Fréttablaðið - 06.04.2008, Blaðsíða 22
4 sport
Það var fimmtán stiga gaddur sem tók á móti þeim félög-um þegar þeir stigu út úr
flugvélinni í febrúar síðastliðn-
um. „Ég var nokkuð lengi að venj-
ast þessum kulda,“ segir Bernal
sem jafnan er kallaður Biro.
„Fyrstu tvær vikurnar átti ég í
verulegum vandræðum með þetta
en nú kippi ég mér ekkert upp við
það þó að kuldi bíti kinn.“ Ismael
hafði hins vegar fengið nokkra
aðlögun áður en hann komst í
þessar aðstæður. „Ég hef verið í
Sviss og þar er líka afar kalt svo
ég tók þessu með stóískri ró,“
segir hann. Þeir segjast báðir vera
á góðri leið með að aðlagast landi
og þjóð þótt tungumálið reynist
þeim erfiður ljár í þúfu. „Þetta er
nú meira tungumálið,“ segir Isma-
el og brosir við. En þeir þurfa
einnig að aðlagast íslenskri knatt-
spyrnu sem er ekki á alla lund
eins og þeir eiga að venjast í Bras-
ilíu. „Hér er þjarmað meira að
mönnum,“ segir Biro. „Það reynir
mun meira á líkamlegan styrk
hér. Í Brasilíu hafa menn meira
svigrúm með boltann.“ Ismael
hefur fengið sína aðlögun einnig
hvað þetta varðar. „Það er ekkert
mál að aðlagast knattspyrnunni
hér. Í Portúgal, þar sem ég hef
leikið, eru menn heldur ekki tekn-
ir neinum vettl ingatökum svo
þetta eru engin viðbrigði fyrir
mig.“
En hvernig stendur á því að þeir
félagar sem eru fæddir í Mekka
fótboltans ákváðu að koma hingað
að sparka tuðru í norðangarran-
um? „Tilboðið frá Þrótti var betra
en annarra liða svo ég bara ákvað
að kýla á það,“ segir Biro og Isma-
el segir það sama hafa verið uppi
á teningnum hjá honum.
Biro sleit takkaskónum hjá Santos
FC í São Paulo en eins og flestir
vita gerði Pelé garðinn frægan
með sama liði. En liðið var líka
stjörnum prýtt þegar Biro lék
með því frá unga aldri til ársins
1999. „Ég lék þarna með Robinho
en við vorum einnig saman í skóla
í tvö ár og vorum því ágætis kunn-
ingjar,“ segir hann. „Þótt hann sé
stórstirni er þetta ósköp venjuleg-
ur maður; hress og skemmtilegur.
Ég hef reyndar haft lítið af honum
að segja í seinni tíð en við höfum
ekkert verið í sambandi frá því
hann fór til Real Madrid.“ Í
spænska konungsliðinu atarna
leikur svo einn fyrrverandi sam-
herji Ismaels en það er varnar-
maðurinn Pepe sem nú hefur tekið
sér portúgalskt ríkisfang en var
landi Ismaels þegar þeir léku
saman með Marítimo í Portúgal.
Ismael var einnig samherji Rafa-
els Sobis í liðinu Internacional Í
Brasilíu. Sóknarmaðurinn sá leik-
ur nú með Real Betis á Spáni og
hefur hann nokkrum sinnum
klæðst landsliðsbúningi Brasilíu.
En þeir Ismael og Biro hafa sótt
að sama marki áður en þeir klædd-
ust Þróttaratreyjunni því þeir
voru samherjar hjá brasilíska lið-
inu Londrina á árunum 2004 til
2006.
KYNÞÁTTAFORDÓMAR AF
VERSTU SORT
Skömmu eftir komuna til Íslands
gerðu tvímenningarnir sér glaðan
dag á veitingastaðnum Vegamót-
um ásamt samherjum sínum í
Þrótti. „Við skemmtum okkur hið
besta en urðum þó óþægilega
varir við það að dyravörður fylgd-
ist grannt með okkur og vissum
við ekki hverju það sætti,“ segir
Ismael. Þeir félagar ákváðu síðar
að bregða undir sig betri fætinum
ÞRÓTTARAR Í ÞRENGINGUM OG GLEÐI
Ýmislegt hefur gengið á hjá Brasilíumönnunum Ismael da Silva Fransisco og Carlos Alexandre Bernal síðan þeir gengu til
liðs við Þrótt. Þeir voru meðal annars leiddir í handjárnum á lögreglustöð ranglega sakaðir um að hafa sett lyf í vínglös
kvenna á skemmtistað í miðbænum. Eftir það var þeim skapi næst að halda heim en þeim snerist hugur og munu spila
hér á landi í sumar. EFTIR JÓN SIGURÐ EYJÓLFSSON
„Mér líst mjög vel á þessa stráka og ég held
að þeir eigi bara eftir að vera skarpari með
tímanum. Þeir eru með fína knattspyrnu-
getu en komu náttúrulega bara beint á
klakann og voru voru þannig séð mállausir
í þokkabót þar sem þeir töluðu bara portú-
gölsku en eru nú búnir að vera í bæði
íslensku- og enskukennslu. Þeir eru því
að aðlagast vel og eru kátir og sprækir
en það verður auðveldara fyrir þá þegar
tungumálaörðugleikarnir verða úr sögunni,“
sagði Gunnar Oddsson, þjálfari Þróttar.
„Carlos Alexandre Bernal eða Biro er lágvaxinn og
leikinn leikmaður sem getur spilað í flestum stöðum á
vellinum. Við höfum verið að nota hann í bakverðin-
um þar sem hann virðist njóta sína mjög vel og tekur
að sið brasilískra leikmanna virkan þátt í sóknarleikn-
um. Ismael da Silva Francisco spilar sem framherji
og er tæplega 190 sm á hæð og 85 kíló þannig
að það eru fáir líkamlega sterkari en hann í
Landsbankadeildinni. Þeir eiga örugglega
eftir að krydda leik okkar,“ sagði Gunnar
að lokum.
KRYDDA UPP Á LEIK OKKAR
á Vegamótum en þá kárnaði gam-
anið. „Það var mikil biðröð fyrir
utan,“ rifjar Biro upp. „Þar renn-
ur svo dyravörður að okkur og
spyr um vegabréf og þegar inn
var komið fundum við að fylgst
var grannt með okkur. Síðan erum
við sakaðir um að vera að setja
einhverja ólyfjan í glös hjá stúlk-
unum en það var alveg úr lausu
lofti gripið. Það fer þó svo að lög-
reglan er kölluð á svæðið og við
erum leiddir á lögreglustöð í
handjárnum þar sem við fengum
að dúsa í fangaklefa eins og
glæpamenn í tvær klukkustund-
ir.“ Eins og alþjóð veit hefur það
komið fyrir í Reykjavík að menn
hafa sett ólyfjan í glös hjá konum
með það fyrir augum að nauðga
þeim þegar ástand stúlknanna
leyfir engar varnir. Málið var því
litið grafalvarlegum augum. Fjall-
að var um málið í fjölmiðlum en
síðar fékkst staðfest að ekkert
var til í þessum ásökunum.
Nú verður Ismael mikið niðri
fyrir. „Við höfðum ekkert af okkur
gert annað en að vera af öðrum
kynþætti og þjóðerni en dyraverð-
irnir sem var ekki hlýtt til okkar
af þeim sökum. Þetta eru kyn-
þáttafordómar af verstu sort.“
KOM FYRIR FÓTBOLTANN,
EKKI STELPURNAR
Það blés því ekki byrlega hjá þeim
félögum sem flust höfðu frá Bras-
ilíu og Portúgal til fjarlægrar
eyju í Norður-Atlantshafi þar sem
þeir fengu svo að dúsa handjárn-
aðir í fangaklefa. „Það fyrsta sem
kom upp í hugann var að pakka
saman og halda rakleiðis heim,“
segir Ismael. „En þegar mesta
bræðin rann af mér hugsaði ég til
þess að héðan fæ ég tekjurnar og
það eru fleiri en ég sem treysta á
þær því ég sendi fjölskyldu minni
í Brasilíu hluta af þeim.“
En þó að veröldin virtist hrunin
eitt augnablik lögðu þeir tvímenn-
ingar ekki árar í bát og una þeir
nú hag sínum nú hið besta. „Ég lifi
hér þægilegu og góðu lífi, hef
fengið bíl og allt,“ segir hann og
hringlar lyklakippunni með bíl-
lyklinum.
En þótt samskipti þeirra við
kvenþjóðina hér á landi séu ekki
með þeim hætti sem þeir voru
sakaðir um á Vegamótum hljóta
þau að vera einhver, eða hvað?
„Íslenskar konur eru fallegar en
ég er hingað kominn til að spila
fótbolta svo ég er ekki að gleyma
mér yfir þeim,“ segir Biro. Isma-
el á hins vegar kærustu í Brasilíu
sem reyndar var á landinu þegar
viðtalið fór fram svo það mál
þurfti ekki að ræða frekar.
Þeir segjast einnig vanir mikl-
um aga hvað skemmtanalíf varð-
ar. „Í Portúgal var ekkert útstá-
elsi leyft á keppnistímabilinu,“
segir Ismael. „Menn gátu kannski
fengið sér bjórglas eftir leik en að
öðru leyti urðu menn að sitja á
strák sínum.“
Það er því ljóst að þeir félagar
munu mæta einbeittir til leiks
enda segjast þeir staðráðnir í að
gefa Þrótti allan sinn þrótt í
sumar.
Carlos Alex Bernal
Aldur: 24 ára
Hæð: 1,72 metrar
Fyrirmynd í boltanum: Zico
Uppáhaldsleikmaður: Alex í
Fenerbahce
Mesti ókostur við Ísland?
Tungumálið
Uppáhaldsmatur: Lasagna
Ismael da Silva
Francisco
Aldur: 23 ára
Hæð: 1,90 metrar
Fyrirmynd í boltanum:
Romario
Uppáhaldsleikmaður: Didier
Drogba hjá Chelsea
Mesti ókostur við Ísland:
Tungumálið er allt of flókið
Uppáhaldsmatur: Rifjasteik
með hrísgrjónum
SAMBASTRÁKAR
Þeim Biro og Ismael var
býsna kalt á sólar-
ströndinni í Naut-
hólsvík en brostu líkt
og venjulega. MYND/STEFAN