Fréttablaðið - 19.12.2007, Síða 16

16 19. desember 2007 MIÐVIKUDAGUR
nær og fjær
„ORÐRÉTT“
Stríðsástand í Foss-
vogi
„Þrengslin á deildum spítal-
ans í Fossvogi eru orðin eins
og í hermannaskála.“
GUNNAR SKÚLI ÁRMANNSSON,
SVÆFINGA- OG GJÖRGÆSLULÆKN-
IR, UM FJÖLDA ÍSLENDINGA SEM
LÁTA LÍFIÐ ÁRLEGA VEGNA SÝKINGA
SEM ÞEIR FÁ Á SJÚKRASTOFN-
UNUM.
Fréttablaðið 18. desember
Það varð klúður
„Það varð klúður í sambandi
við REI þegar verið var að fá
einkaaðila til samstarfs.“
GEIR H. HAARDE FORSÆTIS-
RÁÐHERRA ÚTLISTAR HVERNIG
LANDSVIRKJUN POWER ER HELST
FRÁBRUGÐIÐ REYKJAVÍK ENERGY
INVEST.
Fréttablaðið 18. desember.
Pétur Bürcher tók við
embætti Reykjavíkurbisk-
ups síðastliðinn laugardag.
Hann sagði Fréttablaðinu
frá sjálfum sér, páfanum,
hugmyndum sínum og þeim
áherslum sem hann mun
beita sér fyrir. Vel á átta
þúsund manns eru skráðir
í kaþólsku kirkjuna hér á
landi.
Hinn 30. október fékk Pétur
Bürcher boð frá sendiherra páfans
í Stokkhólmi um að hann verði
útnefndur biskup á Íslandi. „Ég
hafði aldrei til Íslands komið en
það kom aldrei neitt annað í huga
en að hlýða þessu kalli enda leit ég
á þetta sem gjöf frá páfanum,“
segir Pétur.
Ísland getur reynst hrjúft fyrir
þá sem koma hingað í skammdeg-
inu úr suðri en Pétur gerir ekki
mikið úr því. „Ég er alinn upp í
Fiescher-dalnum í Oberwallis í
Sviss þar sem skriðjöklar teygja
sig niður dalinn en ég er hins vegar
ekki vanur þessu myrkri,“ segir
hann. Hann hefur þegar hafist
handa við að læra íslensku sem
honum finnst reyndar nokkuð snúin
en hann hefur lagt stund á arabísku
svo honum þykir ekki við hæfi að
veigra sér við íslenskuna sem er af
germönskum stofni en Pétur er
þýskumælandi og reyndar frönsku-
mælandi líka.
Hann var settur í embætti
Reykjavíkurbiskups síðastliðinn
laugardag við virðulega athöfn í
Kristskirkju. „Mér hefur verið sér-
lega vel tekið hérna og það gladdi
mig sérlega að sjá að þarna voru
komnir meðal annarra Geir Haarde
forsætisráðherra, Þorgerður
Katrín Gunnarsdóttir menntamála-
ráðherra, Björn Bjarnason kirkju-
málaráðherra og Karl Sigur-
björnsson biskup Íslands en ég átti
nokkur orð við hann þar sem ég
sagði meðal annars að ég væri til í
að vinna að einingu kirknanna með
honum,“ segir Pétur.
Ekki hafa öll samskipti Péturs og
páfa farið í gegnum milliliði því
hann hefur oft hitt Benedikt XVI
sem og fyrirrennara hans Jóhannes
Pál II. „Páfinn er með sérstaka við-
talstíma fyrir biskupa og hef ég
margoft nýtt mér þá tíma. Bene-
dikt er mjög vel gefinn maður og
sérlega hógvær. Til dæmis kom það
upp þegar hann var kardínáli og
var að ganga yfir Péturstorg á leið
til vinnu sinnar að á vegi hans urðu
nokkrir þýskir ferðamenn sem taka
hann tali. Allt í einu spyrja þeir svo
„hefðir þú nokkuð á móti mynda-
töku?“ Hann hélt nú ekki og tók af
þeim myndavélina tilbúinn að taka
af þeim mynd þegar þeir voru í
raun að falast eftir því að fá að taka
af honum mynd, en svona er hann
nú hógvær,“ segir Pétur og brosir
við.
En í hverju felst starf Reykja-
víkurbiskups? „Það er í raun þrí-
þætt. Í fyrsta lagi er það fræðsla
um starf kirkjunnar en það má
fræða með ýmsum hætti. Til dæmis
með fyrirlestrum, blaða- og bóka-
skrifum og svo framvegis. Í annan
stað verður biskup einnig að leið-
beina, prestum, systrum og leik-
mönnum kirkjunnar og í þriðja lagi
er það helgun. Jóhannes Páll páfi II
lagði mikla áherslu á að heilagleiki
væri ekki yfir dauðlega menn haf-
inn. Í raun getur ótrúaður maður
komist í snertingu við heilagleik-
ann ef hann lifir hógværu lífi. Þetta
verður biskup að sýna í orði og á
borði.“
En hverjar verða áherslur hins
nýja biskups? „Nú á ég eftir að fara
um allt landið og hitta sóknarbörn-
in en við erum með kapellu á Ísa-
firði, kirkju á Akureyri og svo er
klaustur og sóknarkirkja á Reyðar-
firði svo fátt sé talið. Og það sem ég
vil leggja áherslu á er að sameina
alla í einn heilsteyptan söfnuð en
þó þannig að hver hópur fái að
halda sínum sérkennum.“
Pétur hefur nokkra reynslu af
því að miðla á milli ólíkra hópa svo
sú reynsla ætti að koma sér vel við
að ná þessu markmiði. „Ég hef til
dæmis haft milligöngu um málefni
múslíma og kaþólskra manna í
Sviss. Ég held að ef við sameinumst
um nokkur viðhorf til lífsins þá
getum við öll lifað í sátt og sam-
lyndi rétt eins og múslímar og
kristnir menn gerðu öldum saman
eins og til dæmis í Líbanon þar sem
ég þekki nokkuð til.“
Pétur tók við af Jóhannesi Gijsen
sem lét af embætti fyrir aldurs
sakir. Vel á átta þúsund manns eru
skráðir í kaþólsku kirkjuna á
Íslandi en þó má ætla að fleiri
kaþólskir búi hér þar sem ekki láta
allir skrá sig í kirkjuna.
jse@frettabladid.is
Með ráðningu frá Róm
PÉTUR BÜRCHER REYKJAVÍKURBISKUP Kaþólski biskupinn fyrir framan Kristskirkju. Hann er fullur tilhlökkunar að fara um landið
til að kynnast sóknarbörnum sínum. FRÉTTABLAÐIÐ/GVA
JÓHANNES Í RÆÐUSTÓLI Jóhannes
Gijsen er hér á milli prúðbúinna varða á
meðan Pétur stendur fyrir aftan.
LÁRUS E. BJARNASON
KYSSIR KROSSINN Pétur kyssir róðukross
eins og hefð gerir ráð fyrir við athöfn
sem þessa. Það er séra Jürgen Jamin
dómkirkjuprestur sem réttir honum
krossinn. MYND/STEFÁN HELGI VALSSON
Spilaverslunareigendur
segjast merkja aukna
sölu á pókervarningi í
aðdraganda jólanna,
Framkvæmdastjóri
SÁÁ segir þetta slæma
þróun og vill að yfirvöld
skerist í leikinn.
„Ég hef persónulega
mjög gaman af öllum
spilum, svo lengi sem
það er ekki verið að
leggja fjárhæðir undir,“
segir Ásdís Ósk Einarsdóttir, eigandi
Fair Trade-búðarinnar við Klappar-
stíg. „Ég held að flestir sem spila
póker geri það vegna félagsskap-
arins og skemmtana-
gildisins en ekki vegna
fíknar. Það er ólöglegt
að stunda fjárhættu-
spil á Íslandi og ég er
sammála því. En mér
finnst varasamt að ríkið
fari að skipta sér af
því hvort menn kaupi
pókerspil eða verslun-
um sem selja slíkan
varning. Það þarf fyrst
og fremst að fylgjast vel
með þróuninni og halda umræð-
unni og fræðslunni um spilafíkn
opinni. Ég sé ekki hvað annað er til
ráða.“
SJÓNARHORN
PÓKERVARNINGUR VINSÆL JÓLAGJÖF
Spil eru skemmtileg
ÁSDÍS ÓSK EINARSDÓTTIR
Verslunarmaður
MORTÉL:
MÖRG ÞÚSUND ÁRA
GAMALT ELDHÚSÁHALD
■ Mortél og stautur (ítalska:
mortaio e pestello) eru eldhúsáhöld
sem notuð eru til að kremja ýmis
matvæli, til dæmis hvítlauk eða
kryddjurtir, í smærri agnir. Einnig er
það notað við gerð lyfja. Fyrirbærið
er mörg þúsund ára gamalt og er
minnst á það í fornum egypskum
ritum og Gamla testamenti Biblí-
unnar. Mortél og stautur eru gerð
úr hörðum efnum, en þó ekki brot-
hættum, vegna þess mikla þrýstings
sem þau eru beitt. Leir er mikið
notaður, en einnig eru til mortél
úr postulíni. Pestó dregur nafn sitt
af stautnum (ít.
pestello), enda
eru mortél og
stautur notuð við gerð
þess.
„Það er náttúrulega bara vinna og skóli og
svona,“ segir Gísli Freyr Valdórsson, nemi og
starfsmaður Hótels Sögu. „Það eru próf
þessa dagana,“ segir Gísli, sem nemur
stjórnmálafræði við Háskóla Íslands. „Ég
þykist vera að klára það nám núna um
jólin.“ Hjá Hóteli Sögu ber Gísli titilinn
forstöðumaður gistisviðs. „Það er mikill
erill þar bæði um jól og áramót, þannig
að það er af nógu að taka.“
Jólaundirbúningurinn hefur
ekki verið efstur á baugi hjá
Gísla upp á síðkastið. „Við
getum orðað það þannig að
ég leyfi konunni að sinna
því. Hún er svo yndisleg að
hjálpa til við það.“ Hann er
þó búinn að standa sig vel
í jólagjafainnkaupum. „Já,
ég er búinn að kaupa eiginlega allar jólagjafir.
Aðalgjöfin er reyndar eftir.“
Gísli og eiginkonan halda fast í hefðirnar.
„Við höfum skipst á að vera hjá foreldrum
okkar um jólin og höldum þeim góða
sið örugglega, en annars verða jólin
örugglega fyrst og fremst bara afslöppun.
Sjálfur losna ég við mestu vinnuna helstu
dagana.“ Hann hyggst ekki sprengja gamla
árið burt með miklum látum. „Síðustu
ár hef ég yfirleitt farið upp á þak á
Hótel Sögu og horft á aðra spand-
era rakettum. Þar er besta útsýnið
í bænum.“
En það er annað sem Gísli
og frú hlakka meira til en jólin
þetta árið. „Það er von á erfingja
í janúar. Það fer nú væntanlega
einhver tími í það eftir áramótin.“
HVAÐ ER AÐ FRÉTTA? GÍSLI FREYR VALDÓRSSON HÓTELSTARFSMAÐUR
Á hótelþaki um áramótin