Fréttablaðið - 05.04.2008, Síða 40

● heimili&hönnun
Franski arkitektinn Jean Nouvel
hlýtur Pritzker-verðlaunin í ár sem
veitt verða í Washington D.C. í júní
næstkomandi. Pritzker-verðlaunin
eru virtustu arkitektúrverðlaun-
in í heiminum í dag en þrjátíu ár
eru liðin frá því að þau voru veitt
í fyrsta sinn. Meðal þeirra sem
hlotið hafa verðlaunin eru Frank
Gehry, Paulo Mendez da Rocha og
Zaha Hadid.
Að mati dómnefndar þykir hug-
rökk leit Jean Nouvel að nýjum
hugmyndum og hvernig hann
ögrar hefðbundnum gildum, í þeim
tilgangi að teygja á takmörkum
fagsins, standa upp úr á löngum
ferli hans. Arkitektinn, sem er 62
ára gamall, þykir hugmyndaríkur,
staðfastur og óseðjandi í skap-
andi tilraunamennsku sinni.
„Ég hef ætíð haft áhuga á
arkitektúr sem endurspeglar
samtíma okkar í stað þess að
endurhugsa söguleg gildi. Verk-
in mín takast á við það sem er
að gerast núna, tækni okkar
og efnivið, og allt það sem við
erum megn um að gera í dag,“
segir Jean Nouvel sjálfur.
Jean Nouvel vakti á sér
heimsathygli með byggingu
Institut du Monde Arabe
(IMA) í París árið 1987, en
sú bygging var reist fyrir til-
stuðlan Francois Mitt- er-
and, þáverandi
Frakklandsforseta. Í dag sinnir
Jean Nouvel verkefnum víða um
heim þó að stærstan hluta verka
hans sé að finna í Frakklandi.
Hann tók þátt í að hanna tillögu
að tónlistarhúsi fyrir Reykjavík-
urborg, en varð ekki fyrir val-
inu.
Nokkur verka hans er að
finna í Bandaríkjunum, meðal
annars Guthrie-leikhúsið í Minn-
eapolis sem reis árið 2006 og 75
hæða turn við nýlistasafn-
ið MOMA í New York-borg.
Nýleg og þekkt verk hans í
Evrópu eru Branly-safnið í
París, óperuhúsið í Lyon og
Agbar-turninn í Barcelona.
Auk þess sem nú er í bygg-
ingu tónlistarhús í Kaup-
mannahöfn sem hann hann-
aði. Alls hefur hann lokið við
tvö hundruð verk.
- keþ
Hugrökk hugmyndaleit
● Arkitektinn Jean Nouvel hlýtur Pritzker-verðlaunin í ár, virtustu verðlaun arkitekta í heimin-
um. Tillaga að tónlistarhúsi fyrir Reykjavíkurborg er meðal þess sem hann hefur sent frá sér.
Franski arkitektinn Jean Nouvel tekur
við hinum virtu Pritzker-verðlaunum
fyrir arkitektúr í júní næstkomandi.
MYND/GEORGES FESSY
Í mars 2007 tilkynnti Louvre-listasafnið
að það myndi opna útibú í Abu Dhabi og
var Jean Nouvel valinn í verkið. Áætlað
er að verkinu ljúki 2012, en hér má sjá
teikningu af byggingunni.
MYND/GEORGES FESSY
Tour de Verre er 75 hæða turn sem Jean
Nouvel hannaði fyrir nýlistaafnið MOMA
í New York og á að rísa við hlið safnsins.
MYND/ATELIERS JEAN NOUVEL
Institut du Monde Arabe (IMA) í París
vakti athygli heimsins á arkitektúr Jean
Nouvel. MYND/GEORGES FESSY
Cartier-nýlistastofnunin í París sem Jean
Nouvel hannaði og lokið var við árið
1993. MYND/GEORGES FESSY
Sérstakir gluggar Institut du Monde Arabe í París kasta sérkennilegri birtu inn á ganga stofnunarinnar.
Tour de Verre.
M
YN
D
/ATELIERS JEA
N
N
O
U
VEL
5. APRÍL 2008 LAUGARDAGUR4