Fréttablaðið - 27.03.2008, Page 25
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Hallbera Guðný Gísladóttir er ósjaldan í rauðu
enda æfir hún fótbolta með Val. Það kemur þó
ekki í veg fyrir að hún klæðist þeim lit við önnur
tækifæri.
„Foreldrar mínir gáfu mér rauða kápu frá French
Connection í afmælisgjöf í fyrra. Hún er keypt í
Manchester en við vorum þar á Manchester-
Newcastle leik,“ segir Hallbera Guðný Gísladóttir,
leikmaður Vals í fótbolta, sem nýlega var valin í
íslenska landsliðið.
Hallbera segist mjög ánægð með kápuna en hana
grunar þó að einhver álög séu á henni. „Í hvert skipti
sem ég fer í henni í bæinn lendi ég í einhverju
óvæntu. Nú síðast endaði ég á því að fá far með
götusópara sem gerist nú ekki á hverjum degi,“ segir
hún kímin. „Eftir það er ég eiginlega hætt að þora í
henni í bæinn,“ bætir hún við og hlær dátt. Hallbera
segist luma á fleiri sögum af sér í kápunni en ætlar
að halda þeim fyrir sig.
Hallbera á annars föt í öllum regnbogans litum í
bland við svört og klassísk. Síðast keypti hún sér
rauða spariskó á Spáni þar sem hún var að spila með
landsliðinu. „Ég er að verða ansi rauð,“ segir
Hallbera en hún hefur spilað með Val síðastliðin þrjú
ár. Hún er þó alin upp á Skaganum og spilaði lengi
með ÍA. vera@frettabladid.is
Álagakápan rauða
ATHYGLISVERÐ TÍSKA
Indverski hönnuðurinn Manish Arora
er alltaf svolítið öðruvísi og vakti
hönnun hans fyrir næsta vetur
athygli á tískuvikunni í París
nú í febrúar.
TÍSKA 2
RJÚKANDI VÖFFLUR
Vöfflujárn þykja hið mesta
þarfaþing í eldhúsið og hægt
að fá þau í ýmsum gerðum.
HEIMILI 4
Í hvert skipti
sem Hallbera
fer í kápunni
í bæinn gerist
eitthvað óvænt.
FR
ÉT
TA
B
LA
Ð
IÐ
/V
A
LL
I