Fréttablaðið - 30.10.2007, Blaðsíða 30

fréttablaðið austurland 30. OKTÓBER 2007 ÞRIÐJUDAGUR8
Lomberspil, herragarðskvöld, bókavaka, veislur
og Grýlugleði eru meðal viðburða á Skriðu-
klaustri.
„Það er eitt og annað á döfinni,“ segir Skúli Björn
Gunnarsson, staðarhaldari á Skriðuklaustri í Fljóts-
dal, inntur eftir dagskrá haustsins og lýsir fyrst
lomberkvöldunum en lomber er gamalt spil sem
endurvakið var á Skriðuklaustri fyrir nokkrum árum.
„Við byrjuðum í september að spila á þriggja vikna
fresti. Það eru um 25 manns sem stunda þetta en svo-
lítið rokkandi hversu margir mæta hverju sinni. Allt-
af næst þó að spila á nokkrum borðum og halda uppi
fjöri í fjóra til fimm tíma.“ Spurður hvort þar sé fólk
af báðum kynjum svarar Skúli Björn: „Nei, þetta er
nú svolítið einsleitur karlahópur en þó hafa nokkrar
konur lært spilið og vonandi næst að virkja þær til
þátttöku. Þetta var samt mikið karlaspil og eldri
konur á Héraði segja mér að þær hafi ekki fengið
að spila með körlunum. Þetta er fjárhættuspil og við
spilum upp á plastpeninga. Það tíðkaðist samt í gamla
daga að leggja undir, jafnvel heilu jarðirnar. Hvort
sem gert var upp eða ekki eftir kvöldið.“
Fleira er fram undan. „Grýlugleði er fastur liður
hér á aðventunni þar sem þau hjónakornin Grýla og
Leppalúði láta yfirleitt sjá sig og hrella börnin. Þau
eiga rætur sínar og bústað hér hinum megin í dalnum
því Grýlukvæði frá 16. og 17. öld eru til eftir menn
héðan úr Fljótsdalnum. Við höldum Grýluarfleifðinni
á lofti og í þetta sinn verður smásagnakeppni meðal
eldri nemenda grunnskólans þar sem þeir fjalla um
Grýlu dagsins í dag. Það kemur örugglega eitthvað
skemmtilegt út úr því.“
Bókavaka verður á Skriðuklaustri í nóvember
að sögn Skúla Björns og síðan er fastur liður að fá
einhvern áheyrilegan til að lesa Aðventu Gunnars
Gunnarssonar þriðja sunnudag í aðventu, spjaldanna
á milli. „Það tekur tvo til þrjá tíma með góðu kaffi-
hléi,“ segir Skúli Björn. Um veitingar bætir hann því
við að iðulega panti hópar veislur á Klaustri, herra-
garðskvöld sé fram undan og jólahlaðborð í fyllingu
tímans. gun@frettabladid.is
Grýluarfleifðinni haldið
á lofti á Skriðuklaustri
„Það tíðkaðist hér í gamla daga að leggja undir, jafnvel heilu
jarðirnar,“ segir Skúli Björn um lomberinn sem spilaður er á
Skriðuklaustri.
SUNDLAUGAR Á AUSTURLANDI
Sund má stunda vetur, sumar, vor og haust. Því er ekki öðruvísi farið
á Austurlandi, þar sem er töluvert úrval sundlauga. Hér að neðan eru
taldar upp þær laugar sem ferðalangar og aðrir geta hvílt í lúin bein eða
hresst sig við með nokkrum sundtökum.
Sundlaugin í Selárdal, Vopnafirði
Sundlaugin Egilsstöðum
Sundlaugin Hallormsstað
Sundlaugin Eiðum
Sundhöllin á Seyðisfirði
Sundlaugin Eskifirði
Sundlaugin Neskaupstað
Sundlaug Búðahrepps í Fáskrúðsfirði
Sundlaugin Stöðvarfirði
Sundlaugin Djúpavogi
Sundlaugin Höfn í Hornafirði
Flosalaug, Svínafelli við Fagurhólsmýri
AUSTFIRSKU ALPARNIR
Skíðaparadís Austfirðinga í Oddsskarði er eitt af skemmtilegustu skíða-
svæðum landsins og oft kallað „Austfirsku Alparnir“. Þar eru aðstæður til
skíðaiðkunar allar hinar ákjósanlegustu og landslag hrikalegt og fagurt,
en af toppnum, í 840 metra hæð, er geysifagurt útsýni yfir Reyðarfjörð.
Skíðalyftur Oddsskarðs geta flutt 1.965 manns á klukkustund. Lengd
skíðabrekkna er 1.807 metrar
og fallhæð 375 metrar.
Brekkur við lyftur eru flóð-
lýstar og í Brekkuseli, skála
skíðasvæðisins, er gisti-
aðstaða fyrir um 40 manns og
boðið upp á léttar veitingar
þegar opið er.
Bæjarráð Fjarðabyggðar
samþykkti síðastliðinn vetur að veita fé í kaup á snjóvélum til upp-
setningar á skíðasvæðinu í Oddsskarði, en snjóbyssurnar eiga að halda
byrjendasvæði Oddsskarðs opnu þegar til kastanna kemur.
Símsvari skíðasvæðisins í Oddsskarði er 878 1474.
VÍS er með þjónustuskrifstofur í flestum þéttbýlis-
kjörnum á Austurlandi með það að markmiði að veita
viðskiptavinum sínum fyrirmyndarþjónustu.
Komdu á næstu þjónustuskrifstofu VÍS eða hringdu í
Þjónustuver okkar í síma 560 5000 sem er opið virka
daga milli kl. 8.00–17.30.
Staður Sími
Borgarfjörður eystri 472 9872
Djúpivogur 478 8838
Egilsstaðir 560 5335
Neskaupstaður 477 1234
Reyðarfjörður 560 5374
Seyðisfjörður 472 1111
Vopnafjörður 473 1282
F
í
t
o
n
/
S
Í
A

F
I
0
1
7
3
3
8
VÍS þjónusta
á Austurlandi
Vátryggingafélag Íslands Ármúla 3 108 Reykjavík Sími 560 5000 vis.is
Þar sem tryggingar
snúast um fólk