Fréttablaðið - 06.12.2007, Síða 82

62 6. desember 2007 FIMMTUDAGUR
FÓTBOLTI Brasilíumaðurinn Ron-
aldinho hefur ekki verið í náðinni
hjá Frank Rijkaard að undanförnu
en það hefur vakið mikla athygli
og ófáar sögusagnir hafa sprottið
upp. Það er stórfrétt í knatt-
spyrnuheiminum að einn besti
knattspyrnumaður heims sitji
ítrekað á varamannabekknum hjá
liðinu.
Það hefur síðan bæst við að
bróðir hans og umboðsmaður,
Roberto de Assis Moreira, er
mættur til Spánar og í gærmorg-
un birti spænska stórblaðið Marca
ásamt fleiri blöðum þar í landi
frétt um það að Ronaldinho væri
búinn að gera samning við
Chelsea. Því hefur reyndar verið
neitað af bróðir Ronaldinho en
mörgum finnst of margar tilvilj-
anir hljóta að benda til þess að
eitthvað sé í gangi.
Í samningi Ronaldinho við
Barcelona, sem gildir til 2010, er
brasilíski snillingurinn til sölu
fyrir tæpa ellefu milljarða
íslenskra króna en bróðir hans,
Roberto de Assis Moreira, sér líka
aðra leið í stöðunni.
Samkvæmt heimildum Marca
vill Chelsea fá Ronaldinho strax í
janúar og er tilbúið að borga
Barcelona um sex og hálfan millj-
arð íslenskra króna fyrir hann. Í
sömu frétt er talað um að Ronald-
inho fái um sautján milljónir evra
í árslaun sem gera um tvær og
hálfa milljón í laun á dag.
Samkvæmt reglum FIFA og
Evrópusambandsins getur leik-
maður hins vegar yfirgefið félag
eftir að hafa klárað þrjú ár af
samningi sínum þó svo að samn-
ingurinn sé enn í fullu gildi. Það
fylgir þó sögunni að Ronaldinho
mætti þá ekki fara til annars liðs á
Spáni og hann yrði að borga Bar-
celona bætur sem gætu verið í
kringum tæpa tvo milljarða
íslenskra króna.
Umræddur Roberto de Assis
Moreira er nú staddur á Spáni og
hitti fyrir spænska blaðamenn í
gær. „Ég hef ekki fengið nein
samningstilboð. Ég get ekki tekið
við neinum tilboðum því þau eiga
að fara til Barcelona. Spyrjið þá
hvort þeir hafa fengið tilboð í
Ronaldinho,“ sagði Roberto de
Assis sem sagðist aðeins vera
mættur á æfingasvæði Barcelona
til þess að hitta bróður sinn en
ekki til þess að ræða við forráða-
menn Barcelona.
Bróðirinn segir Ronaldinho
vera ánægðan í Barcelona og að
hann sé sáttur með samninginn
sem gildir eins og áður sagði til
ársins 2010. Roberto de Assis
Moreira segir þó að á hverjum
sunnudegi og á hverjum miðviku-
degi breytist boltinn og að hlut-
irnir geti gerst mjög hratt.
Það hafa verið alls konar sögu-
sagnir í gangi af hverju Frank
Rijkaard hafi látið Ronaldinho
dúsa á bekknum í síðustu leikjum.
Ein af þeim er að dóttir Rijkaards,
Linsey, hafi verið komin í sam-
band með Ronaldinho.
„Kærasti hennar er vissulega
Brasilíumaður en það er ekki Ron-
aldinho,” sagði Rijkaard aðspurð-
ur en það er skiljanlegt að menn
leiti ástæðna fyrir því að einn
besti knattspyrnumaður heims sé
orðinn varamaður. Fréttir af part-
ílífi og slök frammistaða inni á
vellinum hefur örugglega mikið
með þetta að segja en um leið og
hann sat á bekknum annan leikinn
í röð var það ljóst að eitthvert
ósætti væri í gangi á milli þeirra
félaga. Það má því búast við
vænum skammti af fréttum um
Ronaldinho á næstu dögum og
verður erfitt að átta sig á því hver
sé hinn eini og sanni sannleikur
málsins.
ooj@frettabladid.is
Tvær og hálf milljón á dag í boði
Spænska stórblaðið Marca segir Ronaldinho vera búinn að semja við enska liðið Chelsea. Bróðir hans og
umboðsmaður er staddur á Spáni en hefur hins vegar ekkert heyrt af neinu tilboði og bendir á Barcelona.
HVAR SPILAR HANN Í JANÚAR? Ronaldinho hefur ekki fundið sig í síðustu leikjum en ástæðan fyrir því að hann er á bekknum er
rót ótal sögusagna um framtíð kappans. Hér fagnar hann marki með okkar manni Eiði Smára Guðjohnen. NORDICPHOTOS/GETTY
FÓTBOLTI Brasilíski knattspyrnu-
maðurinn Romário de Souza Faria,
sem náði þeim merka áfanga að
skora sitt þúsundasta mark á
árinu, verður væntanlega þving-
aður til þess að leggja skóna á hill-
una. Romario hefur sagst sjálfur
ætla að spila fram á nýárið en það
gæti ekki orðið að veruleika taki
aganefnd brasilíska knattspyrnu-
sambandsins hart á þessu máli.
„Ég er byrjaður að missa hárið
og hef verið að taka þetta lyf í smá
tíma,“ sagði hinn 41 árs gamli
markaskorari á blaðamannafundi.
„Ég tel að þetta mál muni ekki
hafa nein áhrif á ferilinn minn. Ég
er ekki að taka inn ólöglegt lyf,
þetta lyf hefur ekkert haft að gera
með frammistöðu mína inni á vell-
inum og þetta er líka ekki í fyrsta
sinn sem ég tek það,“ bætti Rom-
ario við en hann fór að taka lyfið
eftir að sköllóttir félagar hans
mæltu með því.
„Sköllóttir menn sem höfðu
prófað þetta lyf mældu með því og
það virkaði eins og þið sjáið,“
sagði Romario af sínu rómaða
sjálfstrausti.
Hann viðurkenndi enn fremur
að hann hefði sætt sig við hármiss-
inn og hefði aldrei tekið inn þetta
lyf ef hann hefði vitað að það væri
ólöglegt.
Romario hefur dregið það að
leggja skóna á hilluna þrátt fyrir
að hafa fengið ótal ráð í eyra um
að segja þetta gott. Hann stefndi
hins vegar á það að skora 1000
mörk eins og Pele og náði því að
eigin sögn með því að skora fyrir
Vasco da Gama úr vítaspyrnu í
maí síðastliðnum.
Romario hefur þó verið gagn-
rýndur fyrir það að inni í þessari
tölu eru um 200 mörk sem hann
hefur skorað fyrir unglingalið,
varalið og í sýningarleikjum. FIFA
óskaði honum til hamingju með
afrekið en gaf jafnframt út að
hann hefði „aðeins“ skorað 929
mörk í opinberum leikjum. - óój
Brasilíska goðsögnin Romario er ekki hættur en væntanlega á leið í leikbann:
Tók skallalyf og féll á lyfjaprófi
SMÁ SKALLI Það verður að viðurkennast að Romario er aðeins farinn að missa hárið.
Hér fyrir neðan skorar hann 1000. markið sitt í maí. NORDICPHOTOS/AFP
BROSANDI Á BEKKNUM Ronaldinho
hefur verið varamaður í síðustu tveimur
leikjum Barcelona. NORDICPHOTOS/AFP
BOX Þó svo að Bretinn Ricky
Hatton sé ekki enn búinn að slást
við Floyd Mayweather er hann
þegar farinn að skipuleggja
næsta bardaga.
Hatton vill mæta Oscar de la
Hoya og er verið að undirbúa
sannkallaðan risabardaga á
Wembley þar sem 80 þúsund
manns gætu fylgst með bardag-
anum.
Hatton keppir á laugardag við
Floyd Mayweather í einum mest
spennandi bardaga í háa herrans
tíð. Mayweather keppti síðast við
De la Hoya og vann á stigum.
- hbg
Hatton vill mæta De la Hoya:
Risabardagi
á Wembley
KÖRFUBOLTI Tindastóll hefur ráðið
til sín nýjan erlendan leikmann.
Liðið samdi í gær við Englending-
inn Philip Perry sem mun leysa af
Marcin Konarzewski sem varð að
hætta að spila vegna meiðsla.
Tindastólsliðinu hefur gengið
ágætlega í upphafi tímabils,
unnið þrjú leiki og tapaði aðeins
með tveimur stigum fyrir toppliði
Keflavíkur í síðasta leik. Perry
verður fjórði erlendi leikmaður
liðsins en liðið lék aðeins með
þrjá í leiknum gegn Keflavík.
Perry lék með b-liði KR í
bikarnum á dögunum og var þá
með 27 stig, 13 fráköst 6 stoð-
sendingar og 5 stolna bolta.
Konarzewski var með 16 stig og
8,1 frákast að meðaltali í þeim 8
leikjum sem hann lék með liðinu.
- óój
Iceland Express-deild karla:
Tindastóll með
nýjan mann
LIÐSSTYRKUR Kristinn Friðriksson, þjálf-
ari Tindastóls, hefur fengið Englending
til að spila á Króknum. FRÉTTABLAÐIÐ/VILHELM
Sendu sms
BTC BMF
Á númerið
1900og þú
gætir unnið!
Vinningar eru DVD myndir,
varningur tengdur myndinni
og margt fleira!
SMS
LEIKUR
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
1
49
k
r/
sk
ey
tið
.
Kemur í verslanir 6. desember!