Fréttablaðið - 18.10.2007, Blaðsíða 78

Danska leikstýran Susanne Bier
hyggst taka Bandaríkin með trompi
eftir mikla velgengni heima fyrir.
Fyrsta kvikmyndin hennar þar
vestra heitir Things We Lost in the
Fire og hefur þegar vakið mikla
athygli en þar eru stórleikararnir
Benicio Del Toro og Halle Berry í
aðalhlutverkum. Netmiðlar þar
vestra spá henni jafnvel mikilli vel-
gengni þegar nær dregur Óskars-
verðlaunum enda þykir umfjöllun-
arefnið æði mannlegt.
Fasteignasali er myrtur og tveir
af hans nánustu aðstandendum
reyna að takast á við sorgina sem
því fylgir. Annar er eiginkonan
Audrey og hinn er æskuvinurinn
Jerry sem átti framtíðina fyrir sér
í lögfræði en ákvað þess í stað að
sóa lífinu í krakk-reykingar. Þau
taka hins vegar höndum saman og
reyna að komast yfir áföllin sem
hafa dunið á þeim báðum.
Ungstirninu Lindsay Lohan var
spáð miklum frama í kvikmynda-
borginni Hollywood og jafnvel
talið að hún myndi feta í fótspor
stærstu leikkvenna heims. En
hún virtist
hafa litla
stjórn á lífi
sínu, leiddist
út í mikla
fíkniefna- og
áfengis-
neyslu og
fallið var
hátt. Nýlega
var síðan
greint frá því
að Lindsay
væri búin að
eyða öllum
sínum auð-
æfum í örv-
andi og sljóvgandi efni og því
þarf hún nú að fara að vinna fyrir
sér.
Hollywood er fljót að gleyma
og hefur Lindsay snúið aftur til
Los Angeles þar sem hún hyggst
leika í Dare to Love Me en arg-
entínskur tangó á víst að svífa
þar yfir vötnum.
Lohan hélt sig fjarri öllum
skemmtistöðum en kaus að fá
smá lit og sá
síðan leiksýn-
inguna Eliza-
beth: The
Golden Age.
Móðir leik-
konunnar
sagði í sam-
tali við vef-
síðuna Peop-
le.com að
dóttir hennar
væri ham-
ingjusöm
yfir því að líf
hennar væri
loksins að
taka rétta stefnu. Þetta virtust
þó vera síðustu orð móður Linds-
ay fyrir hennar hönd því nýverið
tilkynnti leikkonan að hún hefði
rekið mömmu gömlu úr starfi
umboðsmanns síns.
Lindsay snýr aftur
Óskarsverðlaunahafinn Helen
Mirren og eiginmaður hennar
til tíu ára, Taylor Hackford, eru
farin að leggja drög að sinni
næstu kvikmynd, Love Ranch.
Hjónakornin hafa fengið Joe
Pesci til liðs við sig. Myndin á
að fjalla um hjónin Sally og Joe
Conforte sem opnuðu fyrsta lög-
lega vændishúsið í Nevada og
kallaðist The Mustang Ranch.
Starfsemin öðlaðist síðan heims-
frægð þegar hnefaleikakappinn
Oscar Bonavena var skotinn þar
árið 1976 og virtist ástæðan
vera sú að hann átti í ást-
arsambandi
við Sally. Joe
Pesci hefur
verið fjar-
verandi á
hvíta tjald-
inu, að
undan-
skildu
litlu hlut-
verki í
The Good Shepard síðan fjórða Tveir á toppn-
um eða Lethal Weapon var frumsýnd árið 1998
og verður því forvitnilegt að sjá hvernig þess-
um skapbráða leikara tekst upp sem mellu-
dólgur.
Hackford sagði í samtali við Variety að þetta
væri verkefni sem hann hefði unnið lengi að.
„En það sem er náttúrlega mest spennandi
er að endurnýja samstarfið við eiginkonu
mína,“ segir Hackford og bætir við að Joe
Pesci hafi verið fyrsti maðurinn sem
honum hafi dottið í hug fyrir hlutverk
Joe. „Pesci hefur ekki verið í sviðsljós-
inu í mörg ár en ég vissi að hann væri
rétti maðurinn til að leika Joe Conforte,
manninn sem ruddi brautina fyrir því að
vændi var lögleitt í Nevada á sínum
tíma.“
Hórumamman
Helen Mirren
Ástralska leikkonan Melissa George er sannfærð um að tökur á
Stopping Power hefjist aftur 1. mars á næsta ári. Þetta lét hún
hafa eftir sér í samtali við Comingsoon.net. Óttar Guðnason var
sem kunnugt er ráðinn tökumaður þessarar nýjustu myndar Jan
De Bont en eftir þrjá tökudaga var framleiðslu
skyndilega hætt eftir að einn framleiðandinn
dró sig út úr verkefninu. Melissa virðist
hins vegar ekki hafa gefið upp alla von og
trúir því að kvikmyndin komist aftur á legg
fyrr en varir. „Allt getur gerst og þetta sann-
ar það,“ segir leikkonan.
Kvikmyndin segir frá orrustuþotuflug-
manni sem heldur í sumarfrí til Berlínar á
húsbíl ásamt fjölskyldu sinni. Í miðri höfuðborg
Þýskalands er farartækinu rænt með dóttur hans
innanborðs og upphefst þá mikill eltingarleikur
um hraðbrautirnar í Þýskalandi. Jan De Bont þarf
sárlega á góðri mynd að halda
en hann hefur varla gert neitt
af viti síðan spennumyndin
Speed sló öll met.
Reyndar virðast orð Melissu
vera sögð af meiri trú en stað-
festu því hún segir að verkefn-
ið „verði“ að fara af stað aftur.
„Þetta hentaði mér svo vel
vegna þess að ég var upptekin
við aðra hluti og þetta féll eins
og flís við rass við dagskrána
mína. Ég ætla í stutt ferðalag
um jólin og svo sný ég
aftur til Berlínar í
byrjun mars,“
segir Melissa í
viðtalinu.
Ekki öll nótt úti enn hjá Óttari
Athyglisverð frumraun Bier
Bergsteinn Björgúlfsson
hefur undanfarin sjö ár
gengið með heimildarmynd-
ina Syndir feðranna á bak-
inu eins og þungan kross.
Í kvöld verður hún loksins
frumsýnd en myndin lýsir
þeim skelfilegu atburðum
sem áttu sér stað á betrun-
arheimilinu í Breiðavík um
miðbik síðustu aldar.
Íslenska þjóðin greip andann á
lofti þegar DV birti í upphafi árs-
ins úttekt á mannlegum hildarleik
sem hafði átt sér stað á betrunar-
heimilinu í Breiðavík. Þá hafði
kvikmyndatökumaðurinn Berg-
steinn Björgúlfsson verið að rann-
saka það mál undanfarin sjö ár.
Forsaga málsins er sú að Berg-
steinn hafði heyrt af fangaklefa á
gistiheimilinu sem nú er starfrækt
á Breiðavík og fannst eins og hann
yrði að sjá það með eigin augum.
Þegar hann kom vestur varð kvik-
myndatökumanninum ljóst að
þarna lá sárt leyndarmál grafið
sem margir höfðu vonast til að
aldrei yrði fundið.
Bergsteinn reyndi að finna þessa
drengi sem þarna voru vistaðir á
árunum 1953 til 1972 þegar ofbeld-
ið var sem mest og fá þá til að tala
um reynslu sína. En það reyndist
hægara sagt en gert. Margir vildu
ekkert af þessu vita og forðuðust
að ræða um þetta. „Þetta gekk
mjög hægt og það var ekki fyrr en
eftir tveggja ára starf að við kom-
umst í samband við nokkra sem
vildu tjá sig,“ segir Bergsteinn en
hann er nú við tökur á nýjustu
kvikmynd Óskars Jónassonar,
Reykjavík-Rotterdam.
En í upphafi ársins dundi fjöl-
miðlafárið yfir og forsendur mynd-
arinnar breyttust. Margir af þeim
sem höfðu komið fram í myndinni
birtust í fjölmiðlum og ræddu um
reynslu sína á opinskáan hátt og
aðrir sem höfðu varla viljað vita af
myndinni vildu nú fá tækifæri til
að létta af hjarta sínu. „Ég þurfti
því að hugsa þetta algjörlega upp á
nýtt,“ segir Bergsteinn en á þess-
um tíma var upprunalega myndin
nánast tilbúin. Bergsteinn var
búinn að lofa sér í önnur verkefni
og sá að hann var kominn í ákveðið
tímahrak og því varð úr að Ari
Alexander Ergis gekk til liðs við
hann til að klára myndina en saman
unnu þeir meðal annars að Gar-
gandi snilld. „Ég vildi líka fá annað
sjónarhorn á myndina,“ segir Berg-
steinn og gömlu klippunni var því
ýtt til hliðar.
Bergsteinn segir að þetta hafi verið
síður en svo auðveldur tími, þessi
sjö ár sem farið hafi í myndina.
„Þetta hefur haft ansi mikil áhrif á
mann. Að vera með fullorðna karl-
menn hágrátandi hjá sér, nagla
sem hafa farið í gegnum hinn harða
heim, er ekki eitthvað sem maður
gleymir svo auðveldlega,“ segir
hann. Þetta hafi hreyft við honum
og jafnvel fyllt hann reiði yfir því
að þetta skuli hafa fengið að við-
gangast á sama tíma og hann sjálf-
ur var að alast upp.
Bergsteinn vonast til að Syndir
feðranna opni augu fólks fyrir því
að börn sem eru beitt ofbeldi hafi í
raun engan talsmann. „Mig langar
kannski að fólk velti þessu fyrir
sér því maður veit að þetta hefur
ekkert breyst,“ segir hann og veit
sem er að myndin og þessi tími
eiga eftir að fylgja honum alla ævi.
„Þetta er ekki eitthvað sem maður
losnar við og svona mál eiga að
vera til stöðugrar umfjöllunar.“