Fréttablaðið - 15.03.2008, Síða 73

LAUGARDAGUR 15. mars 2008 33
stráka. Gaukur er prýðisdrengur
og Ómar er æskufélagi minn
þannig að ég veit ekki alveg hvað
ég á að segja. En ég hef líka mar-
goft sagt við Ómar að ferilsskrá
Impregilo sé drulluskítug og
jafnvel blóðug á köflum. Þannig
að ég skil alveg hvað Gaukur var
að fara með því sem hann sagði.
Fyrir utan hvað þetta er þungur
dómur. 800.000 kall? Það er sá
peningur sem fólk væri ánægt
með að fá hér á landi eftir verstu
hugsanlegu barsmíðar og nauðg-
un.
Silja: Já, þetta var þungur dómur.
En hvað eftirminnilegustu móðg-
unarummælin varðar þá verð ég
að kjósa „Vélstrokkað tilberas-
mjör“, sem var heill ritdómur
Guðmundar Finnbogasonar um
Vefarann mikla frá Kasmír. Það
er að vísu mjög langt síðan en
hefur eitthvað verið sagt ógeðs-
legra?
Erpur: Já, það er frekar viðbjóðs-
legt. Mér fannst fyndið þegar
Halldór Blöndal sagði að Össur
væri skeggjúði. Það er stundum
eins og Íslendingar geri sér ekki
grein fyrir því hvað það orð þýðir
í sögunni. Enda eru hvað – tveir
gyðingar eða eitthvað á landinu.
En svo elska ég Steingrím Joð og
allt það sem hann getur látið út
úr sér – eins og að kalla Davíð
druslu.
Silja: Já, og hvað sagði Ólafur
Ragnar aftur um Davíð… skítlegt
eðli?
Erpur: Einmitt. Mér finnst reynd-
ar margt verra hægt að segja en
það.
Silja: Ég myndi ekki vilja láta
segja það um mig! Eðli er eitt-
hvað sem þú getur ekki breytt.
Neðanjarðarrúnk Bigga
Og að fleiri netdeilum – því nú
virðist kóngurinn sjálfur, Bubbi
Morthens, vera farinn að svara
fyrir sig á vefsíðunni sinni og á
stuttum tíma komist tvisvar í
fréttirnar fyrir það. Haldið þið að
Bubbi sé í verra skapi en venju-
lega eða bara farinn að nýta sér
internetið í auknum mæli? Og við
hvaða núlifandi Íslending mynd-
uð þið helst kjósa að lenda í rit-
deilu við – yrðuð þið?
Erpur: Með Bubba held ég að það
sé sitt lítið af hvoru.
Silja: Finnst þér hann vera illvíg-
ur?
Erpur: Mér finnst smá pirringur
í honum, já.
Silja: Ég hef að vísu bara séð
ljúfu hliðarnar á honum undan-
farið, en það sem ég held að hafi
gerst er að hann fann kraftinn í
sér til að skrifa. Hann hefur nátt-
úrlega verið drulluhræddur við
að tjá sig sjálfur í rituðu máli í
gegnum tíðina vegna þess að
hann er skrifblindur. En með
útgáfu sinni fyrir jól á veiðisög-
unum fékk hann að ég held orku-
sprautu í rassinn. Ég veit til
dæmis að hann hefur svo oft
langað til að taka þátt í skriflegu
umræðunni í þjóðfélaginu – og
ekki þorað. Hann hefur nú öðlast
nýja trú á sjálfan sig og er að lifa
hana svolítið. Ég hugsa að hann
róist.
Erpur: Það mæðir auðvitað svo-
lítið á honum núna. Hann er að
gera sjónvarpsþátt sem skiptar
skoðanir eru um og hann er að
gera ýmsa hluti sem hann hefur
ekki verið að gera áður, sjón-
varpsauglýsingar og annað slíkt.
Það eru margir ósáttir við það –
fólk sem ber virðingu fyrir
honum og hefur fylgt honum frá
fyrsta degi. Það getur verið að
það sé líka að pirra hann.
Silja: Hann er ábyggilega mjög
áreittur. Ekki bara í fjölmiðlum
heldur líka persónulega og það er
eflaust rosalega pirrandi og það
veistu örugglega Erpur betur en
ég.
Erpur: Já, já, ég skil alveg hvað
hann er að fara. Og þegar Biggi í
Maus, sem hefur ekki komið upp
ófalskri nótu, ætlar að fara að
tala um Bubba opinberlega ….
Silja: ... já, segja að hann hafi
ekki skipt neinu máli?
Erpur: Einmitt. Þegar þú hoppar
um borð í þennan trukk sem er að
deila við Bubba er vissara að
vera ekki að skrifa eitthvað bull.
Og það að segja að Bubbi hafi
aldrei verið leiðandi í tónlist er
auðvitað mesta djöflasýra sem
hægt er að spýta út úr sér og
dæmir Bigga um leið úr leik. Ef
þú segir að Das Kapital, Utan-
garðsmenn, Egó sem og fyrstu
sólóplöturnar hafi ekki verið
mótandi afl ertu að falsa söguna.
Biggi skrifar að Bubbi hafi hang-
ið aftan í því sem aðrir mótuðu –
en það er bara eitthvað neðan-
jarðarrúnk í Bigga – það er eins
og honum finnist að tónlistar-
menn sem selji fleiri en sjö ein-
tök af plötunni sinni séu antí-
kristur.
Silja: Já, það er rangt. Hvað var
Biggi einmitt gamall þegar
Ísbjarnarblús kom út? Ég var
allavega þar. Og ég gleymi því
aldrei nokkurn tíma þegar ég
heyrði í honum fyrst, aldrei. Það
var bara opinberun.
Erpur: Og líka textagerðin – hún
fór á annað level.
Silja: Akkúrat. Hvað var eigin-
lega verið að syngja um áður?
Það verður ekki tekið af Bubba
sem hann hefur gert.
Erpur: Ég er alls ekki sammála
öllu því sem Bubbi hefur sagt og
gert, mér fannst til dæmis út í
hött hvernig hann réðst á Dóra
DNA, en Biggi í rauninni fór
þarna á hnén og bauð upp á
hnakkaskot frá Bubba.
Silja: En ef ég ætti að velja mér
einhvern til að lenda í ritdeilu við
myndi ég kjósa einhvern sem
mér er vel við og það yrði þá
Dagný Kristjánsdóttir bók-
menntafræðingur. Myndum við
þá sennilega deila um kvenna-
bókmenntir.
Erpur: Væri ekki bara fínt að
lenda í ritdeilu við einhvern sem
vantar hendurnar á? Veiðivörð-
urinn við Apavatn væri líka
prýðilegur kandídat í ritdeilu um
þau vörusvik sem felast í því að
gefa sig út fyrir að bjóða upp á
apa en vera síðan bara með ein-
hverjar slakar bleikjur.
Endurgreiðsla fyrir leiðinlega máls-
hætti
Að lokum. Páskarnir eru á næsta
leiti. Ef þið ættuð að velja tvo
málshætti til að setja í öll páska-
egg þjóðarinnar – hvaða máls-
hætti mynduð þið stinga inn í
eggin? Og hver er leiðinlegasti
málshátturinn að ykkar mati?
Silja: Þeir málshættir sem ég
myndi velja inn í páskaegg þjóð-
arinnar koma náttúrlega hjá mér
í beinu framhaldi af þjóðfélags-
ástandinu – Margur verður af
aurum api – Fleira má bíta en
feita steik.
Erpur: Fyrstan myndi ég setja
þennan: Sá sem alltaf gengur í
bestu fötunum sínum á ekki
spariföt. Það er ekkert gaman ef
maður getur alltaf borðað humar
og steik og þessir nýríku halar
eru ekki alveg búnir að fatta það.
Þessi er líka góður: Örbirgan
vantar margt, en á gjarnan allt.
Það er aldrei hægt að svala
græðgi. Hún er ómettandi og þar
af leiðandi kolröng leið að ham-
ingju.
Silja: En leiðinlegasti málshátt-
urinn. Þegar ég var barn var
sparnaðarhugsjónin auðvitað
ennþá í gangi. Verðbólgan var þó
byrjuð að ráðast á hana en þó var
enn sagt: Græddur er geymdur
eyrir þegar maður græddi nátt-
úrlega ekkert á því að geyma
eyrinn. Mér finnst það virkilega
„sikk“ málsháttur.
Erpur: Já, haha, ég er sammála
þér. Sá leiðinlegasti finnst mér
þessi: Nú er það af sem áður var.
Það er með öllu tilgangslaust að
segja þetta. Bara eins og að
segja: „Höfuð, herðar, hné og
tær“ og selja Nóa og Siríus það
sem málshátt. Ég myndi biðja
um endurgreiðslu ef ég fengi
svona málshátt í páskaeggið
mitt.
P
IP
A
R
•
S
ÍA
•
8
0
58
8
•
Lj
ós
m
yn
d
: K
ris
sy
Ísland – Færeyjar
Fyrsti A-landsleikur karla í fótbolta innanhúss fer fram í nýju og glæsilegu knatthúsi
við Vallakór í Kópavogi sunnudaginn 16. mars kl. 16.00
í Kórnum í Kópavogi
Kórinn er 14.457 m2 að heildarflatarmáli, tekur 2000 áhorfendur
í sæti og verður frábær umgjörð um vináttulandsleik Íslendinga
og Færeyinga.
Íþróttahöllin er jafnframt sérhönnuð til tónleikahalds með tilliti til
hljóðvistar og getur tekið allt að 19 þúsund gesti. Enn fremur
hentar hún til sýninga- og ráðstefnuhalds. Knattspyrnuakademía
Íslands annast rekstur hússins.
Miðasala á landsleik Íslands og Færeyja fer fram gegnum miða-
sölukerfi hjá midi.is.
Kórinn
Vatnsendavegur