Fréttablaðið - 06.04.2008, Blaðsíða 6
6 6. apríl 2008 SUNNUDAGUR
FRÆÐI Rektorar Háskólanna á Bifröst og Akureyri
líta brot Hannesar Hólmsteins Gissurarsonar gegn
höfundarrétti Halldórs Laxness alvarlegum augum.
Kristín Ingólfsdóttir, rektor Háskóla Íslands, átaldi
vinnubrögð Hannesar Hólmsteins en taldi sig ekki
hafa lagalegt svigrúm til að áminna hann.
Ágúst Einarsson, rektor Háskólans á Bifröst, segir
kringumstæðurnar vissulega bjóða upp á alvarlegar
afleiðingar.
„Hæstaréttardómur yfir prófessor í háskóla fyrir
brot á höfundarréttarlögum er grafalvarlegt mál
og ég myndi taka mjög afdráttarlaust á máli sem
slíku,“ segir Ágúst. Aðspurður segir hann að honum
vitandi hafi ekkert mál er varðar ritstuld komið upp
í Háskólanum á Bifröst, hvorki er varðar kennara né
nemendur.
Þorsteinn Gunnarsson, rektor Háskólans á Akur-
eyri, segir málið vera áfall fyrir Háskóla Íslands og
háskólasamfélagið í heild sinni. Hann segist ekki
geta sagt til um möguleg viðbrögð sín við slíku máli
að því óreyndu. „Þarna er um að ræða alvarlegt brot
á vinnubrögðum kennara. Kristín hefur metið það
svo að lagaleg formsatriði hindri að Hannesi sé sagt
upp störfum og ég sé enga ástæðu til að rengja mat
hennar í því efni.“ - kg
40 ár frá King-morði
Forsetaframbjóðendur, leiðtogar
borgararéttindasamtaka, verkalýðsfor-
kólfar og þúsundir annarra Banda-
ríkjamanna söfnuðust til Memphis í
Tennessee í gær til þess að minnast
mannréttindafrömuðarins Martins
Luthers King, sem var myrtur þar í
borg fyrir réttum fjörutíu árum.
BANDARÍKIN
NOREGUR Minnst þrír menn voru
stungnir í uppgjöri milli sígauna
í Ósló í Noregi um helgina. Menn-
irnir voru fluttir á sjúkrahús,
að sögn Aftenposten, en ekki er
vitað hversu alvarlegt ástand
þeirra er.
Lögreglan í Ósló segir að átök
hafi átt sér stað milli sígauna í
Noregi síðustu árin.
„Þetta snýst um eitthvert upp-
gjör innanbúðar hjá sígaunum,“
hefur Aftenposten eftir lögregl-
unni.
Þrír stungnir í Noregi:
Uppgjör milli
sígauna í Osló
Brian Cowen tekur við
Arftaki Berties Ahern á forsætisráð-
herrastóli á Írlandi er hann lætur af
störfum að eigin ósk 6. maí næst-
komandi verður nær örugglega Brian
Cowen, núverandi fjármálaráðherra.
Hann gaf kost á sér í gær. Búist er við
að hann taki líka við formennsku í
stjórnarflokknum Fianna Fail.
ÍRLAND
SLYS Karlmaður slasaðist þegar
hann velti fjórhjóli skammt
austan við Kleifarvatn í gær-
morgun.
Var maðurinn á ferð ásamt
öðrum fjórhjólamönnum og var
hann að reyna að fara upp mjög
bratta hlíð þegar hann missti
stjórn á hjólinu og velti því.
Hlaut hann meðal annars
rifbeinsbrot.
Vegna erfiðra aðstæðna var
kallað til aðstoðar þyrlusveitar
Landhelgisgæslunnar sem sendi
þyrluna TF-LÍF á staðinn. Þyrlan
lenti svo með slasaða manninn
við sjúkrahús í Fossvogi um
klukkan hálfeitt. - ovd
Þyrlan sótti slasaðan mann:
Velti fjórhjóli
við Kleifarvatn
UMHVERFISMÁL Bílgreinasamband-
ið hvetur stjórnvöld til að lækka
vörugjöld á nýjum bílum. Nýir
bílar eru sparneytnari og því
umhverfisvænni en eldri bílar og
því er hvatt til endurnýjunar bíla-
flotans. Þetta er meðal þess sem
kom fram á aðalfundi Bílgreina-
sambandsins sem var haldinn í
gær.
Bílgreinasambandið hefur
unnið tillögur um breytingar á
vörugjöldum og lagt fyrir nefnd
fjármálaráðuneytisins. Þar er
lögð áhersla á að einfalda skatt-
heimtu og að gjöld lækki í 15
prósent. Markmiðið er að hraða
endurnýjun bílaflotans og fjölga
þannig hlutfallslega sparneytn-
ari og öruggari bílum sem menga
minna. - shá
Bílgreinasambandið:
Vilja endurnýj-
un bílaflotans
SUNDAHÖFN Bílgreinasambandi vill
umhverfisvænni bíla á göturnar.
FRÉTTABLAÐIÐ/GVA
SAMGÖNGUR Viðskiptavinum Ice-
landair býðst nú að innrita sig
á netinu í öll flug félagsins frá
Kaupmannahöfn, Ósló, Stokk-
hólmi og Helsinki til Íslands, en
slík netinnritun hefur verið í boði
fyrir allar brottfarir frá Íslandi
síðan 9. mars.
Stefna Icelandair er að bjóða
netinnritun frá öllum áfangastöð-
um félagsins erlendis því með
slíkri innritun sparist dýrmætur
tími og þægindi aukist til muna,
til dæmis með styttri biðtíma í
flugstöðvum og möguleika á eigin
sætavali.
Gert er ráð fyrir að vinsældir
netinnritunar aukist hratt á næst-
unni. - kg
Nýjung hjá Icelandair:
Netinnritun til
Norðurlanda
UMHVERFISMÁL Frárennslisrör frá
athafnasvæði Háskólans í Reykja-
vík við Öskjuhlíð hefur fengið
grænt ljós hjá heilbrigðisnefnd
Reykjavíkur.
Eftir ábendingar frá forstöðu-
manni Ylstrandarinnar um olíu-
mengun var hætt að veita vatni
úr grunni á framkvæmdasvæði
háskólans í ofanvatnslögnina og
því í staðinn beint í skolplögn
Orkuveitunnar og að hreinsunar-
stöð í Klettagörðum.
Heilbrigðisnefndin segir að
tryggt verði að eftirleiðis fari ein-
ungis ofanvatn í Nauthólsvíkur-
lögnina.
Einnig sé staðfest að allt ofan-
vatn af bílastæðum háskólans fari
í olíuskiljur áður en það rennur um
rörið. - gar
Heilbrigðisnefnd Reykjavíkur:
Grænt ljós á rör
við Ylströndina
ÓTTARR HRAFNKELSSON Frárennslisrörið
frá athafnasvæði Háskólans í Reykjavík
hefur fengið grænt ljós frá heilbrigðis-
nefnd.
LÖGGÆSLUMÁL Bæjarstjórn Voga
segist hafa þungar áhyggjur af
boðuðum skipulagsbreytingum á
löggæslunni á Suðurnesjum.
Að sögn Vogamanna var samein-
ing lögregluembættanna á Suður-
nesjum kynnt þannig að hún ætti
að styrkja og efla löggæsluna.
„Frá þeim tíma hefur fækkað
verulega í lögregluliðinu. Boðaðar
skipulagsbreytingar eru ekki til
þess fallnar að laða að nýja starfs-
menn, draga úr óvissu og auka til-
trú almennings á löggæslu á svæð-
inu,“ segir í ályktun sem
bæjarstjórnin samþykkti að til-
lögu Birgis Arnar Ólafssonar, for-
seta bæjarstjórnar.
Þá segist bæjarstjórnin taka
undir með stjórn Sambands sveit-
arfélaga á Suðurnesjum og full-
trúum félaga lögreglu- og toll-
gæslumanna og lýsir þungum
áhyggjum af óvissu um verkefni
og stöðu embættis Lögreglustjór-
ans á Suðurnesjum. „Sveitarfélag-
ið hefur lagt til húsnæði undir
starfsemi forvarnarlögregluþjóns
og stendur til að hann komi til
starfa í Vogum í maí næstkom-
andi. Bæjarbúar í Vogum munu
ekki sætta sig við að þau áform
breytist,“ segir bæjarstjórnin og
skorar á Björn Bjarnason dóms-
málaráðherra að tryggja að gott
samstarf sem verið hafi um lög-
gæslumál á Suðurnesjum raskist
ekki og að stjórnvöld eyði þeirri
óvissu sem lögreglan búi við.
- gar
Bæjaryfirvöld í Vogum lýsa áhyggjum af þróun löggæslumála á Suðurnesjum:
Sætta sig ekki við breytingar
JÓHANN R. BENEDIKTSSON Suðurnesja-
menn vilja ekki óvissu um störf Jóhanns
R. Bendiktssonar lögreglustjóra og liðs
hans. FRÉTTABLAÐIÐ/GVA
Viðbrögð rektora við höfundarréttarmáli Hannesar Hólmsteins:
Háskólarektorar líta brot gegn
höfundarrétti alvarlegum augum
ÁGÚST EINARSSON ÞORSTEINN GUNNARSSON
EFNAHAGSMÁL Þórólfur Matthías-
son, prófessor við Háskóla
Íslands, leggur til í grein í norska
viðskiptablaðinu Dagens Nær-
ingsliv að ríkisstjórnir Noregs og
Íslands skipi sem fyrst nefndir til
að kanna kosti þess og galla að
hefja myntsamstarf.
Þórólfur telur að það geti verið
sterkur millileikur að taka upp
gagnkvæma bindingu norsku og
íslensku krónunnar í sex til tíu ár,
eða þar til evruvæðing hafi átt
sér stað. Hann bendir á að hags-
munir þjóðanna fari saman og
þær hljóti að hafa samflot, hvort
sem það sé fyrir utan eða innan
ESB. Sú hætta sé fyrir hendi að
íslenska banka- og fjármálakerf-
ið hverfi úr landi við núverandi
ástand og spyr hvort Íslendingar
geti beðið lengi eftir því að fá not-
hæfa mynt. „Við verðum að hafa
einhvern millileik,“ segir hann.
Þórólfur telur að hægt sé að
binda íslensku krónuna við þá
norsku á skömmum tíma, aðeins
þurfi samkomulag milli ríkjanna
um það. Hann gerir ráð fyrir að
bindingin yrði gagnkvæm, norski
seðlabankinn myndi kaupa og
selja krónur til að halda genginu í
jafnvægi þar til nothæf mynt
hefði verið tekin upp.
„Norðmenn eiga geysilega
stóra gjaldeyrisvarasjóði. Það er
enginn sem reynir að gera áhlaup
á þá til að fella gengið á norsku
krónunni,“ segir hann.
Þórólfur gerir ráð fyrir að
Norðmenn myndu vilja „býsna
náið samstarf á milli ríkjanna og
jafnvel sameiningu bankaeftirlits
og fjármálaeftirlits landanna
vegna þess að þeir væru þá óbeint
að tryggja heil-
brigði íslensku
bankanna. Þeir
myndu vilja fá
á móti ein-
hvers konar
aðkomu að eft-
irlitsstofnun-
um sem sjá til
þess að heil-
brigði þessara
stofnana hér
sé í lagi.“
Árni Mathie-
sen fjármála-
ráðherra telur
ólíklegt að
myntsamstarf við Norðmenn geti
hjálpað Íslendingum en útilokar
ekkert fyrirfram. „Við værum
áfram á litlu myntsvæði,“ segir
hann.
Steingrímur J. Sigfússon, for-
maður Vinstri grænna, vill skoða
aukið samstarf á sviði gjaldeyris-
og peningamála og telur að ekk-
ert eigi að vera undanskilið.
Myntsamstarf við Norðmenn geti
verið „framtíðarmúsík“.
Guðni Ágústsson, formaður
Framsóknarflokksins, telur að
myntsamstarf við Norðmenn
komi til greina ásamt mörgu
öðru.
Gunnar Svavarsson, formaður
fjárlaganefndar, telur það ekki
koma til greina en fagnar umræð-
unni. ghs@frettabladid.is
Prófessor vill norska
krónu sem millileik
Prófessor við Háskóla Íslands telur hættu á að bankarnir hverfi úr landi og
leggur til að ríkisstjórnir Noregs og Íslands skipi nefndir til að kanna myntsam-
starf. Norðmenn vilji líklega sameina banka- og fjármálaeftirlit þjóðanna.
Hefur þú verið teppt(ur) í
umferðinni vegna mótmælaað-
gerða atvinnubílstjóra?
Já 21,9%
Nei 78,1%
SPURNING DAGSINS Í DAG:
Er kominn vorhugur í þig?
Segðu skoðun þína á Vísir.is
ÞÓRÓLFUR MATTHÍ-
ASSON prófessor við
viðskipta- og hag-
fræðideild Háskóla
Íslands.
SAMKOMULAG MILLI LANDANNA Ríkisstjórnir Noregs og Íslands þurfa að gera sam-
komulag um að binda íslensku krónuna við þá norsku og yrði bindingin gagnkvæm
ef hugmyndir Þórólfs Matthíassonar prófessors ganga eftir. Þessi mynd er úr norska
stórþinginu. FRÉTTABLAÐIÐ/NORDEN.ORG
IÐNAÐUR Uppbygging álvers
Norðuráls í Helguvík mun ekki
valda óeðlilegri þenslu í samfé-
laginu, segir í tilkynningu frá
Norðuráli. Efnahagsleg áhrif
verði lítil á yfirstandandi ári, en
meiri á árunum 2009 og 2010.
Í tilkynningunni kemur fram að
áætlaður kostnaður við fyrsta
áfanga álversins verði 60 til 70
milljarðar króna.
Ríflega helmingur sé vegna
kaupa á búnaði og tækni. Kostn-
aður við hönnun, framkvæmda-
stýringu og eftirlit verði sex til
sjö milljarðar, sem muni skila
íslenskum þekkingariðnaði
verulegum tekjum. - bj
Uppbygging í Helguvík:
Segja tímasetn-
ingu heppilega
KJÖRKASSINN