Fréttablaðið - 30.10.2007, Blaðsíða 39

[Hlutabréf]
Gengi bréfa Icelandair lækkaði um rúm
5 prósent í gær í kjölfar þess að stjórn
félagsins gaf frá sér yfirlýsingu um að
afkoma félagsins yrði undir áætlunum á
þriðja fjórðungi.
Í tilkynningu frá Icelandair síðastlið-
inn föstudag kemur fram að tekjur í far-
þegaflugi Icelandair hafi verið minni en
áætlað var meðal annars vegna sterkrar
stöðu íslensku krónunnar og lægri með-
alfargjalda. Þá sé viðhaldskostnaður
einnig hærri í samstæðunni en reiknað
var með að hann yrði.
Sterk staða krónunnar hefur haft
áhrif á útflutning frá landinu og þar
með á afkomu Icelandair Cargo. Grein-
ing Glitnis segir þetta ekki góð tíðindi
fyrir Icelandair þar sem þriðji fjórð-
ungur sé jafnan sá mikilvægasti í rekstri
félagsins. Markaðurinn brást illa við
fréttum Icelandair í gær.
Í samtali við Fréttablaðið sagði Jón
Karl Ólafsson, forstjóri Icelandair, við-
brögðin í raun allt of sterk og lagði
áherslu á að þótt uppgjörið verði aðeins
lakara en gert var ráð fyrir verði það
alls ekki slæmt og að mikill gangur sé í
fyrirtækinu. Uppgjör félagsins verður
birt 13. október næstkomandi.
Jón Karl mun sitja fyrir svörum í
hádegisviðtali Markaðarins á Stöð 2 í
hádeginu í dag, þriðjudag.
Segir viðbrögð markaðarins of sterk
Íslenska fyrirtækið Creditinfo
group hefur keypt 51 prósent í
pólska upplýsingafyrirtækinu
Creditfact. Auk þess hafa fyrir-
tækin samið um að Creditinfo
eignist 34 prósenta hlut til viðbótar
snemma á næsta ári. Fram kemur
í fréttatilkynningu að Creditfact
sé eitt helsta fyrirtæki Póllands á
sínu sviði, en það selur upplýsing-
ar um skuldastöðu fyrirtækja. 25
manns starfa hjá Creditfact í Var-
sjá. Auk þeirra eru 25 verktakar á
snærum fyrirtækisins víðs vegar
um Pólland. Creditinfo starfar nú í
yfir tuttugu löndum, þar á meðal í
mörgum löndum í Austur-Evrópu.
Creditinfo vex
Gengi hlutabréfa SAS-flugfélags-
ins lækkaði um 2,42 prósent í gær
og er það rakið til nauðlendingar
Dash-8 vélarinnar í Kaupmanna-
höfn á laugardag. Í kjölfarið til-
kynnti SAS að vélar af þessari
gerð yrðu teknar úr notkun hjá
félaginu.
Óljóst er hve mikill kostnaður
mun fylgja því að taka vélarnar úr
notkun. Félagið þarf að fella niður
fjölda fluga og vinna í að fá nýjar
vélar í stað þeirra 27 sem hætt
verður að nota. Það verður flugfé-
laginu dýrt, kostar allt að 400
milljónir sænskra króna. Miðað
við gengisskráningu í gær nemur
það tæpum fjórum milljörðum
íslenskra króna.
Leggja Dash-8
flugvélunum
FL Group birti yfirtökutilboð sitt í
Tryggingamiðstöðina í Kauphöll-
inni í gær. Fá
hluthafar í TM
47 krónur fyrir
hvern hlut sinn
í félaginu taki
þeir yfir-
tökutilboðinu.
Þangað til í lok
ágúst var
gengi TM
undir 40 krón-
um á hlut.
Einnig geta
hluthafar TM
fengið greitt með hlutabréfum í
FL.
Í tilboði FL Group kemur fram
að breytingar verða gerðar á
stjórn og framkvæmdastjórn TM.
Nýlega hafi átt sér stað slíkar
breytingar og fleiri breytingar
kunni að eiga sér stað í náinni
framtíð. Hins vegar er ekki gert
ráð fyrir verulegri endurskipu-
lagningu á sjálfum rekstrinum.
Boða breytingar