Fréttablaðið - 19.10.2007, Blaðsíða 51
MYNDARLEG Í HÖNDUNUM Bára hefur
unun af því að skapa. MYND/ANTON
eru orðnir þreyttir á innrás útlend-
inga og hafa enga þolinmæði fyrir
fólki sem talar ekki lýtalausa dönsku.
Ég verð að viðurkenna að ég batnaði
ekkert í dönsku við að búa þarna því
ég tala dönsku með skandínavískum
hreim og það þola Danirnir ekki.
Danir segja að við Íslendingar eigum
að tala dönsku því við lærum hana í
skólanum. Svo neita þeir að skilja
mann. Í kringum mig var aðallega
töluð enska og íslenska,“ segir Bára og
viðurkennir að hún hafi ekki passað
neitt sérlega vel inn í danskt þjóðfé-
lag. Hún sér þó alls ekki eftir tímanum
og segir hann hafa verið lærdómsrík-
an.
„Ég er þakklát fyrir að hafa prófað
þetta þótt mig hafi ekki langað til að
ala börnin mín þarna upp. Kannski er
ég bara of mikill Íslendingur í mér.“
Á meðan Bára bjó í Kaupmanna-
höfn kom hún ekkert til Íslands. Þegar
hún flutti aftur heim fyrir einu og
hálfu ári brá henni í brún. „Það var
hálfgerð lognmolla í Reykjavík þegar
við fluttum til Danmerkur en þegar
við komum heim aftur fannst mér ég
ekki sjá neitt annað en byggingar-
krana og lúxusjeppa. Svo varð ekki
þverfótað fyrir nýjum veitingastöðum
og verslunum og búið að breyta ann-
arri hverri götu í miðbænum. Mér
fannst eins og borgin hefði tekið
stökkbreytingum á meðan og ég var í
burtu.“
Heldur þú að stóriðja og útrás
íslenskra fyrirtækja hafi haft þessi
áhrif ? „Ó, guð, ég veit ekki. Íslending-
ar eru ekki mjög rólegir í tíðinni og
þjóðin er að sjálfsögðu með mikil-
mennskubrjálæði. Ég veit ekki hvað
gerðist en það gerðist eitthvað,“ segir
hún kímin.
Jógalífsstíllinn heillar
Bára tilheyrði Kaffibarsklíkunni
ógurlegu sem var áberandi í skemmt-
analífinu fyrir allmörgum árum. „Þó
ég hafi verið hluti af Kaffibarsstemn-
ingunni um tíma þá var staðurinn
meira á hliðarlínunni hjá mér. Ég
eignaðist barn 1994, bjó í Hafnar-
firði í fjögur ár og var með verslun-
ina Flauel. Svo átti ég auglýsingafyr-
irtækið Mátturinn og dýrðin með
þáverandi manni mínum og var því
ekki mikið á Kaffibarnum en vinir
mínir stunduðu staðinn. Í dag er
hægt að segja að ég djammi ekki og
lifi eftir jógískum lífsstíl, ég er græn-
metisæta, reyki ekki og drekk ekki.
Ég geri voðalega lítið af því að fara
út; ef ég fer eitthvert þá hitti ég vini
mína á fyrirfram ákveðnum stað og
stoppa yfirleitt stutt við.“
Varð eitthvað til þess að þú breytt-
ir um lífsstíl?
„Ég hef alltaf verið lélegur sukkari
og var alltaf komin snemma heim ef
ég fór á djammið. Áfengisdrykkja
hefur ávallt átt illa við mig. Þetta
byrjaði eiginlega á því að mig lang-
aði að fara í jóga og frétti af því í
gegnum vinkonu mína að það væru
góðir jógatímar hjá Ananda marga.
Þegar ég kom þangað var voðalega
sætur strákur að kenna og í dag er
hann maðurinn minn. Ég byrjaði að
mæta í tíma, fór að hugleiða og þetta
átti bara svo vel við mig. Á þessum
tíma vantaði einhvern andlegan þátt
í líf mitt. Þetta uppfyllti það og það
varð eiginlega ekki aftur snúið. Fyrst
hvarf allt áfengið en ég hef reyndar
aldrei reykt. Svo fór allt kjöt út og
þetta varð smám saman að mínum
lífsstíl. Þegar maður fer inn í eitt-
hvað svona þá verður ekki aftur
snúið. Þarna varð ég fyrir andlegri
vakningu í lífinu. Þetta snýst allt um
hamingjuna en í mínum huga skipt-
ir það mestu máli að hugsa vel um
mig, fólkið mitt og vini mína.“ Í
hverju sukkar þú?
„Í sælgæti, súkkulaði og lakkrís.
Samt lít ég ekki á það sem sukk. Jóka
vinkona mín sagði að það væri ekk-
ert óhollt ef maður sæi ekki eftir að
hafa látið það ofan í sig. Ég sé ekki
eftir neinu ofan í mig nema að ég
standi bara á blístri. Ég trúi því líka
að hinn gullni meðalvegur sé það
sem virki.“
martamaria@frettabladid.is
NÝJA AFTUR-VERSLUNIN VIÐ LAUGAVEG.
Stóllinn kemur frá Hollandi en Bára
gerði hann upp að hluta. Á gínunni er slá
úr ullarefni sem Bára hannaði upp úr
gömlum ullarpilsum. MYND/ANTON
19. OKTÓBER 2007 | SIRKUS | BLS. 9
AÐEINS 2 KALORÍUR
NÝ BRAGÐTEGUND
ENN BETRA BRAGÐ