Fréttablaðið - 05.04.2008, Blaðsíða 8

8 5. apríl 2008 LAUGARDAGUR
UMHVERFISMÁL Samningaviðræður
um kaup ríkisins á hluta Geysis-
svæðisins eru á lokastigi en við-
ræðurnar hafa staðið yfir um
nokkurt skeið. Landeigendur
funda í dag með lögmanni sínum
um nýtt tilboð frá ríkinu. Taki
þeir jákvætt í það má búast við
að málið klárist á næstu dögum.
Kostnaður við samninginn ligg-
ur ekki fyrir en samkvæmt heim-
ildum blaðsins verður hann á bil-
inu 175 til 200 milljónir. Við það
bætist kostnaður við mótvægis-
aðgerðir. Nokkuð hefur borið í
milli samningsaðila hingað til.
Síðasta skriflega tilboð frá ríkis-
valdinu hljóðaði upp á 65 milljón-
ir, en síðan hafa þreifingar átt
sér stað.
Samkvæmt samningunum
verður landeigendum tryggt heitt
vatn, en landið verður friðað
fyrir vatnstöku. Reiknað er með
að Orkuveita Reykjavíkur komi
að þeim hluta. Sú framkvæmd
myndi þá nýtast fleirum en land-
eigendunum. Þá er einnig gert
ráð fyrir friðlandi fugla á svæð-
inu, en ríkisvaldið hefur friðlýst
votlendi í eigu sömu landeig-
enda.
Geysissvæðið er um tuttugu
hektarar og af því á ríkið fyrir
um sjö, þar á meðal goshverinn
sjálfan, en hinn hluti svæðisins
er í eigu nokkurra aðila.
Þórður H. Ólafsson, sem fer
fyrir Geysisnefnd, segir að málið
sé í jákvæðu samningaferli nú.
„Menn eru að ræða saman opið
núna og við erum bjartsýnir á að
ná lendingu. Við förum líklega að
sjá til lands.“
Þórður vill ekki nefna neina
upphæð í tengslum við samning-
inn. „Það er verið að ræða um
ýmsa hluti í flóknum samningum.
Kostnaðurinn ræðst af mörgum
þáttum; kaupum á landi, að heitt
vatn sé tryggt gegn því að vatns-
töku á svæðinu sé hætt og ýmsu
fleiru. Hver samtalan verður
kemur í ljós eftir því hvernig
endanlegir samningar líta út.“
Þeir landeigendur sem rætt
var við vildu ekki tjá sig um við-
ræðurnar. Þær væru á viðkvæmu
stigi.
Viðræður um Geysissvæðið
hafa staðið yfir í um tíu ár. Fram-
an af var stál í stál; ríkið bauðst
til að kaupa landið af eigendum
en þeir buðust til að kaupa gos-
hverina af ríkinu. Síðan þá hefur
lítið verið framkvæmt á svæð-
inu. - kp
Ríkið kaupir
Geysissvæðið
Samningar landeigenda og ríkisins um kaup á þeim
hluta Geysissvæðisins sem er í einkaeigu eru á loka-
stigi. Líklegt kaupverð er 175 til 200 milljónir króna.
GEYSIR Í HAUKADAL Allt Geysissvæðið
verður líklega brátt í eigu ríkisins.
MYND/HARPA
TAÍLAND, AP Fulltrúar 163 ríkja á
framhaldsráðstefnu Sameinuðu
þjóðanna um loftslagsmál sem stóð
alla þessa viku í Bangkok í Taílandi
virtust í gær ætla að ná saman um
málamiðlun um það hvernig
viðræðunum skyldi haldið áfram.
Þær eru undirbúningur að því að
ná fyrir lok næsta árs nýju
alþjóðlegu samkomulagi um
aðgerðir til að draga úr losun
gróðurhúsalofttegunda sem tekið
geti við að Kýótó-bókuninni sem
rennur út árið 2012.
Þegar kom fram á daginn í gær
voru viðræður í nokkrum hnút
vegna þess að Japanar höfðu farið
fram á að strax á þessu stigi yrðu
ræddar tillögur þeirra að því að los-
unarmörk yrðu sett fyrir hverja
iðngrein fyrir sig. Því voru fulltrú-
ar þróunarlanda mótfallnir; þeir
vilja að fyrst verði losunarkvótar
ákveðnir fyrir hvert land.
Áður hafði tillaga sem fulltrúar
Noregs og Evrópusambandsland-
anna 27 lögðu fram á fimmtudag –
og gekk út á að strangari hömlur
yrðu einnig settar við losun frá
skipum og flugvélum – hlotið mis-
jafnar undirtektir. - aa
Ráðstefna SÞ um loftslagsmál í Bangkok:
Málamiðlun um
framhald viðræðna
LOSUN TAKMÖRKUÐ Fulltrúar Evrópu-
landa leggja til losunarkvóta fyrir flug og
siglingar. FRÉTTABLAÐIÐ/AP
BRETLAND, AP Breskir múslimar,
sem vonuðust til að drepa um
1.500 flugfarþega á leið yfir
Atlantshaf í samræmdum
sprengjutilræðum, sögðu á
„píslarvotta-myndbandsupptök-
um“ að tilræðin yrðu hefnd fyrir
hernaðaraðgerðir Breta og
Bandaríkjamanna í Írak og
Afganistan. Þetta bar saksóknari
fyrir rétti í Lundúnum í gær.
Saksóknarinn tjáði kviðdómi að
minnst sex manns hefðu tekið
upp slík skilaboð.
Hinir ákærðu voru handteknir í
ágúst 2006, er rannsóknarlög-
regla taldi að þeir hygðust brátt
láta til skarar skríða. - aa
Breskir múslimar fyrir rétti:
Tóku upp píslar-
vottamyndbönd
BANDARÍKIN, AP Í niðurstöðum
nýrrar könnunar á viðhorfum
bandarískra kjósenda kemur
fram, að 81 prósent þeirra telur
að Bandaríkin séu ekki á réttri
leið. Þessi megna óánægja með
stefnu núverandi valdhafa boðar
ekki gott fyrir John McCain,
væntanlegan forsetaframbjóð-
anda repúblikana, í kosningabar-
áttunni sem hann á fyrir höndum
við frambjóðanda demókrata,
hvort sem sá verður Barack
Obama eða Hillary Rodham Clin-
ton.
Bæði Clinton og Obama, sem
enn eiga í hörðum slag um útnefn-
ingu Demókrataflokksins, hafa
bæði sagt að það að kjósa McCain
til setu í Hvíta húsinu væri ekk-
ert annað en að kjósa framhald
þess sem þau kalla gjaldþrota
stefnu George W. Bush forseta
bæði í efnahags- og utanríkismál-
um, ekki sízt hvað varðar Írak.
Í könnuninni, sem gerð var á
vegum CBS-sjónvarpsstöðvar-
innar og The New York Times,
segist 81 prósent Bandaríkja-
manna telja að „hlutirnir hafi
farið alvarlega af leið“ í Banda-
ríkjunum. Fyrir ári voru 69 pró-
sent aðspurðra í sambærilegri
könnun þessa sinnis, og árið 2002
voru það aðeins um 35 prósent.
- aa
Niðurstöður viðhorfskönnunar slæm tíðindi fyrir forsetaframbjóðanda repúblikana:
Telja Bandaríkin á rangri braut
Á BRATTANN John McCain mætir á
kosningafund í Pensacola á Flórída.
FRÉTTABLAÐIÐ/AP
1 Hvar á Norðurlöndum er
lítraverðið á bensíni lægst?
2 Hverrar þjóðar eru þeir karl-
menn sem verða elstir í heimi?
3 Hvar á landinu er fyrirhugað
að reisa fyrsta álverið í heim-
inum sem knúið verður áfram
með jarðhita eingöngu?
SVÖRIN ERU Á SÍÐU 58
FÆREYJAR Rúmlega þrjár og hálf
milljón króna söfnuðust til handa
íbúum Skálavíkur á Sandey í
Færeyjum. Er féð ætlað til
uppbyggingar vegna skemmda af
völdum óveðurs sem gekk yfir
byggðarlagið 31. janúar síðastlið-
inn.
Tjónið er metið á tæpar 180
milljónir íslenskra króna en verst
urðu hafnarmannvirki, bátar og
kirkjugarðurinn úti í óveðrinu.
Hefur söfnunarfénu verið
komið til sveitarstjórnar Skála-
víkur og verður fénu varið til
viðgerða á höfninni.
Að sögn Palla á Lava, aðstoðar-
sveitarstjóra Skálavíkur, eru
bæjarbúar mjög þakklátir fyrir
stuðning og hlýhug Íslendinga
sem og annarra sem staðið hafa
að sams konar fjársöfnunum í
Færeyjum fyrir Skálavík. Segir
hann fulla þörf hafa verið á
söfnun sem þessari þótt annað
hafi komið fram í fréttum. - ovd
Skálavíkursöfnun lokið:
Íbúar þakklátir
Færeysk
menningarveisla
Kjarvalsstaðir Laugardaginn 5. apríl
kl. 14 –18
Færeyskir tónlistarmenn
og dansarar
Leikbrúðuland sýnir
brúðuleikhús
Fróðleikur um Færeyjar
Leiðsögn og leikir fyrir
alla aldurshópa um
sýningu Mikinesar
Einstök matarkynning á
færeyskum þjóðarréttum
Listasafn Reykjavíkur
Reykjavik Art Museum
—
—
—
—
—
Tökum við umsóknum núna
Kynntu þér námið á www.hr.is
Námið er einkum ætlað þeim sem hafa lokið BSc-prófi í verkfræði eða tæknifræði með góðum
árangri. Nemendur sem hafa annan bakgrunn úr BSc-námi sínu geta útskrifast með meistara-
próf á tilteknum sérsviðum verkfræðinnar s.s. meistarapróf í framkvæmdastjórnun, umferðar-
og skipulagsfræðum, heilbrigðisvísindum o.fl.
TÆKNI- OG VERKFRÆÐIDEILD HR
MEISTARANÁM VIÐ
Tækni- og verkfræðideild HR býður meistaranám í
• Byggingarverkfræði
• Framkvæmdastjórnun
• Umferðar- og skipulagsfræðum
• Steinsteyputækni
• Fjármálaverkfræði
• Véla- og rafmagnsverkfræði
• Heilbrigðisverkfræði
• Heilbrigðisvísindi
• Ákvarðanaverkfræði
VEISTU SVARIÐ?