Fréttablaðið - 09.11.2007, Side 71

Baritónsöngvarinn Keith Reed og
Gerrit Schuil píanóleikari halda
sönglagatónleika í Salnum í
Kópavogi á sunnudagskvöldið.
Stemningin verður í anda dags
íslenskrar tónlistar, sem er
reyndar í dag, þar sem á efnis-
skrá kvöldsins eru eingöngu lög
eftir íslensk tónskáld, þar á
meðal Sveinbjörn Sveinbjörnsson
og Jón Þórarinsson. Söngtextar
eru bæði eftir ensk og íslensk
ljóðskáld.
Tónlistarunnendur mega því
gera ráð fyrir ljúfri kvöldstund í
Salnum á sunnudagskvöldið.
Tónleikarnir hefjast kl. 20 og
er almennt miðaverð 2.000 kr.
Íslensk söng-
lög í Salnum
Jón Kalman Stefánsson hefur
fengið fyrir góða dóma fyrir nýja
skáldsögu sína, Himnaríki og
helvíti. Nú hefur Bjartur í
samvinnu við
alþjóðlegu
réttindastofuna
Leonhardt &
Hoier gert
þriggja bóka
útgáfusamning
fyrir hans hönd
við sænsku
spútnik-
útgáfuna
Svante Wayler
forlag. SW
kaupir sænska útgáfuréttinn á
Himnaríki og helvíti, auk þess
sem forlagið hefur ákveðið að
gefa út verðlaunabókina Sumar-
ljós og svo kemur nóttin og
Ýmislegt um risafurur og tímann
(sem tilnefnd var til bókmennta-
verðlauna Norðurlandaráðs).
Þetta er þriðji útgáfusamningur
sem Bjartur undirritar fyrir hönd
Jóns Kalmans á stuttum tíma;
bæði danskir og þýskir útgefend-
ur hafa tryggt sér útgáfurétt á
bókum hans síðastliðnar vikur.
Höfundurinn er á upplestrarferð
um meginland Evrópu megnið af
nóvembermánuði til að fylgja
eftir útgáfu á bókinni Sumarljós
og svo kemur nóttin.
Jón Kalman Stefánsson hefur
þrisvar sinnum verið tilnefndur
til Bókmenntaverðlauna Norður-
landa, síðast fyrir Sumarljós og
svo kemur nóttin.
Þrjár sögur
seldar