Fréttablaðið - 06.04.2008, Blaðsíða 18
18 6. apríl 2008 SUNNUDAGUR
Byrjum á smákynningu. Ef þið
væruð stödd í Gettu betur og
ættuð að þylja upp allt sem þið
vitið hvort um annað, hvað myndi
það vera?
Sigmar: Flestir landsmenn fá vatn
í munninn þegar þeir heyra nafnið
hennar. Hún er matgæðingur mik-
ill og hefur samið matreiðslubæk-
ur og þýtt. Ein af bókunum hennar
er einhvers konar biblía í eldhús-
um. Hún hefur bloggað dálítið þar
sem ég hef stundum rambað inn.
Nanna hefur líka starfað sem
blaðamaður. Meira veit ég ekki.
Nanna: Ég veit nú ekkert voðalega
mikið um Sigmar. Ég myndi örugg-
lega vita meira ef ég væri ekki
hætt að fá Séð og heyrt á skrif-
borðið mitt. Ég veit að hann var
útvarpsmaður á X-inu en hef ann-
ars bara séð hann í sjónvarpinu.
Meira er það ekki. Jú – áttu kött?
Sigmar: Ég átti kött.
Nanna: Sko, vissi það.
Flottir fótboltastrákar
Nefnið þá þrjá hluti hvort um
annað sem þið vitið ekki hvort eru
sannir eður ei en gætuð engu að
síður trúað að væru það.
Sigmar: Nanna þú verður að byrja
núna.
Nanna: Ég hugsa að þú hafir ansi
gaman af að horfa á fótbolta en
sért ekki mjög góður þegar þú
spilar hann sjálfur.
Sigmar: Rétt.
Nanna: Ég held að þú sért litaglað-
ari en þú sýnir núna.
Sigmar: Ekkert endilega að vísu,
en jæja, ókei.
Nanna: Svo er sófinn líklega uppá-
haldshúsgagnið þitt.
Sigmar: Neee …
Nanna: Í stofunni sko.
Sigmar: Já, ókei. Ég skal gefa þér
rétt fyrir stofuna. Þá er komið að
mér. Ertu vinstrisinnuð í skoðun-
um?
Nanna: Já.
Sigmar: Ég held líka að þú hafir
gaman af fótbolta en gefir þig út
fyrir að hafa það ekki.
Nanna: Ég hef gaman af flottum
fótboltastrákum.
Sigmar: Jæja, það er að hluta til
rétt. Svo get ég ímyndað mér að
þú sért miðbæjarmanneskja.
Nanna: Rétt. Hef búið í 101 í þrjá-
tíu ár.
Páll Óskar og Stefán Pálsson
Beint í mótmælin. Trukkabílstjór-
ar hafa tafið óbreytta og alþingis-
menn undanfarna daga í umferð-
inni. Ef þið ættuð að mótmæla
einhverju á þann hátt að það hefði
áhrif á daglegt líf í landinu, hvað
mynduð þið gera? Hvaða Íslend-
ing mynduð þið kjósa til að leiða
mótmælin þannig að þau myndu
lukkast vel? Og hvað er helst í
huga ykkar núna sem er mót-
mælavert?
Nanna: Ég held að ég myndi mót-
mæla rafrænt. Þá gæti ég bara
setið í mínum sófa og þyrfti ekki
að hreyfa mig. Senda tölvupóst
eða eitthvað.
Sigmar: Gallinn er sá að mér
finnst þessi friðsömu mótmæli
ekki skila nógu miklu. En svo er
ég heldur ekki hrifinn af mótmæl-
um sem skerða rétt þeirra sem
ekki eru þátttakendur en svo eru
það samt mótmælin sem vekja
menn til umhugsunar svo þetta er
pínu erfitt. Þannig að þótt maður
hafi samúð með vörubílstjórum þá
finnst manni þeir ganga of langt.
Nanna: En Íslendingur til að leiða
mótmælin segirðu. Ætli Valli Sport
væri ekki fínn í það. Hann náði
svo góðum árangri með Merzedes
Club.
Sigmar: Ég myndi örugglega ráð-
færa mig við Stefán Pálsson og
svo poppa þetta upp með því að fá
Pál Óskar með honum. Það þarf að
vera gleði í mótmælum – að
minnsta kosti í mótmælum sem
eru ekki þeim mun alvarlegri. Gay
Pride-gangan byrjaði nú sem mót-
mæli. Ef ég ætti svo að velja eitt-
hvað eitt til að mótmæla núna
væru það húsnæðislán bankanna.
Maður horfir nánast í heimabank-
anum á lánið sitt hækka frá mín-
útu til mínútu.
Nanna: Ég tek undir þetta. Ég vil
líka mótmæla þessu.
Gengið hefði mátt vera aprílgabb
Aprílgöbb vikunnar voru mörg og
af margvíslegum toga. Hvaða
gabb fannst ykkur best heppnað í
ár og hvaða aprílgabb fyrr og
síðar er eftirminnilegast? Hvaða
tíðindi vikunnar hefðuð þið jafn-
vel haldið eða vonað að væru apr-
ílgabb?
Nanna: Ég man nú varla eftir
neinu aprílgabbi. Eða jú, jú, var
það ekki niðurhal á bíómyndum og
einhver með ódýrt bensín – eða
var það kannski ekki aprílgabb?
Sigmar: Jú, það var gabb. En apr-
ílgöbbin í ár fannst mér óvenju-
slöpp. Þessi göbb þar sem fólk er
látið hlaupa út í búð eftir ódýru
kjöti eða ódýru bensíni finnst mér
ekkert sérstaklega frumleg. Ég
hafði gaman af gabbi Femínistafé-
lagsins þar sem þær sögðust ætla
að fara berbrjósta í sund.
Nanna: Svo var líka svo margt
búið að gerast skrítið að maður
vissi ekki hvað var gabb eða
alvara.
Sigmar: Best heppnaða aprílgabb
fyrr og síðar finnst mér þegar til-
kynnt var að McDonalds hefði
kært Kópavogsbæ þar sem Kópa-
vogskirkja þótti of lík McDonalds-
lógóinu. Það var eitursnjallt.
Nanna: Það aprílgabb sem ég man
best eftir, enda orðin svo gömul,
er þegar Mogginn sagði frá því að
gervitennur væru settar upp í
hesta. Það var mjög vel undirbúið.
En af tíðindum vikunnar sem ég
hefði vonað að væru gabb má
nefna visa-reikninginn minn. Svo
hefði ég gjarnan viljað að þessi
rússibanaferð krónunnar væri
aprílgabb.
Sigmar: Ég hélt, þegar ég frétti af
för Ingibjargar og Geirs með
einkaþotunni, að það væri apríl-
gabb. Geir H. Haarde var svo í
viðtali hjá mér þarna um kvöldið
og ég talaði því við aðstoðarkonu
hans fyrr um daginn og hún sann-
færði mig um að þetta væri ekki
gabb. Svo spurði ég Geir út í ferð-
ina í viðtalinu og hann svaraði
þannig að þetta gat ekki verið
gabb. Ég fór svo að efast um í enn
eitt skiptið um kvöldið að þetta
væri alvara þegar ég las inni á ein-
hverri bloggsíðu að Geir hefði í
þættinum verið þátttakandi í ein-
hverju leikriti. Vissulega dettur
manni fyrst í hug aprílgabb þegar
ráðamenn þjóðarinnar ferðast í
fyrsta sinn í einkaþotu.
Dr. Gunna sem sparnaðarráðherra
Það er ekki hjá því komist að bera
upp eina kreppuspurningu í anda
ársins 2008. Ef þið yrðuð að taka
upp breyttan lífsstíl og neita
ykkur um þrennt, hluti eða munað,
til að vera með í aðhaldinu, hvað
mynduð þið gera? Ef búa ætti til
ráðuneyti sparnaðarráðherra,
hvaða Íslending mynduð þið helst
vilja fá í hlutverkið og hvern
mynduð þið svo láta sjá um að
spreða á góðæristímum? Og hver
er ákjósanleg „kreppuafþreying“
á þessum síðustu og verstu?
Nanna: Ég myndi láta frysta
Amazon-reikninginn þar sem ég
kaupi mér matreiðslubækur.
Sigmar: Ég myndi fá mér ódýrari
bíl sem eyðir minna, ég gæti losað
um pening þar. Ég hugsa ég myndi
spara heilmikið ef ég segði upp
fótboltarásunum og færi frekar á
pöbbinn að horfa yfir kaffibolla.
Og ef ég hætti að kaupa allt nam-
mið sem ég ét um helgar myndi ég
stórspara. En þá þyrfti ég líka að
fara í langa meðferð áður því nam-
miátið er fíkn.
Nanna: Ég auðvitað á ekki bíl og
hef aldrei átt.
Sigmar: Þú ert þá búin að taka út
mesta sparnaðarráðið.
Nanna: Mér finnst ég nú annars
lifa frekar spart. Ég gæti kannski
hætt við fjölvarpið og þess vegna
alveg við sjónvarpið. En ég gæti
ekki komist af án internetsins og
myndi aldrei skera niður í því að
kaupa góðan mat. Ég gæti kannski
keypt ódýrari vín.
Sigmar: Ég myndi svo ráða Dr.
Gunna sem sparnaðarráðherra.
Hann er ótrúlega naskur í því að
benda fólki á verðlagið og það var
æðislegt þegar hann benti okkur á
það að einn sveppur kostar úti í
búð heilar 40 krónur. Sem er auð-
vitað bara sturlun.
Nanna: Mér finnst það mjög góð
hugmynd reyndar. En það vantar
varla sérstakan ráðherra í að
spreða? Eru ekki allir góðir þar?
Sigmar: Ég myndi ráða Hannes
Smárason í að spreða. Ég er svolít-
ið impóneraður yfir því hvað hann
er duglegur á því sviði. Kannski
myndi ég líka fá Alfreð Þorsteins-
son með honum í verkið. Þeir gætu
orðið góðir saman. Kærastan mín,
Þóra Tómasdóttir, væri góð í hlut-
verkinu líka, þótt hún sé að vísu
líka sterk í aðhaldinu þegar þarf.
Nanna: Ákjósanleg kreppuafþrey-
ing er svo að mínu mati, og hefur
alltaf verið hjá mér, bóklestur.
Sigmar: Já, góð hugmynd. Það er
kominn tími fyrir mig og fleiri að
lesa loksins allar bækurnar sem
eru ólesnar uppi í bókaskáp. Öll
heimili eiga nóg af ólesnum bókum
og það er engin afþreying betri og
ódýrari. Og góðir göngutúrar.
Sigmar má hringja í mig
Ef þið ættuð að skipta um hlut-
verk og þú Nanna yrðir allt í einu
stödd í setti Kastljóssins og þú
Sigmar með óskrifaða matreiðslu-
bók í höndunum, hvaða fólk mynd-
ir þú fá í Kastljósið, Nanna, og
hvað mynduð þið tala um? Og
hvað myndir þú elda upp úr mat-
reiðslubókinni, Sigmar?
Sigmar: Sko. Það er góð og gild
ástæða fyrir því að ég gef ekki út
matreiðslubækur. Það eina sem ég
er ágætlega flinkur í að elda eru
einfaldir pastaréttir sem útheimta
bara það hráefni sem ég á til. Ég
kann reyndar að gera óheyrilega
gott túnfiskssalat þannig að ætli
þetta yrði ekki Túnfiskssalatsbók
Sigmars. Það yrði þá einn réttur í
henni.
Nanna: Í Kastljóssþátt myndi ég
sennilega fá hjónin Ásu Aradóttur
og Ólaf Arnalds til að tala um land-
eyðingu og landgræðslu og síðan
myndi ég fá Ólaf Dýrmundsson til
að tala um lífræna landbúnaðar-
framleiðslu. Ég myndi vilja sjá
meira af þannig efni í Kastljós-
inu.
Sigmar: Fínasta ábending.
Að lokum. Ef þið mættuð bæta
inn einni spurningu í viðtalið
handa hvort öðru, hver yrði spurn-
ingin og hvert yrði svarið?
Nanna: Hefurðu einhvern tímann
verið alveg kominn að því að gef-
ast upp á einhverjum viðmælanda
eða verið svo pirraður að þú hefur
átt bágt með þig?
Sigmar: Já, já, já. Það hefur alveg
gerst. Maður þarf oft að sýna
annað fas en er innra með manni.
En þótt þú myndir reyna með
töngum myndi ég ekki segja þér
nöfnin. En maður verður bara að
sýna stillingu. Ég spyr þig þá
Nanna, viltu kenna mér að elda?
Nanna: Já, ég er alveg til í það. Og
myndi þá byrja á fiski. Til dæmis
ferskum steinbít, þú getur grillað
hann í ofni með smá engifer og
kryddi. Þarft ekki einu sinni að
snúa honum. Sigmar getur byrjað
á þessu í kvöld og já, hann má
hringja í mig.
Á RÖKSTÓLUM
Ég veit nú ekkert voðalega mikið um Sigmar. Ég myndi
örugglega vita meira ef ég væri ekki hætt að fá Séð og
heyrt á skrifborðið mitt.
Minna sælgæti og ódýrara vín
Nanna Rögnvaldardóttir hljóp ekki fyrsta apríl í ár en var hins vegar að vonast til þess að visa-reikningurinn sinn væri apr-
ílgabb. Sigmar Guðmundsson hélt fram eftir degi að einkaflug Geirs og Ingibjargar væri spaug. Júlía Margrét Alexandersdóttir
ræddi um mótmæli, efnilega spreðara og sveppi við rökstólapar vikunnar.
TIL Í AÐ KENNA SIGMARI MEIRA Sigmar Guðmundsson kann að elda um það bil einn rétt í eldhúsinu - túnfiskssalat. Nanna væri til í að kenna honum frekari listir í eldhúsinu
og hann má hringja í hana þegar hann byrjar. FRÉTTABLAÐIÐ/VALLI
…Sigmar og Nanna eru fædd í
sama stjörnumerki: Hrútnum.
…á milli þeirra eru tólf ár.
… þau höfðu aldrei hist áður og
voru því á sínu fyrsta deiti í
viðtalinu.
…ef Sigmar ætti að kjósa einhvern
eldri borgara til forseta myndi
hann fá „ömmu Röggu“ í emb-
ættið. Hann treystir henni til að
skandalísera ekki í embættinu.
….ef Nanna nær háum aldri ætlar
hún að sitja á bekk á grísku torgi
og nöldra – á íslensku.
…Sigmar segist hafa nöldrað nóg
um ævina og vonast til að hann
verði hættur að nöldra á gamals
aldri.
➜ VISSIR ÞÚ AÐ ...