Podolski og
Peter Crouch sem góða kosti. - óþ
La Gazzetta dello sport:
Eiður Smári
einn sá heitasti
EFTIRSÓTTUR Mörg lið eiga eftir að
keppast um Eið Smára í janúar sam-
kvæmt La Gazzetta dello sport.
NORDICPHOTOS/GETTY
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Rafstöðvar
Bensín- og díselrafstöðvar
í stærðum 2,5 kW -4,2 kW.
HAGSTÆTT VERÐ
FÓTBOLTI Englendingar þurfa á
aðstoð að halda frá öðrum liðum í
sínum riðli eftir að liðið tapaði
gríðarlega mikilvægum leik gegn
Rússum í Moskvu en leikið var á
gervigrasi. Wayne Rooney kom
Englendingum yfir í fyrri hálfleik
með stórglæsilegu marki en í síð-
ari hálfleik var dæmt á hann víti
sem virtist vera glórulaus dómur
enda átti brotið sér stað utan
teigs.
Pavluchenko skoraði úr vítinu
og bætti öðru marki við fjórum
mínútum síðar þegar Paul Robin-
son varði skot og sló boltann
klaufalega út í teiginn þar sem eft-
irleikurinn var auðveldur fyrir
Pavluchenko. Steve McClaren,
landsliðseinvaldur Englendinga,
var langt frá því að vera sáttur við
vítaspyrnudóminn.
„Við vorum með þennan leik í
höndunum en töpum samt. Þetta
er mjög gremjulegt. Ég var að
enda við að horfa aftur á þennan
vítaspyrnudóm og hann er algjört
hneyksli. Brotið á sér augljóslega
stað fyrir utan teig. Línuvörður-
inn var ekkert að flagga heldur
var það dómarinn sem tók þessa
ákvörðun úr talsverðri fjarlægð
og þessi ákvörðun hans breytti
svo sannarlega þessum leik,“ sagði
McClaren reiður en fram að vítinu
var ekkert sem benti til þess að
Rússar myndu gera nokkuð í leikn-
um. „Þetta leit svo vel út hjá okkur
og við gerðum rétta hluti. Viðhorf
leikmannanna var frábært og
menn lögðu sig alla í leikinn. Við
vörðumst vel, skoruðum og Rúss-
arnir voru að verða uppiskroppa
með hugmyndir. Svo kom vítið og
þessar fjórar mínútur voru lyg-
inni líkastar,“ sagði McClaren sem
var ekki á því að gagnrýna leik-
menn sína.
Rússum nægir að vinna síðustu
tvo leiki sína á riðlinum gegn Ísra-
el og Andorra en England verður
að vinna Króata og treysta á að
Rússar misstigi sig.
henry@frettabladid.is
England í vondum málum
eftir slæmt tap í Rússlandi
Möguleikar enska landsliðsins á því að komast á EM dvínuðu verulega í gær
þegar liðið tapaði fyrir Rússum á gervigrasinu í Moskvu. Mjög svo umdeilt víti
kom Rússum inn í leikinn í síðari hálfleik. Steve McClaren var æfur af reiði.
ENGLAND EKKI Á EM? Rússar fagna hér öðru marki sínu á gervigrasinu í Moskvu í
gær. Tapið gerði líklega út um vonir Englands að komast á EM. NORDIC PHOTOS/GETTY IMAGES
Undankeppni EM:
A-RIÐILL:
Kasakstan-Portúgal 1-2
Byakov - Makukula, Ronaldo.
Aserbaijan-Serbía 1-6
Belgía-Armenía 3-0
Stig efstu liða: 1. Pólland 24, 2. Portúgal 23,
3. Serbía 20, 4. Finnland 20, 5. Belgía 15, 6.
Armenía 9.
B-RIÐILL:
Úkraína-Færeyjar 5-0
Georgía-Skotland 2-0
Frakkland-Litháen 2-0
Thierry Henry 2
Stig efstu liða: 1. Frakkland 25, 2. Skotland
24, 3. Ítalía 23, 4. Úkraína 16, 5. Litháen 10,
6. Georgía 10.
C-RIÐILL:
Malta-Moldavía 2-3
Tyrkland-Grikkland 0-1
Bosnía-Noregur 0-2
- Hagen, B.H. Riise.
Stig efstu liða: 1. Grikkland 25, 2. Noregur
20, 3. Tyrkland 18, 4. Bosnía 13, 5. Ungverja-
land 12, 6. Moldavía 9.
D-RIÐILL:
San Marínó-Wales 1-2
Írland-Kýpur 1-1
Þýskaland-Tékkland 0-3
- Sionko, Matejovsky, Plasil.
Stig efstu liða: 1. Tékkland 23, 2. Þýskaland
23, 3. Írland 16, 4. Kýpur 14, 5. Slóvakía 13,
6. Wales 13.
E-RIÐILL:
Rússland-England 2-1
Pavluuchenko 2 (1 víti) - Wayne Rooney.
Makedónía-Andorra 3-0
Stig efstu liða: 1. Króatía 26, 2. England 23,
3. Rússland 21, 4. Ísrael 17, 5. Makedónía 11,
6. Eistland 4.
F-RIÐILL:
Danmörk-Lettland 3-1
Tomasson, Laursen, Rommedahl - Gorkss.
Liechtenstein-Ísland 3-0
Svíþjóð-Norður Írland 1-1
Mellberg - Lafferty.
Stig liða: 1. Svíþjóð 23, 2. Spánn 22, 3. Dan-
mörk 17, 4. Norður-Írland 17, 5. Lettland 9, 6.
Ísland 8, 7. Liechtenstein 7.
G-RIÐILL:
Lúxemborg-Rúmenía 0-2
Holland-Slóvenía 2-0
Sneijder, Huntelaar.
Albanía-Búlgaría 1-1
Stig efstu liða: 1. Rúmenía 26, 2. Holland 23,
3. Búlgaría 19, 4. Albanía 11, 5. Slóvenía 11,
6. Hvíta-Rússland 11.
N1-deild karla:
Valur-Akureyri 30-26 (15-13)
Mörk Vals (skot): Fannar Friðgeirsson 6 (7),
Sigfús Páll Sigfússon 6 (8), Ingvar Árnason 5
(5), Baldvin Þorsteinsson 5/4 (10/4), Arnór
Gunnarsson Malmquist 4 (6), Elvar Friðriksson 3
(8), Kristján Þór Karlsson 1 (1).
Varin skot: Ólafur Haukur Gíslason 15/2 (35/4,
43%), Pálmar Pétursson 6 (11/1, 55%).
Hraðaupphlaup: 1 (Arnór).
Fiskuð víti: 4 (Ingvar 3, Baldvin).
Utan vallar: 14 mínútur.
Mörk Akureyrar (skot): Magnús Stefánsson
7 (15), Heiðar Þór Aðalsteinsson 4 (5), Goran
Gusic 4/2 (9/4), Jónatan Þór Magnússon 3/2
(5/3), Einar Logi Friðjónsson 3 (6), Hörður
Fannar Sigþórsson 2 (4), Andri Snær Stefánsson
2 (5), Rúnar Sigtryggsson 1 (2).
Varin skot: Sveinbjörn Pétursson 12 (37/4
32%), Elmar Kristjánsson 1 (6 17%).
Hraðaupphlaup: 1 (Heiðar Þór).
Fiskuð víti: 6 (Magnús 4, Hörður Fannar 2).
Utan vallar: 8 mínútur
Iceland Express-deild kvk:
Hamar-Haukar 76-85
Þýski handboltinn:
Gummersbach-Nordhorn 34-32
Róbert Gunnarsson skoraði 8 mörk fyrir Gum-
mersbach.
Fuchse Berlin-Flensburg 21-29
Alexander Petersson lék ekki með Flensburg ekki
frekar en Einar Hólmgeirsson.
Balingen-Hamburg 27-28
ÚRSLIT
HANDBOLTI Valur vann Akureyri
30-26 í síðasta leik 5. umferðar N1-
deildar karla í handbolta í gær-
kvöld. Þetta var jafnframt fyrsti
sigur Valsmanna í deildinni í ár.
Leikurinn var í jafnvægi fram-
an af og Valsmenn leiddu til að
mynda leikinn 10-9 eftir 20 mínút-
ur og í hálfleik var staðan 15-13.
Valsmenn byrjuðu leikinn betur
í seinni hálfleik og tóku örugga
forystu, en gestirnir frá Akureyri
voru ekki af baki dottnir en náðu
þó aldrei að minnka muninn nema
niður í tvö mörk í stöðunni 26-24.
Það var ekki síst fyrir ágæta
markvörslu Ólafs Hauks Gísla-
sonar sem tók 15 skot í leiknum og
fór sérstaklega mikinn í síðari
hálfleik. Lokatölur í leiknum voru
30-26 og þar með hafa Valsmenn
loksins unnið sinn fyrsta leik á
tímabilinu og Óskar Bjarni Ósk-
arsson, þjálfari Vals, var ánægður
með sigurinn, en ekki spila-
mennsku sinna manna.
„Mér fannst vanta upp á gæðin í
spilamennsku okkar og við vorum
alltaf að hleypa þeim aftur og aftur
inn í leikinn, þegar við áttum að
vera búnir að klára dæmið fyrir
löngu. Það vantaði einhvern neista
í okkur í leiknum og við vorum
klaufar að vera utan vallar í 12
mínútur,“ sagði Óskar sem telur
lið sitt eiga mikið inni. „Þetta fer
að smella hjá okkur og ég tel að
Evrópuleikirnir eigi eftir að hjálpa
okkur að komast í gang. Við eigum
Erni líka alveg inni og ég hef fulla
trú á því að við séum að komast
almennilega í gang.“ - óþ
Valur vann Akureyri 30-26 í síðasta leik 5. umferðar N1-deildar karla í gærkvöld:
Loksins unnu Valsmenn leik
SEIGUR Sigfús Páll Sigfússon átti fínan leik fyrir Valsmenn í gærkvöld og skoraði 6
mörk úr 8 skotum. FRÉTTABLAÐIÐ/VILHELM