Fréttablaðið - 04.01.2008, Síða 54

4. JANÚAR 2008 FÖSTUDAGUR18 ● fréttablaðið ● heilsa og lífsstíll
Margar snyrtistofur bjóða upp
á ýmsar hreinsunarmeðferðir
og nærandi nudd fyrir líkam-
ann og eru afeitrandi með-
ferðir eins og sogæðanudd og
leirvafningar vinsælar, að sögn
Ragnheiðar Birgisdóttur, fram-
kvæmdastjóra NordicaSpa.
Til að hreinsa húðina og end-
urnæra líkamann er ýmislegt í
boði, allt frá partanuddi og and-
litshreinsunum upp í meðferð-
ir á allan líkamann og er þá hægt
að eyða drjúgum hluta dagsins
á snyrtistofunni. Á NordicaSpa
stendur einmitt margt af þessu til
boða.
„Fólk er að koma til okkar
nokkuð jafnt yfir allt árið,“ segir
Ragnheiður. Hún bætir því við að
eftir allt kjötátið um jólin og salt-
ið í hátíðamatnum komi þó ívið
fleiri, til dæmis í sogæðanudd.
„Í sogæðanuddinu er verið að
hreyfa við sogæðum líkamans og
það hraðar hreinsun úrgangsefna
úr líkamanum og hann er losaður
við uppsafnaðan vökva og bjúg.“
Fleiri hreinsunarmeðferðir eru
í boði og nefnir Ragnheiður sér-
staklega eins konar leirvafninga
fyrir líkamann sem NordicaSpa
býður upp á, svokallaða eldfjalla-
meðferð.
„Eldfjallameðferðin er einstök
meðferð þar sem þreytan líður
úr þér og líkaminn endurnærist.
Hún er það vinsælasta hérna á
NordicaSpa.“
Í meðferðinni er náttúrulegum
hveraleir nuddað á líkamann og
honum síðan pakkað inn í plast og
lak til að hvílast undir hitalampa.
Á meðan dregur leirinn í sig eit-
urefni úr líkamanum og hefur
kælandi og slakandi áhrif.
„Á meðan viðskiptavinurinn
hvílist í leirnum bjóðum við upp
á slakandi svæðanudd á fótum
og höfuðnudd og viðkomandi
fær þá mjög góða alhliða slök-
un út út meðferðinni,“ útskýrir
Ragnheiður.
Leirinn er síðan þveginn af í
sturtu og í kjölfarið fær viðskipta-
vinurinn djúpt nudd í 40 mínútur
þar sem unnið er á þrýstipunkt-
um á líkamanum.
Eftir meðferðina er svo boðið
upp á íslenskt hreinsandi te sem á
að örva úthreinsunina enn frekar.
Leirinn, olían og teið í þessari
meðferð er allt unnið úr íslenskum
náttúruafurðum af Sunnan vindum
sérstaklega fyrir NordicaSpa og á
að spila saman að því að auka orku
og örva hreinsun. „Svo mælum við
með að eftir eldfjallameðferðina
sé ekki farið strax í sturtu heldur
olíunni á húðinni leyft að vinna
áfram og fullkomna meðferðina,“
segir Ragnheiður. - rt
Eldfjöll og íslenskur hveraleir
Ragnheiður Birgisdóttir, framkvæmda-
stjóri NordicaSpa.
Hveraleir er nuddaður á líkamann en hann dregur til sín eiturefni úr húðinni, kælir hana og róar. FRÉTTABLAÐIÐ/VILHELM
Maður slappar vel af í nuddinu.
Mig langar til að …
… nota tímann núna eftir hátíðarnar
til að koma mér í form eftir barns-
burð. Ég er svolítil dellukona og hef
gaman af að taka á hlutunum. Ég
byrja líka í nýrri vinnu og hlakka
mikið til að fást við ný verkefni.
Eva Ýr Gunnlaugsdóttir, hjúkrunarfræðingur
Kellogg's Special K
kemur mér á sporið
Það er svo frábært þegar sólin hækkar á ný eftir hátíðarnar að hlaða
batteríin og finna kraftinn streyma um æðarnar. Fara á fullt í ræktina
og rifja upp allt sem ég auðvitað veit um næringu og hollustu.
Kellogg's Special K er eitt af því sem kemur mér auðveldlega á
sporið á ný, bragðgóður en fitusnauður morgunmatur, fullur af
vítamínum og steinefnum. Svo er líka frábært að eiga
ljúffenga stöng af Special K við höndina, ef mann
langar í eitthvað sætara, bara 90 hitaeiningar.
F
í
t
o
n
/
S
Í
A

F
I
0
2
4
2
9
1